أبي اوصّي عيونك ياهلا واسمعيها
.......................خابرك تجمعين الصبح مايـــجمعك
ياهلا لازعلتك الشمس قومي عليها
......................من متى المعرفه من شان تمزح معك
ضحكتك يجلس النعناع في شّفتيها
.....................ويش آباقول غــــــير الله ماأروعك
والقصايد إذا ماصفقتلك يديها
....................أعرف انّي بديت احوس فــــبها واعك
الليالي تروح هناك والاّ أجيها
....................وان جرحتي جبيب الــقلب وش يـنفعك
سولفوا عنك قلت آعيش وآموت فيها
....................ينثرونك بعيني ثم اجي واجمـــــعك
ألقصايد تطيح من السما ماشتريها
....................وين مانتي لزوم ان المطر يتـــبعك
لا تغارين من شيخوه بدري عليها
....................السوالف لها والقـــــلب كلّه معك
تعليق