(( البيعه ))

[align=center](( البيعه ))

ياوالله الي راح شيخاً زهابه
.................... تاريخاً أطهر من أصدور(المصلين)
(فهد) أبونا من يعوض غيابه
................... إلا (أبو متعب) زعيم السلاطـــــــين
حكامنا (آل سعود) .. ما به أطلابه
................... راضين فيهم والمقاريد خاســـــــــين
لا راح ذيب أيعوضونك ذيابه
.................. الحمد للوالي ما حنى أمخــــــــــلين
جانا زعيم المجد والله جابه
.................. يارب طول عمره ســـنين وســـنين
البيعه الحضرته وانا زهابه
................. لاثارت الهيجا وجوك المعــــــادين
يلقابنا عزاً قراحاً شرابه
................. وجنوداً أتحافظ على حرمة الــدين
نصير له رجال واليا أنتخابه
................. ينطح على شانه جميع الشياطـــين
أو سيف(ن) أمجهز بداخل أجرابه
................. يضرب به أرقاب الرعاع الحقودين
الي عليهم شرع حد (الحرابه)
................ (السافلـين) (الخايـنـين) (الكذوبـين)
يعني: ترانا تحت رغبة جنابه
................. هو بـس يــامرنـــا وناتـــي أملبــين
تدرون ليش؟!! ألحين أخذو الأجابه
.................. لنه مــلك أغــلا من أغــلا عزيزين
فصدورنا له عشق مايندرابه
................. ألا يشــاف بنــظرة العــين للــعــين
وفقلوبنا له حب ما ينحكابه
................. ألا يطـــبــق واقـــعاً حـــزة (الــبين)
يملك من الأوصاف مالا يشابه
.............. لا والله ألا وين؟!! والناس ذي وين؟!!
لامن حكي .. فسمع ترى العلم جابه
................ حكيم .. لابـالله شــيخ الحــكيــمــين
هو فزعة المضيوم لامن لجابه
................ هو ساتر العــاري وبو للمســـاكين
مافيه أحد ياصل اليا حد بابه
.............. ألا ويرجع منه .. قاضــيــله الـــــدين
لامن عطى .. يعطي عطايا السحابه
................ أجود بشر يذكــر على مر قرنـــين
في وقفته .. تدريس معنى الصلابه
.............. وفي ضحكته تعرف شعورالرحيمين
وفي نظرته .. تلقى الأهل والقرابه
............. واليا التفت يمك تعرف أنت من وين؟
في ميلة أعقاله .. شموخ ومهابه
.............. وفي لبـسته للثوب عز الأصـــيلــين
ياليتني بس أستطيع القابه
.............. والله لــقبــل (جبهـته) و(الذراعــين)
وستأنس بشوفه .. ولمسة ثيابه
.............. أنشهدنه حــلم يـــســوى مـــلايــين



سعد آل بريك[/align]

.

.

.

سعد



بوح يدل على الوفى للوطن والاخلاص



صح السانك وانا اخووك



والله يقوي اهل الخير على فعل الخير




لك كل التقدير





تحياتي

صح لسانك ياسعد وبيض الله وجهك

والله يغفر له ويتجاوز عنه

تقبل تحياتي

[align=center]سالم أبن ثامر

اله لايهينك
ويرحم والدينك

.[/align]
.

[align=center]وجهك أبيض يافالح

الله لايهينك على المرور

.
.[/align]