على الـــــــــــوفاء

مساء الخير هذه قصيده وطنيه وهي تجديد عهد وولاء لخادم الحرمين حفظه الله

ومحاربة الاصلاح

اقولها على لسان


قبيلة بني رشيد


وجميع القبايل والنعم فيهم ولاعليهم قصور


[poet font="Tahoma,4,white,normal,normal" bkcolor="blue" bkimage="backgrounds/21.gif" border="ridge,4,white" type=2 line=200% align=center use=ex length=0 char="" num="0,black" filter=""]
يوم انتخى بن سعود نادى العريبين=يأهل العوايد كاسبين الثمينه
جينا من اقصانا لصوته ملبين=ورفعنا البيارق والسيوف السنينه
بني رشيد اهل العوايد قديمين=من عصرعبس العز متوارثينه
وقتٍ مضى واجدادنا اول وهلحين=وصوا على نصرة وطنا ودينه
وجينا على عهدٍ مضى والوعد دين=نجدد ولانا والعهد حافضينه
ولك ياطويل الباع ميثاق ويمين=ان العمر لجل الوطن سايقينه
وانا على عهد الوفا نعيش باقين=ويبقى الوطن بقلوبنا غارسينه
وفيكم فخرنا نفتخر يالسلاطين=يأهل المكارم والحصون الحصينه
وفي ظل رايتكم على السّلم والدين=نمشي طريقٍ بالفخر سالكينه
ولازعزعونا اهل القلوب الضعيفين=اللي وطنهم والعهد خاينينه
واللي دعو للصلح روس الشياطين=وشلون يصلح من تنكر لدينه
يدعون للتخريب والذل والبين=وبفكارهم ذله وحقد الضغينه
ومن خان داره عاش عيشة ذليلين=ومن يتبع الغاوي يذوق الغبينه
ولاجاب عز اللي يخون القريبين=من خان حكامه غدر والدينه
لكن بعون الرب حامي الحرمين=اللي خلقنا لحكمته عابدينه
حكم السعود يعيش رغم المعادين=برجالهم وسيوفهم محتمينه
وبالشرع والحكمه وعدل الموازين=يبقى شموخك ياوطن رافعينه
لجلك هل العوجا على الموت ساطين=ولا للردى فيهم ملامح وعينه
ولاهوقصورٍ بالقبايل عزيزين=ومن مد كف الشر تقطع يمينه
وحنا قسم باللي خلقنا من الطين=انا عمى المغرض وخازوق عينه
واللي زمى نسقيه مر العذابين=ولدارنا غلي العمر مرخصينه
يامير حنا عبس عبس الوفيين=يسري وفانا بدمنا وارثينه
وجيناك من ورثة شيوخٍ قديمين=نجدد ولانا والعهد حافضينه
[/poet]

صح السانك يا حمد العويمري

شعور صادق بمشيئة الله.

دمت بخير