جاءت هكذا .. فتقبلوها ..
ناظرت من غيها يم المزون
وأطرقت تقول محد ٍ جازها
وأرخت النظارة وسلت عيون
ضايم ٍ طول الهدب بروازها
واستدارت في خفيفات الردون
وانثنت عج الصبا عكازها
خبري إني شفت لي ستين لون
صدرها وأكتافها وأعجازها
وعاطفتها والتناهيد الدخون
هي شراب الصيد في محازها
يا مفاتنها وتكسير الشجون
حدها الموعد على إبرازها
يوم حدتني على قاس الشطون
ساقت العبرات مع دروازها
كن روحي يوم حركها الفتون
وردة ٍ طاحت تكسر فازها
قلت انا بموت قالت: ياحنون
كنت احسب انك من أول بازها
جيت لمواعدك يوم انك تمون
خل روحك تفتخر بانجازها
يا مجرب والهوى كله جنون
من يعانق سكرة مارازها
أنت شاعر .. بس أنا كلي فنون
آية فالحسن بان إعجازها
داهم العصيمي
ناظرت من غيها يم المزون
وأطرقت تقول محد ٍ جازها
وأرخت النظارة وسلت عيون
ضايم ٍ طول الهدب بروازها
واستدارت في خفيفات الردون
وانثنت عج الصبا عكازها
خبري إني شفت لي ستين لون
صدرها وأكتافها وأعجازها
وعاطفتها والتناهيد الدخون
هي شراب الصيد في محازها
يا مفاتنها وتكسير الشجون
حدها الموعد على إبرازها
يوم حدتني على قاس الشطون
ساقت العبرات مع دروازها
كن روحي يوم حركها الفتون
وردة ٍ طاحت تكسر فازها
قلت انا بموت قالت: ياحنون
كنت احسب انك من أول بازها
جيت لمواعدك يوم انك تمون
خل روحك تفتخر بانجازها
يا مجرب والهوى كله جنون
من يعانق سكرة مارازها
أنت شاعر .. بس أنا كلي فنون
آية فالحسن بان إعجازها
داهم العصيمي
تعليق