جديد الغياب

بسم الله الرحمن الرحيم ..

اخواني الاعزاء اعضاء منتدى النداوي ...

لن تحول الظروف دون التواصل معكم ...

اخواني ..
اسف على عدم ردي على بعضكم لاكن والله انكم في القلب قبل العين.
رجعت لكم بهذي الجديده واتمنى انها تحوز على ربع استحسانكم .



وشهو المفارق غير تجريح وتمزق وانقسام
........................ تخيل انك تمسك القلب بيديك وتمزعه

وانا قضيت الليل كله لاسهاد ولا منام
....................... الين صارت في المعاليق الثلاثه اربعه

ياصاحبي واللي زعل مايمنعه رد السلام
....................... وانته علي حتى سلام المسلمين بتمنعه

والغلطه اللي طيحت شيخ تعلى بالسنام
...................... المشكله تعلقت رجله ونضوه يربعه

يومك تردد لي اساليب الوفا والالتزام
..................... وبينت لي وشلون قلبك للمسامح تخضعه

هالحين لاشيمه ولاقيمه ولا حتى احترام
..................... يالعنبو حي العذول اللي يقول وتسمعه

ياخوي حنا في سعه وشفيك تركض للزحام
..................... الظاهر انك تبتلش لاصرت عنك في سعه

انا اشهد اني شفت بعيونك معاني الانهزام
.................... تعلن علي الحرب وانت السيف تزري ترفعه

ترفق بعمرك ترى مافيه داعي للخصام
................... وانا التحدي ( سامح منه) لجل ماتجرعه

والله احن دموعك العذبه على ريش النعام
.....................ما ابيك تصدم في خفوق صلب الايام صنعه

اسمع مشوره ناصح لك مايبي غير الوئام
..................... احذر تجيك الجمله اللي خافقك بتقطعه

احذر تمادى ثم تسمعها قبل ننهي الكلام
..................... ( مشي الحمامه ياغراب البين لاتتصنعه)


واسف على الاطاله .
اخوكم:
امرىء القيس



[تم تعديل الموضوع من قبل امرىء القيس بتاريخ 05-13-2001 الساعة 03:50 AM]

سلام




اخوي امريء القيس


هلا وغلا بعدهالغيبه


وصح إلسانك على هالقصيده

حي الغايب الحاضر ..

حي الابداع .... المكمل للابداع


وانا قضيت الليل كله لاسهاد ولا منام
....................... الين صارت في المعاليق الثلاثه اربعه


صح لسان ياعايض ... ولاهنت

وترى لك وحشه كبييييييييييره
,
,
,
,
,
,
,
,
,
,
,
,
,
,
,
,
,
,
,
سحـــــقــاً

.. احذر تمادى ثم تسمعها قبل ننهي الكلام
..................... ( مشي الحمامه ياغراب البين لاتتصنعه)


...


صح الله لسانك يامبدع


.. تأكد ان غبت عنا بمشاركاتك انك موجود معنا بذكرك الطيّب وفعلك وقصيدك .


.. مرحبا ومسهلااا يا ابو راشد والله انك على البال دايم ..

.. رائع يا ابو راشد مبدع وقصيدة جزله من جزل



.. تقبل تقديري



..... سهيل

الأخ الغالي / امرئ القيس (( عايض راشد ))

الحمد لله على السلامه ،وبعدين القصيدة من عايض ماتحتاج مدح لانها اكبر من المدح وهي عذبة رائعة مميزة.

صح لسانك وتغيب وتجيب . بس لايطول غيابك ثم....
سلمت لأخيك وبالتوفيق ان شاء الله

ارررررررررررحب يالجزل ان غبت وان ما غبت الغلا هو الغلا

عادة امرئ القيس ما يجيب الا الكايد ..

تقبل تحيات اخوك /// حكيم الجامعه

صح الله لسانك
صح الله لسانك
صح الله لسانك
صح الله لسانك
صح الله لسانك


مبدع والله ياعايض وانت تدري ان شهادتي فيك مجروحه لكن ثق تماماً انك فوق مستوى التطبيل وانا ادري انه مايهمك ولا هوب هامك لكن تأكد انك شاعر متمكن من الابداع والروعه وانت تدري
إلى الامام
وجعلني ماخلا منك من جديدك

تقبل تحياتي
والله يوفقك ترا باقي 24 يوم

اخوك الصغير ماجد

[كحيلان]

احذر تمادى ثم تسمعها قبل ننهي الكلام
..................... ( مشي الحمامه ياغراب البين لاتتصنعه)


لاادري ماذا علي ان اقوله تفاعلا مع امرىء القيس
لله درك من شاعر قليل الابيات كثير المعاني
كل بيت يقول لي باسم ابو راشد الزود لدي
لاارى
الا المشاعر الصادقه تنضح بين طيات الاسطر
لااسمع
الا ترانيم العذابات النبيله ارقص لها المسامع
لااتكلم
الا عن ابن راشد وكلمات ابن راشد وكبرياء ابن راشد
احترمك
افتخر بك
اتشرف باالتعقيب عليك
النهايه حين تكون انت البدايه هي البدايه
وانا اقراء نصك اتخيل ملامحك السمحه وازيد بالتوجد لملاقاتك
لك حيز في كل كلي انت الاجدر باحتؤاءه
اخوك
وصديقك
ورفيق دربك
فالح بن صقر

الٍـــــــــلام عليكم,,,
ابوراشد...
صح لسانك..كفيت و وفيت..
اختصرت الكثير بالقليل...
وهذي عوايد النشامى...والشعار الكبار..ياكبير
تقبل بصمتي على موضوعك..
اخوك/عبدالله بن فلاح بن ذويبان

قصيده.. اكثر من رائعه...

و افق جديد .. يخترقه هذا الشاعر المختلف...

عايض.. استغرب على يد من تعلمت و متى.. شاعرك بسنك.. صعب انه يستوعب هذه الابعاد...



مشالله عليك.. تبارك الله

ابو راشد والله والله والله انها من اجمل ما قريت لك
.
.
.
.
.
.
.
.
.
.
.
.
.
.
.
ترى والله اني صادق من دون مجامله
صح لسانك

الله الله الله الله الله الله الله الله الله الله الله الله الله الله





الـــــــــــعذب الله عليك



انا اشهد اني شفت بعيونك معاني الانهزام
.................... تعلن علي الحرب وانت السيف تزري ترفعه





ياسلام عليك يبو راشد

وصح الله السانك منا لا عندك

________________________________________

اسمع مشوره ناصح لك مايبي غير الوئام
..................... احذر تجيك الجمله اللي خافقك بتقطعه

احذر تمادى ثم تسمعها قبل ننهي الكلام
..................... ( مشي الحمامه ياغراب البين لاتتصنعه)



صح لسانك يابو عايض .... وتسلم علي هالقصيده الطيبه
ولو أنك تقول انك أعتزلت القصيد بعد العرس ... والا حنيت
علي كلاً ماني بلايمك ياوجه جنب لان الشعر يلد قبل مولد الهاجري بثواني معدوده ... مزيد من التقدم والنجاح ياذيبان وتقبل تحياتي



أخوك / بحـــــــــــــر

والله (ياابوراشد)انّي طقيت لها تعظيم سلام.....(قصيدتك هذي ماهي

صاحيه) من أين لك كل هذا....لاتقطعنا

اخي العزيز امرىء القيس

صح الله السانك على هذه القصيده الجميله كجمال صاحبها


والحمد لله على السلامه ومن طول الغيبات جاب الغنايم

قصيده بمنتهى الروعه قد استمتعت بقراءتهاولي طلب يابو راشدلاطول

الغياب لان لك جمهور ومحبين يتابعون كل حرف تكتبه

وانا اقول لك

وشهو المفارق غير تجريح وتمزق وانقسام

................................تخيل انك تمسك القلب بيديك وتمزعه

وصف جميل يابو راشد وحسيت بقمة المعاناه

وانت لاتحتاج الي اطرا


تحياتي لك اخوك وقــــــاد