Tweet
ليت من قفّا يعوّد
[align=center]
اخواني واخواتي ..
أهديكم ..
آخر ما بحت به من مشاعر ..
عسى ان ينال اعجابكم
[/align]
[poem=font="Simplified Arabic,5,skyblue,bold,italic" bkcolor="black" bkimage="" border="ridge,4,orangered" type=2 line=1 align=center use=ex num="0,black"]
معدنك طيّب و جوهرك الثمين=انعكاسه واضح و نوره يبان
بك سليت الهم و الحزن الدفين=و ابتهج قلبٍ عليه الوقت شان
جيّتك تجلي عنا القلب الحزين=و شعّت الانوار و الشوق استبان
شف فوادي كم يعذبه الحنين=في هوى من بدّل عهوده و خان
ما رحم خلٍ من صدوده غبين=شام عنّي و ارتحل و القدر هان
كم توسلت الامل منهم سنين=و كم زرعت الود في وصله جنان
لين شان الحال و العود اللدين=يبست اوراقه و منه الغصن لان
وجد قلبي وجد من ابطى سجين=و الفرج ماجا قراره في البيان
كل يوم ايمر عن عشرة سنين=واقفه ضدّه حظوظه و الزمان
و يا وجودي وجد من أمسى طعين=غايرٍ جرحه و لا يوم استكان
وما لقى له من قريبٍ له يعين=ضاع عمره بين ليت و بين كان
ليت من قفّا يعوّد لي في حين=و اغمر احساسه بعطفي و الحنان
و يتكرّم بالوصل و الوصل دين=و له خفوقي و العمر عنده ضمان
و الغلا اكليل ورد و ياسمين=باقةٍ منّي شذاها قيحوان
هادينّه لك و قدرك ما يهين=قالها قلبي وترجمها اللسان
[/poem]
تعليق