بنات فكري

قصيده قصيره ارجو ان تنال رضا الجميع

لولا المشاغل كان ولفت ديوان

---------------------مهذب يعجب نظر كل بيطار

ومديت له من وحي الالهام شريان

--------------------ومن العواطف والتناهيد تيار

ديوان شعر مير من دون عنوان

-------------------الا الشرف والعز والمجد والكار

واهديه هدو للمناعير مجان

-------------------ابغيه عند اهل المواجيب تذكار

بنات فكري ماتقدر بالاثمان

-------------------ماهي بسلعه في دكاكين تجار

بسم الله الرحمن الرحيم

جميله يالذرب .. تسلم ..

[كحيلان]

للذرب اسلوبه المميز
حروفك لها ترنيمه خاصه
غزاره في المعنى رغم قلة الابيات
ماقل دل وزبدة الهرج نيشان
تشرفت بالاطلاع على نصك الجميل
وسرني التعقيب عليه
كلي امل بقراءة المزيد والمزيد للذرب
اخوك
كحيلان

الشاعر الذرب /الذرب

ابيات قليلة،لكنها قيمة تسوى ديوان ،كاملة المعنى والمغنى

تسلم صح لسانك ولاتبطي علينا،شعرك جزل وانت اهل للجزالة

سلمت معافا لأخيك

الاخت هيفاء والاخوان كحيلان وجابر اشكركم وشهادتكم
مصدر فخر واعتزاز والله لا يحرمنا منكم. وانا اتحين
الفرصه المناسبه لازودكم بقصائد شاعر الابل والمطر
الشاعر العملاق الدندان.

صح لسانك ....

انا والله من زمان كان ودي ارد عليها ....

بس دايم ادخل على الوقع واطلع بسرعه ... سامحني على التأخير


بنات فكري ماتقدر بالاثمان

-------------------ماهي بسلعه في دكاكين تجار


لاهنت والف شكر ... وياعسى دوم هالابداع

الاخ عبدالله الملحم اشكرك على مشاعرك الطيبه
وارجو ان يدوم التواصل