اول العيد

السلام عليكم
وكل عام وأنتم بخير


[poet font="Simplified Arabic,5,darkred,bold,normal" bkcolor="transparent" bkimage="" border="double,4,gray" type=2 line=200% align=center use=ex length=0 char="" num="0,black" filter=""]
أول العيد عدّى قلت ابصبر عساني = ثاني العيد ودّع قلت عذره معه
ثالث العيد ماله حسّ كنّه نساني = قمت افكّر واهوجس وش حصل ومنعه
قلت ابرسل رساله كود يدري بشاني = الرقم صار خاطي غيّره باجمعه
كان هذا تغلّي مثل بعض الحساني= الله اقوى ببحره تاهت الأشرعه
موجه اللي بسحره دون وعيٍ غطاني = ضاع دربي فلا ادري بالجهات اربعه
كان قلبك حبيبي ما سأل او سلاني = حاول إنّك تفهّم حالتي واقنعه
وكان تنوي بصدّك هدم باقي كياني = دون ذنبٍ جنيته موقفي واسمعه
انت وحدك حبيبي من سكن بالمحاني= غير حبّك فلا لي أيّ حب اتبعه
خل هرج العواذل وافتهم باتزاني = لو ما احبّك فليش القلب فيك اوجعه
[/poet]

عثمان العبدالله


صح السانك وجمل الله حالك على ماقدمت

وقل انشاء الله انه بيرجع قبل العيد ماهو بعده

تحياتي لك

ارحب يالطائر المهاجر ..

وصح الله لساانك ..

جميلة هي ذكريات العيد .. حتى لو خالطتها معاناة ..

ولا اخفيك عدم قناعتي بكلمة ثواني " قلت بصبر ثواني " الاّ انها بالتأكيد لا تعيب القصيدة ..

شكراً لاتحافنا بهذه الجميلة من ارشيفك الزاخر بالجمال ..

وتقبل من اخيك الصغير تحياته ..

وكل عام وانت بخير ..

اخوك سعد

شكرا أخي متعب وشكرا أخي سعد
والكلمة يا سعد عدلتها معك حق ، وحهة نظر سليمة
فلعل البديل أفضل
لي عودة
تحياتي الطيبة

صح لسانك ياعثمان

قصيده جزله وانت جزل

وكل سنه وانت طيب والله يحقق امانيك

تحياتي لك

السلام عليكم


الاخ عثمان العبدالله



صح لسانك مدد ولاهنت ياغالي


وبالعيد ان شاء الله تتحقق اماني الجميع




كل الود


اخوك
ابوطارق

الأخ عثمان

صح السانك..يا العذب.

قصيدة جزله لا عدمناك.

عيدك مبارك وكل عام وانت بخير.

.

.




الله الله
نص متميز
وشاعريه بلاحدود
صح لسانك
ولاهنت
جزله جزله






.



.

صح السانك

قصيده


رائعه

وجزله


لاهنت

على هالابداع


وكل عام وانت بخير

كل الشكر والتقدير لأخي الكريم/ متعب اليامي
على كريم الحضور والتفاعل الرائع
لاهنت يالغالي
تقبل أطيب تحياتي
وكل عام وأنتم بخير

كل الشكر والتقدير لأخي الكريم / سعد الحمدان
على كريم الحضور والتفاعل الإيجابي
لاهنت يالغالي
تقبل أطيب تحياتي
وكل عام وأنتم بخير

[بنت وايل]

صح لسانك



وعلا شانك



امتعنا ابداعك


دمت مبدع


ولاهنت

عثمان عبدالله

الله يعينك وانا أخوك
راح الأول والثاني والثالث
والله العالم إن العلوم بتزين إن شاء الله ..
صح لسانك وكل عام وأنت بخير

تحاياي