متواضعه أضعها أمامكم،،،
بوح دار بيني وبين الوالده أطال الله بعمرها
وجميع أمهاتكم...
بوح دار بيني وبين الوالده أطال الله بعمرها
وجميع أمهاتكم...
[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يمَه علام الزمن هو صـايرٍ ضدي ؟=يضحك لغيري وانا لي كاشـرٍ نابه
أخفي طعوني و دمعي جـارحٍ خدي=وأشقت فؤادي طعون الوقت وأسبابه
يا طعون تكفين عن قلب الشقاء هدَي=صدري من اللي حصل يكفيه ماصابه
جارت علي السنين وبيَحـت سدي= والهـم فالقـلب قـام ينصّب اطنـابه
وتاهت جميع الخطى في حلمي الوردي=والحزن طعمه مع الافراح متشـابه
ودنياي ضاقت وهي ما قدَرت جهدي=وغاب السعد مني وحطوه بترابه !
ودرست أنا في مدارس وقت متحدي=وصرنا أنا والعمر والروح طلاَبه !
وصديقـةٍ كنت معها حافظه عهدي=طاعت عذولٍ ورانا تنبح كلابه !
عقدين مرت و أعايش ضيقتي وحدي=العمر يمضي وأنا أطرد مقفي ركابه!
عجايبٍ عـاقبتـني عكـس مـاودَي=والحظ طايح وسعدي طول غيابه!
يمَه تعـالي و حطَــي يـدك بيـدَي=العمر دونك أشوفه صايرٍ غـابه !
مادام موجـود راسـك حي من قدَي ؟= يكفي أشوفك جبال القـلب وهضابـه !
[/poem]
النــــــــادرة
،،،،
[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
حيَـه جوابٍ لفـا من زاهي الخدي= يا مرحبا فيه واهلينٍ و ترحابه
قـافٍ وصلـني وله جهزتـنا ردَي=هيَض فؤادي حسينٍ أرسل اجوابه
النـادره تشتكي من وضـع متردي=تشكي زمـانٍ عليها فاتـحٍ بابـه
أبواب هـمٍ تضيم الحـال وتضـدَي=تتعب فؤادٍ و زهر العمـر تقفـابه
وتشكي وفاء في زمنا صار ينعـدَي=ولاخير في قلبٍ ينسى عشرة أصحابه
ياعزوة اللي عليـه الخصـم متعدَي=تشفي غليل الكـبد لطمـات مخـلابه
خلَي همـوم الزمـن لابـد بتعدَي=يفرج همـومك ولـيٍ نـزَل كتـابه
يفديك حالي ومالي وكل ما عندَي= ولا أعيش يومٍ دمـوعك فيه سكَـابه
وهذي تحيه وسلامٍ جاك في ردي= يااغلى القرايب لقلبي وأصدق أحبابه
[/poem]
الوالـــده حفظها الله
تعليق