يالنداويه ( بيت الغرام )

[frame="1 80"][poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

قالو علامك ناحلٍ حالك بزود = قلت اسألو خلي ولا تسألوني

هو السبب فيما حصل ناعم العود = ولجله نحل حالي وسهرت عيوني

قدلي سنه في غربةٍ مالها حدود = غربه معا ذاتي وهم(ن) يموني

ماهي بغربة موطن ولا هفا جدود = اكرم و ربعي "م" الرداء يكرموني

ولا سارت أقدامي على درب منقود = ولا على الفعل الرخيص ذكروني

لكن غيابه حط في قلبي لهود = وأوقد لهيب النار في وسط نوني

على رجوعه خذت ميثاق وعهود = واليوم خابت في رجوعه ظنوني

باب الوصل في سكة خطاه مسدود = مدري حسدوه الناس ولا حسدوني

وهو غاية المقصود عن كل مقصود= وحتى حياتي لجل قربه تهوني

بعده معذبني وقربه هو الفود = وصوته يسليني وصمته جنوني

أيام عمري عقب ذاك الصفا سود = انشهد ان الوقت كثر طعوني

ياحمود انا بشكي لك الحال يا حمود = كثرت هواجيسي وكثرت شطوني

مانيب الأول وشوف وعيونك شهود = متغير طبعي وشكلي ولوني

الحال ما من حال والحيل مهدود = والنفس صلفه والمواجع ضعوني

أسهر على طارية والعالم رقود = الى ذكرته ما تغمض جفوني

ولو حولي اصحابي طوابير وحشود = ما كني اعرفهم ولا يعرفوني

اسهى وافيق احيان واروح واعود = والى صحيت من الطواري دعوني

والى دعوني قلت مانيب موجود = في عالمٍ ثاني مداده شجوني

بالكود البي داعي الربع بالكود = ماهمني ولو علي يزعلوني

واذا ذكرت انهم لي سناد وعضود = اصيح باعلى الصوت مهما يكوني

تكفون ياهل المدح يا مارث الجود = تكفون لديار الغضي وصلوني

واذا وصلتوا دار حماية الذود = خلاص في بيت الغرام اتركوني

بيتٍ على العز وعلى المجد مشيود = بيتٍ ذراه لكل خايف زبوني

أعيش في ظله وللوصل مردود = واقهر وجيهٍ بالمكايد بلوني

اسبق على النمات من ذاري النود = وابعد عن الفزعات من جبر كوني

منهم على جرح الزمن صرت محسود = والى اندمل جرحٍ قديم جرحوني

واصبر ولاكني بماصار معمود = عساك ياحبل الرجاء ماتخوني

وأذا انقطع حبلٍ على الوصل معقود = قولوا لعدواني ترى يفرحون

وقولوا لمن شعره على المتن مكدود = ما ابغيه ... قولوله ولا تجحدوني

ما ابغيه ! غير بخير من زود في زود = ما اغليه ! بس اعشقه عشق جنوني

[/poem][/frame]


اخوي حمد

بيض الله وجهك

نص شامخ مثل قايله

والله انكم كفو ا ولا على القارء زود

تقبل صادق الود والاحترام

اخوك

ابونايف