صرخة طفل

السلام عليكم ورحمة الله وبركاته
الاعزاء اعضاء وزوار منتديات الندواي يسعدني ان اكون ضمن اعضاء النداوي واتمنى ان تقبلوا هذه القصيده كإهداء لكم وبسمكم جميعا


هذه القصيده على لسان وليد الصغير واقولها على لسان جميع ابناء المملكه الشرفاء واهديها باسمهم الى مقام سيدي خادم الحرمين الشريفين وولي عهده الامين حفظهما الله وجميع الاسره الحاكمه
[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

يالله ياللي بقدرتك زلت الاحزاب=ياللي خلقت الكون واحصيت مابه
تغفر ذنوب اللي تراجع ولك تاب=وترذل طريق الشر واللي سعابه
وتحفظ وطنا من جماعات الارهاب=اللي هدفهم في وطنا خرابه
تسترو بالدين يبغونه حجاب=واللي فعلو دين الهدى مارضابه
وشلون قاموا بقتل من دون الاسباب=لنفسٍ بريه ماعليها طلابه
وشلون يرضون المضره للاحباب=وشلون صاروا للجرايم عصابه؟
فتنه! وياللي طعتهم حسب احساب=وفكربعقلك كان يعرف صوابه
ما لك عجوز وشايبٍ راسهم شاب=عيونهم ترقب لشوفك رقابه
مالك ولد؟مثلي وخلان واقراب=وشلون ترضى ذلهم ماتهابه
اسمع لصرخة طفلك اللي عنك غاب=من غيبتك يصرخ وشقق ثيابه
يابوي ! لايغويك غاوي ونصاب=ارجع لدينك خاف ربي وعقابه
لونك تموت اليوم في دين الاغراب=تبقى عليه عار واسمك معابه
هذا! وشوف الفرق واضح بالاسباب=بيني وبين ابنك فروق وحسابه
ابوي يكتب بسمي الحرف بكتاب=علمني بحفظه للولاء في كتابه
وبقلبي غرس حب الوطن غرس ماخاب=وحب الوطن بعروق دمي مشابه
وانت ولدك مايستره فعلك ثياب=يطلب لك الرحمه وتطلب عذابه
لاشك درب الحق واضح وله باب=حاول تراجع عن خطاك لصوابه
واعرف ترى الاصلاح هم ساس الارهاب=واعرف وطنا سيف حده نصابه
لانه وطن مكه وطيبه والاصحاب=دار النبي دار الحرم والصحابه
حكامه آل سعود وافين الانساب=اهل الضفر والجودرمز المهابه
بقيادة ملكنا عزنا عز الاعراب=ريف الضعيف وعز منهو انتخابه
عبدالله حليف الجود حلال الانشاب=خازوق عين اللي يدور حرابه
وعضده ولي عهده على الحق طلاب=حرٍ تعلا فوق مجده رقابه
سلطان قايد جيش واسطول واسراب=دايم على العليا عزيزٍ جنابه
ورجل الامن نايف شجاعٍ ولاهاب=شام المعالي ونايف العز جابه
واخوانهم واحفادهم ضد الاصعاب=وحريبهم مايهتني في شرابه
وحنا معاهم صف واحد ولانهاب=والموت من دون الوطن مانهابه
ولاذل من صان لعهدنا ولاخاب=واللي سعى للشر حنا عذابه
لاياوطن ترخص ارواح وارقاب=ويبقى شموخك محتمينه ذيابه
ويالله ياللي بقدرتك زلت الاحزاب=تمحى طريق الشر واللي سعابه
حمد العويمري
[/poet]

وان كانت شهادتي فيه مجروحة لكن كلمة الحق تقال:
حمد العويمري احد الشعراء الشباب الصاعدين وبقوة الى عالم النجومية ، لن اخبركم عما ادهشني واذهلني من جزالة اشعاره حينما حضرت احدى امسياته ، سأترك التعليق لأبداعات هذا النجم الذي بدأ يضيء في منتدى النداوي واكتفي بالترحيب بضيفنا الموقر
حمد العويمري
مرحبابك اصدق واجمل ترحيب
مرحبابك تراحيب المطر
والساعة المباركة بوجودك يابن العم
صح لسانك على اولى مشاركاتك وماتحتوي من صدق المشاعر وجودة الشعر
امنياتي لك بالتوفيق الدائم

اشكر كل

من استطلع وقرا قصائدي

وشارك

ولكم تحياتي وتقديري

حمد العويمري

صح لسانك ولاهنت

قصيده طيبه من طيب

تقبل التحيه

ابوعرب

حمد العويمر

قصيده وافيه تنبع بالمشاعر الوطنيه الصادقه

حياك الله وبياك .

وشهادة الاخ الكبير نايف مابعدها كلام بالتوفيق والسداد

والى الامام


حفظك الله .

أشكرك

اخي عبدالله


ومرورك يشرفني

تحياتي

حمد

اررررحب


وصح الله الساانك

قصيده رائعه

اخوك

الراوي

حمد

صح لسااانك ولاهنت

جزلة من راس جزل

والله لا يحرمنا من وجودك وتواجدك

أخوك

مشــــــــــــــكورين على مروركم



وعندي طلب اتمنى تحقيقه



اليس من الواجب ان تثبت هذه القصيده



ليس من اجلي بل من اجل الوطن لما فيها من اهداف



وعبر ومقارنه يستفاد منها



اقسم لكم انني لاارغب بهذا من اجل مصلحتي الخاص



ولكن من اجل الوطن