انا حسين ابن داخل ماتغيرني صروف الليال

اخواني اواخواتي

اليكم هذه المتواضعه
عسى ان تحوز على بعض من رضاكم


[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="groove,4,gray" type=2 line=1 align=center use=ex num="0,black"]
بسم الله ابدا رفيع الشان سبحانه عظيم الجلال=الخالق المعتلي رب الملا حسبي ونعم الوكيل
بديت باسمه قبل بدع القصيده والبيوت الجزال=ولاخاب منهو بدا فـ .اول كلامه باسم ربٍ جليل
من بعدها ياهجوس الشعر صيَّحي في البحور الطوال=اللي تعادا بيوت الشعر معها بالكلام الجزيل
لو كان ماني لبدع الشعر شفقانٍ ولو له مجال=ولاهواجيس شعري مستعداتٍ لقالٍ وقيل
لكن هاض الهجوس بروق لاحة في مزون الخِيال=تبرق وترعد وتمطر مير مدري عن صدوق المخيل
مزونه مزون صيف ولارجينا منها كود الضلال=وان شحت بضلها نلقى من الاشجار ضلٍ ضليل
ياللي بعد ماتعذر صاحبك تنخى تقل لي تعال=وش ذكرك في حسين اللي نسيته بين يومٍ وليل
ماني بخبلٍ تمشيها عليه{ يابطل}بإتصال=وتقول حنا نبي خوتك بكره معلنين الرحيل
غرتك دنياك بالضحكات والمظهر وسكب العقال=وقمت تجهل وتنسى وين منزالك ومنزل سهيل
انا تراني من اهل الاوله ماني من اهل التوال=انشد رجال الكرم والعرف وانشد كاسبين الجميل
والياعرفت الحقيقه ودها لاعمامك مع ا لخوال=وعلم بها اصحابك وجيلك يعلم جيل من بعد جيل
للضحك والفرفشه ناسٍ وللشدات ناس ورجال=من لابناها على عز وشرف دوامها مستحيل
ومن باعني واشترى غيري بدولارين راح بريال=ومن لاعرفني بوقت اليسر وقت العسر كلٍ بخيل
انا حسين ابن داخل ماتغيرني صروف الليال=اثبت ليا راغ راع الكذب والحيله وراغ الذليل
واقدر اللي يقدرني واعده مكسب وراس مال=واكرم ضيوف وجاري والقريب ومن لفاني دخيل
واليا نصيت الرجال اهل الوفا والجود واهل الكمال=اللقى تراحيب ودلال وقدوع وكبش ظافي وحيل
من خلقتي ما ازرع الصبخه ولاتعلق بجرفٍ هيال=وان عاكس الريح والتيار دربي غيره اللقى بديل
واختامها العفو لو طولت فـ الموضوع والشرح طال=وضحت بعض النقاط لمن تجاهلها وجبت الدليل[/poem]

انا حسين ابن داخـل ماتغيرنـي صـروف الليـال
اثبت ليـا راغ راع الكـذب والحيلـه وراغ الذليـل
..


ونعم يالحارثي


صح السانك على القصيده

ولاهنت طال عمرك على هالنظم الجميل

تقبل مني وافي الإحترام

طالب آل عذبه

طالب ال عذبه

ماعليك زود

وبيض الله وجهك

وصح بدنك وطاب معدنك

مجمل ومشكور

لك ارقا واجمل التحايا

حسين

للرفع فقط والمتابعه

حسين صح لسانك






شاعر ابياتك قويه






ورجال ونعم وافي

الله الله الله الله الله


ونعم يابن داخل

صح الله السانك يالقرم

سجل إعجابي

فلاح ال مخلص

ماعليك زود يالقرم


وجودك ومتابعتك شرف ومكسب


لاهنت

اخوك

حمد الدحابيب

اللف اشكر

لك تحيه خاصه

ولاهنت على المرور

تقبل تحياتي

الشاعر
المبدع
حسين بن داخل الحارثي
والله والنعم يابوبندر
كفو قول وفعل
وصح لسانك على القصيده الجزله
والله يعطيك العافيه على مجهوداتك


تقبل تحياتي،،،

ونعم ونعم ياسمي




صح الله لسانك ولاهنت

فالح الحارثي


ماعليك زود والله انك وافي يالحارثي

بيض الله وجهك بياض يشع مع كل ريع

شاعر وخلوق وثقافه ورجوله

صح بدنك وطاب معدنك

تحياتي

اخوك

حسين الحبابي

ماعليك زود ماعليك زود

وصح بدنك

وجودك هو المكسب

لاهنت