الجدايل

[كحيلان]

طلبتي ماطلبتي وقلت لك سم
كل الحروف فداك اليا طلبتي


اهداء متواضع وقصيده متواضعه للنداويه


فل الجدايل وانثنى القد معكوف

حسبي العبايه طرزت من شعرها

ياعونة الله وش على عين ملهوف

حق تشوف الي تكاشف نحرها

هوذاذهب يبرق على الخصر مردوف

او هي ذراعه دون كمه حسرها

الوجه جنه بالحلا ماله وصوف

سبحان من فيه الحلايا نثرها

من غرته نور سطع يجهر الشوف

ومضة شعاع الشمس دونه كسرها

حدر الجبين عيون تشبح بلا خوف

سلت سيوف مصقلات بنظرها

فيها سواد الليل والبدر مكسوف

وكث الضباب مطوقه من حورها

لاهدابها ظل على الخد منسوف

في فيّّه~الوجنات قيل زهرها

الموت موتي لى غدى الثغر مكشوف

وضوه تقادح حول ثلجه شررها

نار الشفايا وبينها الثلج مصفوف

كن الشتا والصيف بسمة ثغرها

كحيلان




[تم تعديل الموضوع من قبل كحيلان بتاريخ 05-23-2001 الساعة 05:48 AM]

هلاوالله




اما المره هذي محجوز من جد

فيها سواد الليل والبدر مكسوف

وكث الضباب مطوقه من حورها
الاخ الغالي كحيلان(فالح صقر الدوسري)
مساء الخير ،والله قصيدة رائعة باذخة الوصف تستاهل قراءتها مرات ومرات بلا مجامله طالماقائلها ابو صقر .
صح لسانك يا كحيلان الله يعطيك العافية ونبي مثل هذي ترى ما كل واحد يجيد الوصف.سلمت لأخيك ويشرفني معرفتك يا ابو صقر وانت اخ غالي والله لا يحرمنا من وجودك

الله الله

لاهدابها ظل على الخد منسوف

في فيّّه~الوجنات قيل زهرها

ياسلام على هالبيت يابو صقر , القصيده رائعه لكن كلها كوم وهالبيت كوم.

صح لسانك يابو صقر والله.

اخوك الذرب

يا وجه الله

يا سلاااااااااااااااااااااااام ...

هذي احلى هديه .... يامال الغناه يابو صقر ...

دائما مبدع ....

تسلم ويسلم جديدك .

تقبل تقديري واحترامي .

اخوك:
امرىء القيس

اررررررررحب يابو صقر..
كفيت و وفيت.وصح لسانك...
الله يبارك في اليوم اللي كتبت فيه الشعر...
والله يبارك في اليوم اللي جمعنا اخوان...
والله يبارك فيك...
تقبل بصمتي على موضوعك..
اخوك/
عبدالله بن فلاح بن ذويبان

يا كحيلان.......

ويش ذا كله؟؟ صراحة ... ذهلت ..

ما اقول الا ..

الله يعفا للجياكر...

وصف و لا اجمل.... صح لسانك..

جميل هذا الوصف..

و الاجمل لو أنك غصت في عمق تلك الجميلة و أظهرت لنا جمال روحها..

حتى بس تكمل الصورة..

لك اعجابي بكل ما تقول..

اختك

ميثاق

[كحيلان]

الاخ سعد القريشي القحطاني
مرحبا ياخال
مجرد تعقيبك يكفي ناظري ليصل الى خاطري ويستقر في مكان انت اهل له
فالح

[كحيلان]

الاخ
جابر السلمي
حضورك وتواجدك شرف
فما بالك ان تشرفت برد منك
لازلت على عهدي
اقطع احد اصابع كفوفي واحظى بمقابلة شخصك الكريم
تحيات اخوك
فالح

[كحيلان]

اخي ابو عبدالرحمن
الذرب ذرب
جعل عيني ماتبكيك
وجعل الاش فداك يالشللي

لك اجمل وارق تحياتي الاخويه الصادقه

[كحيلان]

يالبى قلبك بابو راشد
خوتك هي التاج اللذي اباهي به الاخرين

اخوك
فالح

[كحيلان]

والله يبارك في اليوم اللي جمعنا اخوان...

كل كلمه يابن ذويبان قلتها لها صدى في قلب يخجله امثالك
لي الشرف ان اكون اخ لشرواك

تقبل فائق تحياتي الاخويه الصادقه
اخوك
فالح

كحيلالالالالالالالالالالالالالالالالالالالالالالال الالان

مساك الله بالخير

قصيده جدا حلوووووووووووه


اعادت القلووووووووب لل....ولل...ولل..


تحيااااااااااااتي

[كحيلان]

اختي
الكريمه
ميثاق

تعقيبك يشرفني ومتابعتك طموحي

مهما قلت عن اللتي حاولت وصف بعض بعض بعض بعضها
لن اوفيها واحد من المليون من ماهي اهل له وتستحقه

اشكرك على تفاعلك وتشريفي بالمتابعه

اصيله يابنت

اخوك
فالح

خيي كحيلان

قصيدة رائعه وضفت فيها معاني الجمال ، وصف جميل تخلل محاسن كثيره ورائعه


الكحيله

[تم تعديل الموضوع من قبل الكحيله بتاريخ 05-22-2001 الساعة 02:43 PM]