قولي احبك

[poet font="Simplified Arabic,4,darkred,bold,normal" bkcolor="transparent" bkimage="" border="double,4,gray" type=2 line=200% align=center use=ex length=0 char="" num="0,black" filter=""]
رسالتك وصلت فلا ترسليها = ادري بكلّ اللي بقلبك نويتيه
لا تتعبي نفسك ولا تشغليها = قلبي دليلي فاهمٍ ما كتبتيه
ما دام روحي معْك لو تسأليها = تعطيك سرٍّ في المحبه ذهلتيه
الروح لا حبّت فلا تجهليها = تذوب في حبٍّ تعزّه وتغليه
ولوه ابتعد عن ديرةٍ تنزليها = حسّه يصل لك سامعٍ من يناديه
تدرين نار الحب لو يصطليها = وتدرين ما يخفي ولو ما سألتيه
وأنا عرفت بنيتّك فا امهليها = ياعلّ يطلع فجر نفرح بتاليه
دام الزمن باحلامنا مبتليها = وصارت سرابٍ مبعدات هقاويه
لا تيئسي والنفس لا تعذليها = فالحب سقم الروح ان ما فهمتيه
قولي احبك شامخه واعتليها= وقولي لضيم الوقت خابت مساعيه
بسمة أمل تشرق فلا تقتليها = وندفع ثمنها عمرنا اللي بديتيه
وان ما قدرتي دربنا تكمليها = وحكم الزمن يفرض علينا تجافيه
فقولي بامان الله لا تزمليها = تكفيني الذكرى فغيرك فلا ابيه
روحي امانه معك لا تهمليها= حتى نلاقى من نخافه ونرجيه
[/poet]

الله الله يابوعبدالله

صح الله لسانك و علا شانك

وافيه من وافي

هلا ومرحبا بك أبو فهد
بشرني عنك وعن من يعز عليك أرجو أن تكونوا جميعا في اتم الصحة والسعادة.
مشكور يالغالي
على كريم الحضور والتفاعل الراقي
لاهنت
تحياتي واحترامي

ابوعبدالله صح لسانك ولاهنت قصيده جزله وانت جزل

دمت بخير

تحياتي

ياسلام ياسلام



عثمان العبدالله



قصيدتك جميله ورائعه



صح لسانك



ولاهنت

كل الشكر والتقدير لأخي الكريم/ فالح ابن راشد
على كريم الحضور والتفاعل الرائع
تسلم يالغالي
تقبل أطيب التحية والإحترام

اخي الغالي / عثمان العبدالله ..

ياهلا وغلا والله

قصيدة رااااااااااااااائعة

وشامخة بحجم شموخك

صح لسانك حتى ترضى

وتقبل خالص تحياتي

أخوك / قديم الشوق