ياما حلا حبكت الدلـه ** من عزبتي شرقي الصيني

[poet font="Simplified Arabic,4,white,bold,normal" bkcolor="transparent" bkimage="backgrounds/21.gif" border="double,3,skyblue" type=0 line=200% align=center use=ex length=0 char="" num="0,black" filter=""]
أبيات متواضعه آمل أن تنال أعجابكم

*****

يا ما حلا حبكت الدلـه=من عزبتي شرقي الصيني
مع فذة اخلاص منعملـه=حسو السفر سمنها لينـي
عقب ارزمت والمطر هله=من مزنتن رشهـا زينـي
في حزة الشمس منزلـه=اعصير والناس ضاوينـي
وأزهم على حسين وأقله=بالله وين أريـش العينـي
ليته أقريب وأنا أصل لـه=مير البلا هـم بعيدينـي
ياحسين ياشوق ابو قذله=سيد البنـات المزايينـي
أبو جديـل اليـا فلـه=شقرن على الردف يهويني
متى نبا ننهـي الرحلـه=ونعـود لأم الوراعينـي
حالي بعدهم بهـا علـه=والقلب من عقبهم شيني
والعين ياحسيـن مختلـه=لو شافت الزين تعصينـي
زين بلا طعم إلـه خلـه=الزيـن عنـد الوفيينـي
أهل الكرم والوفا كلـه=فيهم تزيـن التلاحينـي
شفي ولا أبغا بديلٍ لـه=أبو ضميـرٍ امصافينـي
إله الغلا والغنـج دلـه=وإله الوفا كامل الزينـي
يابو على قصّـر المهلـه=وأقصر مداهـا ليومينـي
ياحسين صبري قضا جله=ماعاد أطيعك تواسينـي
قم وأولم العفش وأفطن له=ياحسيـن لا لا تعادينـي


أبو طلال – الصين الشعبيه في يوم الجمعه الموافق 28/7/1426هـ
[/poet]

الأخ سفر بن مشعان العتيبي

صح السانك

قصيدة وفاء واخلاص.

الله يخلي لك ام الوراعين..

لك مني اطيب تحية

الأخ / عبدالله الشويمان

صح بدنك يالغالي وأشكرك على مرورك

سوينا الأبيات على شأن ماتزعل أم الوراعين هههههههه

لك مني أزكي تحيه

أخوك/ أبو طلال

ابو طلال



الله يلوم من يلومك بالقصيد والتوجد



دامك بالصين الشعبيه عند قوم هنق بنق



يا زين والله شبت النار بتخاتيخ نجد





لله درك




والله يردك لبلادك سالم ومعافى




تحياتى

صح لسانك


قصيدة رائعة





وحضور مشرق






دمت ودام حضورك يا القرم