الفتاه السعوديه

سافرت للخارج وفقدت (كما يفقد كثير من شباب هذا
الوطن) شيئين عظيمين, المسجد والفتاه السعوديه
المحتشمه والتي هي والله تاج على رؤوسنا جميعا
وهناك جادت القريحه بهذه القصيده:

ياجعل يسقى الى شفنا السعوديه
-----------------------الديرة اللي عسى الرحمن يحميها
دار لها كعبة الرحمن ماريه
-----------------------يوم البلادين تفخر في مبانيها
فيها المساجد على التوحيد مبنيه
-----------------------ماحطت قبور شرك في نواحيها
يازين مشي لها في كل صبحيه
-----------------------يوم المناير تنادينا وناتيها
والبيض فيها بوسط الدار مخفيه
-----------------------ماخالطوها الاجانب في نواديها
يوم انها درة ماهيب مشريه
-----------------------يخشى عليها من السراق راعيها
بسور الشريعه فتاة الدار محميه
-----------------------ماجردوها الاعادي من مباديها
تمشي وهي بالشرف والصون مكسيه
-----------------------تاج من العز, يزهى روس اهاليها
ياغيم ياللي تهشم كل عصريه
-----------------------جعلك على دارها تروي مفاليها

وسلامتكم

بسم الله الرحمن الرحيم

والنعم فيك والله .. يالذرب ..

تعجبني .. وافتخر بشعورك هذا ..

الاخ الذرب
لا فض فوك
والفتاه السعوديه تستاهل
.
.
.
.
.
.
.
.
.
.
.
.
.
.
.
وابيض وجه يا الذرب اخوك الصغير سعد القريشي

الاخت هيفاء

سعدت كثيرا بتعليقك, وصدقيني حنا اللي نفتخر ببنات الوطن الاصيلات. والله يكثر من امثالك يا اخت هيفاء.

الاخ سعد

الله لايهينك على المتابعة وما هي غريبه على القروم شرواك.

الذرب ما يجيب الا العلوم الذربه

صحيح أن كل أنسان يفتقد أشياء كثيرة عندما يسافر بعيداً عن وطنه
ولكن ليس كل الأوطان كوطني المملكة العربية السعودية مهبط الوحي ومنبع الرسالة لقد عبرت في هذه القصيدة عن مشاعرنا
جميعا. ً لك منــــــــــــــي فائــــــــق الاحترام والتقدير

أخوك / مسافر

الشاعر ... الذرب ..

صح الله لسانك ...

وموضوعك يستاهل الاشاده ...

تقبل تحياتي .
اخوك:
امرىء القيس

الاخ مسافر

اشكرك على مشاعرك الطيبه والله لا يهينك يالغالي

الاخ ابو راشد

تسلم وتدوم يالشاعر