قال الوداع

[poet font="Simplified Arabic,4,darkred,bold,normal" bkcolor="transparent" bkimage="" border="double,4,gray" type=2 line=200% align=center use=ex length=0 char="" num="0,black" filter=""]
قال الوداع وقلت مافيه داعي= حنا انتهينا وانكشف كل مستور
كنت الوهم في دنيتي باقتناعي= وكنت السراب اطرده ما طعت للشور
في بحر حبك انتهى بي شراعي= ولقيتني تايه بليلٍ بلا نور
موجك خذاني ما دريت بضياعي = حتى رماني بين شعبان وصخور
قمت انتخي وابذل جميع المساعي= واثرك بعيد ولا تبي صوت مكسور
احيان اقول إنك تمارس خداعي= واحيان اقول إنك على الحب مجبور
ودي تفهّم بالعقل كان واعي = للحب قانونٍ وشرعٍ ودستور
خالفتها وعينك عليها تراعي= ومن كان ذا مبداه في الحب مغرور
ان كان تبغى الحق حبك صناعي = ولا ينبني بيتٍ على ساس مخطور
احسن لي انسى حسرتي والتياعي= وانسى حبيبٍ طالني منّه الجور
رح في امان الله هذا وداعي = حتى ولو شفت الأذى منك مشكور
[/poet]

ابو عبدالله

صـــح لـسـانـك مليوووون وبيـض الله وجـهـك


ســلـمـت ودمــت يا الـغـالي


قصيده جزله من شـاعر جـزل


تقبل خالص تحياتي وتقديري

عثمان



لله درك




لشعرك روح ونكهه




ولحروفك بصمه بالنفس




قلت وطلت وابدعت




تحياتى

[طراد آل مشرف اليامي]

اخي عثمان


صح السانك

بوح صادق

وتناسق وتحريك صوره رائع


تقبل تحياتي ومتابعتي

طراد اليامي

عثمان

نص عذب جداً

راقي برقي شاعريتك


حفظك الله