خبزة احساس الفقير

.

[poet font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
علمتني المترفه : وشلون احس اني ثري !! = نصبّتني عرشها ،، ونصبّتها عرش الحصير
بس انا .. علمّتها بصدقي واصالة جوهري : = كيف يحتاج الغنّي .. لخبزة احساس الفقير !!
.
اشعلي يا نجمة العشاق - ليلك – واسهري = امشي بنفس الطريق .. وجرّبي نفس المصير
وبلّغي صادق تحياتي / لحزني ، وقهري = يوم كان الشوووق لا يرحم .. ولا عندّه ضمير
وان تعبتي من دروب العشق واضناك سفري = اذكريني .. تستريح : الريح / ويطيب : المسير
واذكري .. تاريخي الموؤود بانقاض دهري = شهقة : الخطوه ( الأخيره ) .. طيحة : الحلم ( الكبير )
رحلة آمالي .. فتات اوراقي .. اطلال صوري = سكرة اشعاري .. رماد ضلوعي .. احساسي الوفير
وغدرك اللي .. ما احترم صدري ، ولا صان ظهري = وطعنة ٍ من يومها ما مرّت ايامي بخير
طيري بسرب امنياتك .. واوصلي للمُشتري = وانثري خواطرك في واحة الليل الضرير
اذبلي .. وتساقطي .. وتكسّري .. وتبخّري = وامطري على جدار الذاكره / كحل وعبير
سولفيني للبنات اليا تقصّوك خْبري = لا صدح ضحك العذارى وجلسن حول الغدير
.
كان .. يا ما كان ..... / وتغصّ الحروف ، وتنقري : = ( سالفة حزني ) بصفحة خدك : الدمع الغزير !!
: .. كان شاعر – غير – لا ابو الطيّب ولا البحتري = كل ما قال : آآه .. جمهوره من الفرحه يطير !!
كانت افكاره : كنوز ٍ توهب وما تنشري = يجتمع على موائدها المشرّد ، والأمير
اصبعه لا من كتب على الـ/ ثـَّرَى .. يُصبح / ثـََرِِي !! = كيف اجل لو ينظم ابياته من خيوط الحرير ؟!
.
كان .. يا ما كان ..... / ويسافر سرابك لنهري = وتشهق بصدرك طيوفي من ورا ضلع ٍ كسير
فارس ٍ باسه شديد ، ويسكنه قلب ٍ جري = ولا رزَقه الله حصان ابيض ، ولا سيف ٍ شطير !!
.
سولفيني وان تغشّتْك الدموع ، اتذكّري = يوم كان الحلم نهر .. وكانت عيونك هدير
ويوم كنت آخاف ما يعجب عيونك مظهري = وانحني منشان ما يفضحني الثوب القصير !!
اسألي كل الشوارع ، والحدايق ، واظفري !! = كيف كنت بكل يوم اهديك ( باقة ورد ) غير ؟؟
كنت اوقـّـف بآخر الشارع .. واراقب .. واحتري .. = لين يهدا الجو .. وانتقـّى لك الورد النظير
كل ما امر بْرصيف يقول : خلّصت زهري !! = وكل ما اقطف ورده .. اللي جنبها / منها : تغير !!
اسألي شباكك الوردي .. وش اردى بنظري ؟؟ = لا قعدت الف قبلة بيتكم كني غفير !!
كنت احاصر غرفتك بجيوش عيني وبصري = كن لي عش ٍ بشباكك وكن العين طير !!
آآخ .. لو عشتي انتظاراتي ، وشفتي منظري = لا سألني جاركم : وش بك هنيّا تستدير ؟؟
و- المصيبه – دايماً عذري : مضيّع دفتري !! = يبتسم ، ويروح – وانا مصدّق انْ عذري خطير !! –
و ، بس يدخل .. اسمعه يضحك بصوت ٍ مُزدري !! = - ( حنّا بالعطله ، وصاحبنا على الدفتر سهير !! ) -
اسألي الجدران .. عن خط ٍ عجز لا ينقري !! = علّم الجدران ( مالم تعلم ) فبوح الضمير
اسألي امي .. عن كدر بالي وضيقة خاطري = لا سألتني: يااا وليدي وشبك ؟؟ .. ورد الزفير
.
السواد اللي على جفوني من آثار سهري = لو عرفتي كيف كحّلني به .. الليل المرير
كنت لا جا الليل .. قلّطته على الجفن الطري = لين نصّبني السهر لعيون خلق الله سفير !!
وان نفاني للسهر - يا مترفه – حكم قدري = هالسهر يا ما نفى لي من ضحاياه الكثير
والبياض اللي تشوفينه تنامى بشْعري = من مظاليمه : هلال اعرج / ونجم ٍ مستجير !!
.
يا رُفات الطيش في تابوت الاحلام البري = من خذلني بالبدايه .. كيف اصونه بالأخير ؟!
ما بقى لك غير بعضي .. واستميحك باكثري = ضاع .. مثل النور لما ضاع عن عين الضرير
مثل ما ضاعت عصافيرك عن اغصان شجري = مثل ما ضاع الامل عن صبح شباكي الصغير
وما بقى لك غير سالفتي .. وشعري .. وصوري = سولفيهن للشموع الحمر .. والفرش الوثير
للستاير .. للأساور .. للحاف السكّري = للهدايا .. للتحف .. للمزهريّه .. للسرير
.
واوعدك .. وقت الحصاد .. اتجاهل الجوع / العُري = بس لاجل اكتب حروف اسمك بحبات الشعير !!
ولاجل اعلّم هالزمان المستبد العنصري = كيف يحتاج الغني لخبزة احساس الفقير !!
[/poet]


خلف

و- المصيبه – دايمـاً عـذري : مضيّـع دفتـري !!
يبتسم ، ويروح – وانا مصدّق انْ عذري خطيـر !!

الشاعر الناقد خلف الكريع ..

شاعر يستحق المتابعه شاعر يعرف كيف يستنطق الشعر ..

اخوي خلف

كان لي شرف الاطلاع على هذه المعلقه .


تحياتي

[النور]

يـا رُفـات الطيـش فـي تابـوت الاحـلام البـري
*******************من خذلنـي بالبدايـه .. كيـف اصونـه بالأخيـر ؟!
ما بقى لـك غيـر بعضـي .. واستميحـك باكثـري
******************* ضاع .. مثل النور لما ضـاع عـن عيـن الضريـر

خلف الكريع
صح السانك شاعر متمكن يستحق المتابعه
دمت بسلامه
اختك
النور

اسألـي شباكـك الـوردي .. وش اردى بنظـري ؟؟
لا قعـدت الـف قبلـة بيتـكـم كـنـي غفـيـر !!
كنـت احاصـر غرفتـك بجيـوش عينـي وبصـري
كـن لـي عـش ٍ بشباكـك وكـن العيـن طيـر !!
آآخ .. لـو عشتـي انتظاراتـي ، وشفتـي منظـري
لا سألنـي جاركـم : وش بـك هنيّـا تستـديـر ؟؟
و- المصيبه – دايمـاً عـذري : مضيّـع دفتـري !!
يبتسم ، ويروح – وانا مصدّق انْ عذري خطيـر !! –
و ، بس يدخل .. اسمعه يضحك بصـوت ٍ مُـزدري !!
- ( حنّا بالعطله ، وصاحبنا على الدفتر سهير !! ) -

الاخ الغالي خلف

صح لسانك

قصيده رائعه

وتصوير اروع

كني اشوفك وانت تلوج مقابل بيتهم

وبعدين ياخي دورلك عذر غير الدفتر

لا وبالاجازه

بس الرجال ماقصر مشاها لك

تسلم ياخلف

حقيقه يعجبني الشاعر اللي يصور المواقف وكانك تراها


قصيده رائعه بجمالياتها ليست بغريبه على شاعرها

دمتم بخير

[طراد آل مشرف اليامي]

خلف الكريع

صح الله لسانك

خطيره جدا

صح الله لسانك

كما عدتك في كل جديدك

دمت يا شيخ نبراسا

ولي عوده اكيد

فمان الله

طراد اليامي

الرائع\\ خلف الكريع

صح الله السانك واحساسك


جزززززززله من راس جزل



تقبل مني كل إحترام وتقدير ,, اخوك فلاح

و- المصيبه – دايمـاً عـذري : مضيّـع دفتـري !!
يبتسم ، ويروح – وانا مصدّق انْ عذري خطيـر !!

الشاعر الناقد خلف الكريع ..

شاعر يستحق المتابعه شاعر يعرف كيف يستنطق الشعر ..

اخوي خلف

لم أجد ابلغ منها

حفظك الله

[ظويهر الشمري]

هذا الشاعر =هو الشعر

خلف شاعر يرهق الذائقه والفكر كثيييييييييييييير : كثيييييييييييييير


صح فكرك وكلك ياخلف



والله اني لاشفت قصيده لك انبسطت وعرفت اني بلقى كنوووووووز وااجـد




صح فكرك مره ثانيه وثالثه


فايق احتراااااااااااااااامي

ظويهر

[ظويهر الشمري]

كنـت احاصـر غرفتـك بجيـوش عينـي وبصـري
كـن لـي عـش ٍ بشباكـك وكـن العيـن طيـر !!
آآخ .. لـو عشتـي انتظاراتـي ، وشفتـي منظـري
لا سألنـي جاركـم : وش بـك هنيّـا تستـديـر ؟؟
و- المصيبه – دايمـاً عـذري : مضيّـع دفتـري !!
يبتسم ، ويروح – وانا مصدّق انْ عذري خطيـر !! –
و ، بس يدخل .. اسمعه يضحك بصـوت ٍ مُـزدري !!
- ( حنّا بالعطله ، وصاحبنا على الدفتر سهير !! )



لله درك ودر ما تنثر من جمال وعذوبه وشعر

انا هنا غارق وبصمت عارم جداَ


بهدوء : ظويهر

علمتني المترفـه : وشلـون احـس انـي ثـري !!
نصبّتنـي عرشهـا ،، ونصبّتهـا عـرش الحصـيـر
بس انـا .. علمّتهـا بصدقـي واصالـة جوهـري :
كيف يحتـاج الغنّـي .. لخبـزة احسـاس الفقيـر !!
.




الغالي / خلف الكريع


صدقني لو ماكتبت الا هالبيتين لكفتك


فما بالك بمعلقه من الابداع



وقفت هنا كثيرا وساقف لاحقا





تقبل خالص ودي

شيخ النداوي : حمد السحيمي



اما والله ما تشرف بحضورك واطلاعك على هذه القصيدة غيري أحد ..


حسبي أن يكون أول الصادقين وأصدق الأولين ضيفي الأول ..


سأحتفل بهذا المرور كثيراً يا أبى ثامر ..


دمت كبيراً ..


مع ودي



خلف

النور : نور


إشادتك تطرزّني بوشاحٍ من ضوء ..


ودعواتك الكريمة تغلّفني بالشعاع ..


ولا يكون النور نوراً بغير ذلك ..



مع ودي




خلف

الابن آخي : محمد اللطيّف


بعد صادق التحايا وعظيم الاشتياق لشخصك النبيل ..


أسعدني أن لا تعدم قصيدتي حضورك الطاهر ..


وأبهجني أن تقرأني بهذه الشفافية والحُسن ..


أما الدفتر وتفاصيل حكاياته .. فلها سرٌ إن جادت الأيام بلقاءك أخبرتك إياه ..

ممتن جداً لتوقيعك ..


مع ودي



خلف

صديقي وصديق شعري : طراد اليامي



لطالما كانت تحدثّني نفسي بتجاوز الردود / الورود ، حتى تصل بي لحقل وروردك / ردودك في مواضعٍ اخرى ..


لا زلت أشعر بالخجل وانا أقرأ اسمك وقلةٌ من الأوفياء ال>ين لم تثسعفني الظروف لأعبّر لهم عن جارف امتناني ..


فقط تاكد .. أنني وإن غاب صداي لحافظٌ لكم عظيم الود وصادق العرفان ..


مع ودي



خلف

الشاعر خلف الكريع
صح لسانك على هالرائعة
وتقبل اعجاب اخوك