الأمــاره

[poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]




عطني الغلا ياراعي الود عطنيه = ودخلنّي بجو الغرام ومداره
وبادلني علوم الغلا والمشاريه = يازين شرهات الحبيب وشجاره
قلّي وأنا بقول شيءٍ مخبيه = بصارحك وأحكي بصريح العباره
بقولك مافيه أحد غيرك أغليه = ولافيه أحد غيرك أحسّ بجواره
أنت الذي من بد هالناس شاريه = وأنت الذي في القلب حزت الأماره
هذا الذي قِدرت بإني لك أبديه = وياليت تعرف وش ورى هالستاره
تصدق إني يوم أشوفك من التيه = أحسّ في صدري لهيب وحراره
كن الغرام بواهج النار صاليه = لكّن ياحلوه وياحلو ناره
ياكثر والله ماأذكر الزين وأطريه = وأحنّ له حنّة غريبٍ لداره
وألوم نفسي ساعة أزعل وأخليه = وشلون قلبي يبتعد عن مساره
ووشلون أزعّل واحدٍ ميتٍ فيه = ووشلون أعامل صاحبي بالجساره
ماأقساه قلبي كيف يزعل مخاويه = إلاّ شلون ينام قبل إعتذاره
ياصاحبي شيء أطلبه منك عطنيه = ماهوب فيني ياحبيبي خساره
ماأطلب سوى حبّك وقلبٍ تسميه = بإسمي على شان أنطبع في جداره
سجّل عليه إني بدمّي مفاديه = كلام يغني عن الكثير إختصاره
إخذ الكلام اللي المحبّه تغطيه = وأنته لبيب وتكتفي بالإشاره

شعر : أحمد الذيابي
17 نوفمبر 2005
[/poet]

الله علييييييك ياحمد


صح لساااانك

ولاهنت يالقرم

وربي روعه روعه


اخوك

الراوي

لله درك



هنا يطيب للشعر ان يفخر بك





صح الله لسانك مدد




قلت وطلت وابدعت




تحياتى

سالم محمد اليامي


مشكور ياغالي


والله لايهينك

تحيتي

احمد الذيابي




صح الله لسانك ولاهنت




هنا امارة شاعر


وهنا شعر يروي ذائقة الابداع



دلم هذا النبض الراقي

احمد الذيابي




صح الله لسانك ولاهنت



ولا هنت قصيده رائعه...تقبل تحياتي

خالد الذيابي


مشكور ياغالي



ولاهنت

وهــــــــذا من ذوقك

تحيتي

صح لساااااااانك يا أحمد


جزله من جزل


صح لسانك

حسين الحبابي


مشكور ياغالي


وهذا من ذوقك


تحيتي

الله عليك يا احمد

اشهد بالله انك مبدع

صح لساانك

سجل اعجابي


اخوك


السنافي

مطر العضياني


صح بدنك

وألف شكر لمرورك

لاهنت ياغالي


تحيتي

مبارك بن محيا

كل الشكر لك


والله يسلّمك يالقرم


تحيتي

السنافي


كل الشكــر على كريم مرورك


تحيتي