حوار القوافي ..لمعالي الوزير .. من يصدق ..!!

السلام عليكم ورحمة الله وبركاته

مساء الخير يا وجيه الخير

طبعا بلا شك العنوان يلفت الأنتباه

والموضوع هذي بعض المحاورات مع الشاعر المبدع /

معالي الوزير / شريدة المعوشرجي .. ابو عبدالله

في مربع حوار القوافي (( جريدة الوطن ))

ومربع حوار القوافي ماشاء الله عباره عن محطه فضائيه ممتعه

ولقد خدم الشعر الشعبي من خلال الزاويه الصغير وللعلم فالحوار

يوميا الا الخميس .. ويصدر كذلك في جريدة الشرق القطريه ويوميا

واتمنى ان تصل هذه المحاورات الى ذائقتكم ..
:::::::::::::::::

شفت القناة اللي تبث الاشاعات =وتكذب على العالم بقصد الاثاره
اليا متى والناس تقبل اهانات =والحق واضح مثل وضح المناره
حسن بن علي الهاجري


كل واحدٍ لابد راسم لغايات والفعل يكشف لك حقيقة خياره
لاهو يغرك زيف بعض الشعارات =ياكثر من لايلتزم في شعاره
شريدة المعوشرجي
******** ********




اعلى السعاده شوف ربي بلاحجاب =في جنة الفردوس وياالصحابه
ومحمد المختار قربك والاحباب =أنااشهد إن الدين عز ومهابه
الله خلق جنه ونار ٍ لها ابواب =وكلٍ عطاه الله بحسب اكتسابه
حسن بن علي الهاجري


الدرب واضح بين سنه مع كتاب = يابخت من قزر عليهم شبابه
منهو تمسك في عرى الدين ماخاب= ماخاب منهو احتمى في جنابه
جنات ربي دربها بذل الاسباب =وكلٍ يبي يلقى ترى مانوى به
شريدة المعوشرجي
******** ********




الازيرق شد حيله فالبطوله =واول الانتاج مع صنعا سعاده
فاز بالاربع وهذا اول هطوله =وفوزنا على السعودي بالاراده
شدوا الحيل بتكاتف مع رجوله =والجماهير الغفيره بالقياده
حسن بن علي الهاجري


من كبا ثم قام صفقنا: كفو له =والبطل مايرضى الا في مراده
وخبرنا بالازرق انه قد قوله =ومن بغى يرمي هدف سدد وصاده
جالك الاخضر على مسرع خيوله =ومن يفوز اليوم يبشر بالرياده
شريدة المعوشرجي
******** ********




جات المدارس والمشاكل معاها =يا مدرسين بلادنا ما تكفون (( الاصل ما تفيدون ))
النفس منكم زاد فيها عناها =والمشكله في كل عامٍ تعيدون
البعض منا حاجته ما قضاها =وانتم مطالبكم علينا تزيدون
حسن بن علي الهاجري


يا اهل الوزاره المدارس تراها =صارت غثا لاهل التلاميذ وديون
فوق الدراسه اللي ضعف مستواها =صارت تجاره واعتقد انتو تدرون
حطوا ضوابط واكشفوا من وراها =الناس يا راعي الامر جوك يشكون
شريدة المعوشرجي
******** ********




ليه الحكومه ماتزيد المعاشات =الخير من يمنع علينا رشاشه
ترى المواطن في شتات وتشتات =كاتم ومخفي علته وسط جاشه
لامن بلاه الوقت واعتاز حاجات =ياكثر منهو مايفيده معاشه
(( الشعب يترقب ويبغي الزيادات = يرجي حكومتنا تزيد انتعاشه ))
حسن بن علي الهاجري


النفط سعره زاد وكلٍ برجوات =الكل ينطر عبر رادو وشاشه
لاهو يغرك موترٍ زين وسفرات =كل المواطن دين حتى فراشه
مادام حنا في شهر خير ورحمات =خلوا قرار الخير يرسم بشاشه
شريدة المعوشرجي
******** ********




سود الله وجه الارهاب واللي يجلبه =زعزعونا وابتلونا وحنا مسالمين
حسن بن علي الهاجري


الله يبعد عن ثرانا اذاه ومطلبه =دون مايبغون حنا لنا حصنٍ حصين
شريدة المعوشرجي
******** ********




صحيح وجه الفقر ياناس فقري =لوهو ملك في كل حيٍ عماره
حسن بن علي الهاجري


وصحيح وجه الخير ياناس يشري =تملك قلوب الناس نظرة وقاره
شريدة المعوشرجي
******** ********


(( يا حكومه افتحي ابواب خيرك = المواطن ابتلاه الوقت بلوى ))
لي متى وانتي على خطة مسيرك =المواطن بين شجب وبين شكوى
كل عينٍ ترتجي نفحة عبيرك =وكل قلبٍ ينشدك من دون جدوى
ياشريده ياعسى ربي يجيرك =المشاعر بثٌها ياطير شلوى
حسن بن علي الهاجري


ياحكومتنا نبي من مد خيرك =نفحةٍ تحيي رجا وتزيح بلوى
مانبي نرجي بعد الله غيرك =زيدي الراتب وخلي الناس تروى
امضي بسهلك وصدي عن عسيرك =غيٌري طعم الشري سكر وحلوى
شريدة المعوشرجي
******** ********


(( اللي بين قوسين ما وضعها من ضمن ابياتي اسقطها سهوا ))

ياسلام عليك ياحسن .....



والله انك امتعتني بذا الرديات الخفيفه والجزله بنفس الوقت .... صح الله لسانك ولسان الشاعر شريده المعوشرجي ..



تقبل تحياتي

حسن بن علي



لاهنت والله لاهنت


مقتطفات رائعه

صح السانك مدد




تحياتي وتقديري

مشاري المري

هلا وغلا ولي الفخر والشرف بمرورك