بعد اللكزس شريت دتسن

[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
من بعد لكزس دتسنٍ اشتريته = لا نيب محتاجٍ ولا نيب مديون
ابي اشوف الفرق باللي بغيته= وافهم لنفسي لو تحمّلت عربون
لا فرق يذكر في اللذي احتريته = موتر يوصلني على الدرب مامون
فالكل مستهلك اذا ما وعيته= والطيّب اللي شيك في اليد مضمون
لا من بغيت البيع قرشك لقيته= ولا تخاف الصدم واللي يبوقون
اهل الدداسن وضعهم لو قريته= امّا فقارى او لهم فكر موزون
فرق السعر يربح بسهم رميته= اركد عليه ولا تودعه بالهون
كم واحد شيّد من الربح بيته = ولا حتاج ديّانٍ ولا الصك مرهون
والموتر الغالي اذا من نويته = اما حصل عن ثروةٍ فانت مجنون
تبي تفشخر دون ربحٍ جنيته = خسران يالماخوذ والحال بالدون
خلك من اللي لحظة اشتهيته = وخل التواضع منهجك فيه مفتون
يعطيك قوة ذات لو ما هقيته= تحميك من وهمٍ به البعض يحيون
فالرجل عقل ومنطقٍ لا لقيته= ماهوب مظهر يخفي الزيف والهون
[/poet]

عثمان العبدالله

والله زمان يا شاعر العثمانيات


شحوالك؟؟


صح لسانك والددسن هو الموتر

سجل اعجابي


اخوك


غازي البراق

كم واحد شيّد مـن الربـح بيتـه
ولا حتاج ديّانٍ ولا الصك مرهـون
والموتر الغالـي اذا مـن نويتـه
اما حصل عن ثروةٍ فانت مجنـون
تبي تفشخـر دون ربـحٍ جنيتـه
خسران يالماخوذ والحال بالـدون
خلك من اللـي لحظـة اشتهيتـه
وخل التواضع منهجك فيه مفتـون
يعطيك قوة ذات لـو مـا هقيتـه
تحميك من وهمٍ به البعض يحيون
فالرجل عقـل ومنطـقٍ لا لقيتـه
ماهوب مظهر يخفي الزيف والهون



الله لايضرك


وفعلا القناعة كنز لايفنى


وانا كان عندي ددسن وتطورت شوي واشتريت كامري



لاهنت يالغالي


وفعلا القصيده فيها من الحكمه للي يدور الحكمه

صح الله السانك ولاعجمت

ودعتك الله

صح السانك


قصيده



وافيه


لاهنت


على هالابداع

أنا اشهد بالله إن كلامك ما عليه غبار يا اخ عثمان..
قلت فأجدت طال عمرك على طاعة الله.
صح السانك وعلا شأنك.
ولك مني اطيب تحية

الف مبروك



دام لها اربع كفرات وتروح وتجي هذا المطلوب



صح السانك وانا اخووك




تقبل خالص التحايا