..آه من ظلم الكويت !!

00مساكم ورد







[poet font="Simplified Arabic,4,blue,normal,normal" bkcolor="white" bkimage="" border="none,4,gray" type=2 line=350% align=center use=sp length=0 char="" num="0,black" filter=""]
من قبل عرفك وأنا راعى بنات=الا انك غير كل اللى هويت
شفت ياما غيد بدروب الشتات=ورّدنى ميّهن لكن ضميت
ما لمحت بمصر لباسة عباة=ما عطتنى وجه يوم انى لفيت
معجبات ومايقولن معجبات=شاعرات وماسمعت وما قريت
مثل شعر عيونهن الناضحات=بالغرام وما ذبحنى غير بيت
فيه مامعناه ان الامنيات=ماتجيك ان ماتمنيت وسعيت
وبسواد شعورهن السافرات=كم سمرت وكم سهرت وكم سريت
كلهن مرن وراحن مقفيات=تاركات أحزان نفسى لى مبيت
يجرى النيل وتهب الريح ذات=حس معزوف بشجن فيه انثنيت
والمسا بنجومه المتلئلئات=ينعكس فى صفحة الما واشتهيت
فيه أقبّل نجمة الجوزا وجات=غيمة" بظلالها ثم انكفيت
والقوارب مشرعات" سارحات=ذكرنى فى شواطيك وسهيت
أجمل اجمل ماتضم الذكريات=أنتى وأقسا مانسيت اللى نسيت
ياعروس أحلامى المستعصيات=كل ماطيفك عبر جفنى بكيت
هزى أغصانى تطير الاغنيات=فى ورق أيام عشقن به حييت
لك رميت الورد فى كل الجهات=وانتظرتك مثل جمره وانطفيت
أى معنى أسنصيغه للحياة=تنشدينه فى عيون انسان ميت
ما أقول الا على كل شى فات=آه من ظلمك ومن ظلم الكويت


فالح الدهمان
[/poet]

صح لسانك يالسميّ

قصيده وافيه وتشرفت بمروري من هنا

دمت بخير

الشاعر القدير/

فالح الدهمان



صح السانك ملايين ولاهنت
ومثل هذي الكلمات
مب غريبه على شاعر بهامتك
انت مبدع بحقك وتستحق التقدير
ولأعجاب
ودائماً نرقب جديدك بكل شووووق
مع تمنياتي لك بدوام التوفيق والنجاح

دمت بود

وتقبل تحياتي

اخوك/

حسين بن سوده
(الظبياني)