يقولون العرب مايلحق النشمي سوى النشمي

قصيده الأفتتاح في الأمسيه التي جمعتني بأخواني علي بن حمري وعبدالله فلاح في مدينة بقيق ونزولاً عند رغبة بعض الأخوه انشرها في المنتدى عسى ان تلقى قبولاً



سلامـي يابقيق عـداد نـوٍّ بــارقه وسمــي
ــــــــــــــــــــــــــــــــــــ نزل في كبد غيمٍ يرزم السيل بمراهيشه

اثنيّه لمحــافظك الوفي .. واللي حظر باسمي
ــــــــــــــــــــــــــــــــــــ اخصّه بالسلام ... وكل وادي له مداغيشه

انا يابقيق ماجيتك غريبٍ فاقــدٍ وســـمي
ــــــــــــــــــــــــــــــــــــ انا جيتك غلا .. يوم الغلا تذبح جواهيشه

يقولون العرب مايلحـق النشمي سوى النشمي
ــــــــــــــــــــــــــــــــــــ وانا لرضا النشــاما جيت والا ديرتي بيشــه

سلوم اجدادنا دايم تشب بنــايف الرجــمي
ــــــــــــــــــــــــــــــــــــ سراج الضيف .. وتلبي الوفي لاجات مطاريشــه

اجل وشلون ماقول (( لحمد)) تمّ وعلى خشمي
ــــــــــــــــــــــــــــــــــــ وهو عدٍّ يسقي الطيب والشيمه معاطيشـــه

تمثناه الوفا والطيب .. كلن قال ذا قسمي
ــــــــــــــــــــــــــــــــــــ نداوي .. والنداوي تعرفه من صفّته ريــــشه

وانا ربّاني الشايب على ان سهيــل هو نجمي
ــــــــــــــــــــــــــــــــــــ ونجمٍ غير نجمي مقديٍّ شــوفي بتطنيــشه

سلامـي يابقيق عـداد نـوٍّ بــارقه وسمــي
ــــــــــــــــــــــــــــــــــــ حقوقٍ مايوقّف سيله الاّ السدّ في بيشــــه

لبا قلبك يالدحيمي وصح لسانك

ابوبدر...
صح لسانك
بقيق تستاهل...وحمد يستاهل....وانت تستاهل ....وابوك يستاهل
كل هالابداع..الله يبيض وجهك...
مثل مابيضت وجيه جماعتك....
انت ياطويل العمر تبي تقهرني..لاني كنت ناوي احضر الامسيه..بس والله حصلي ظرف...قاااااهر بكل ماتحمله هالكلمه من معنى
والا انتم يالطيبين مايردنا عن مباشركم الا القووووي
ولا فيه اقوى من الله سبحانه وتعالي....
لكن عزاي ان خيرها في غيرها....
وانشاء الله ان الله وفقك وطول عمرك تبي تحيي امسيات كثيرره...
ولا تدري يمكن ربي يجمعنا في امسيه ...مثل ماجمعك بالطيبين ابوحمري وابو فلاح
والشهاده لله....شعرك مايحتاج ردود..ولا يحتاج رأي
وثق تماماً ..مثل ما حنا نقدر نرد عليك هنا ونبدي رأينا
في معلقاتك الجميله..فيه مثلنا ملايين من المتابعين في المجلات يستمتعون بقصائدك ولا يستطيعون توصيل اعجابهم لك...
وهذي نعمه وهبنا اياها الله سبحانه وتعالى...

تقبل بصمتي على موضوعك

وتقبل تحيات اخوك/عبدالله بن فلاح بن ذويبان

[زايد القلادي]

وانا ربّاني الشايب على ان سهيــل هو نجمي
ونجمٍ غير نجمي مقديٍّ شــوفي بتطنيــشه

ونعم بك
والله يعافي الشايب يامحمد ويطمنك علية ,,
وعلى فكرة يامحمد انت لما نعد الابداع ونتلمس طريقة
راح نشوف نور ابياتك مضي في جهة من اراد الابداع

((لله درك يوم درهمت فرايد الابداع من جدة ليابقيق ,,))
عانقت سماء الشرقة ونعكس نورها على الخليج وصاحت
((سماء الخليج( ولولشت)زغردت نجومه وفلت الثريا مجدولها ,,))


منذ ان عرفنا محمد الدحيمي والابداع ملتصق التصاقا
حميميا مع مفرداتة ,,,,,,,,,,
تسلم يالذيب
والله لايهينك

[عاشق الغرياف]

الاخ العزيز : محمد الدحيمى


محمد الدحيمى اسم اعرفه واثق به فى كل ما يكتب


فى قصيدتك وفاء ....

لانك وافى .......


فى قصيدتك جمال ....


لانك روحك جميله .....



فى قصيدتك ابداع .......


لانك مبدع .............


فى قصيدتك نسيم عليل .......


لانك تدخل الى نفوسنا كالعليل النسيم .......



تبقى شاعر اجبرنى على متابعة كتاباته ....



لانك جدير بالمتابعه والاهتمام .......




لك من يا الدحيمى كل الحب والاحترام والتقدير





اخوك : عاشق الغرياف

سلوم اجدادنا دايم تشب بنــايف الرجــمي
ـــــــــــــــــــ سراج الضيف .. وتلبي الوفي لاجات مطاريشــه

والنعم يامحمد الدحيمي،، قصيدة صادرة منك يعني قمة الشعر والشعور.المزيد من الرقي والتقدم والشعر يا ابا بدر سلمت لأخيك

ارررحب يابو بدر

أسعد الله مساك وأسعد الله أوقاتك بكل خير

اولا اشكرك على نشر هذه القصيدة هنا وأعذرني أن ارد عليها بقصيد متواضعه جدا لا تصل الا درجة الكمال كقصائدك لأني لن اصل الى درجة الشاعر بعد أنا لي محاولات والحقيقة محاولاتي ماتجي الا بظروف خاصه وجعلني ما ابكيك حديتني على الكتف .. والمعذره المعذره من الجميع ( للعلم أنا ليس شاعر نظم ) لي محاولات بسيطة في المحاورة فقط :

هلا باللي بدع قاف القصيد ويرسمه رسمي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛سواة اللي رسم له لوحة باللون والريشه

تعب وأتعب ذلوله ثم حظر بالموعد الرسمي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛يلبي دعوة الداعي ولو تبعد مــــــطاريشه

غلاكم يالدحيمي كل ساعه عندنا يسمي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛كما يسمي قشع وادي تغذى من رشاريشه

يقولون العرب "يبقى الرسم والموت للجسمي "

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛وفعلك واضح لا من تمعنت بنقـــــاريشه

صبي حايشن المرجله ومحصل النعمي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ الا منك نظرته قلت هذا جده *كــــــــليشه

بوسط بقيق نور ساطع شفته لمع قدمي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛نشدت وقالو "محمد" حظر ذالليل من بيشه

والعذر والسموحة على القصور .........




*كليشه : صورة طبق الاصل

[تم تعديل الموضوع من قبل ولدعبس بتاريخ 05-05-2001 الساعة 07:06 PM]

الشااااااامخ بالوفاااااااء








































محمد صح الله لسااانك
وتقبل تحياتي يالغالي

هذا النص غير مستغرب على قامه مثل قامتك لكن المستغرب لأن لا

أسمعها بصوتك الجنوبي الرائع.....أين أنت يا أبا خالد

الدنيا كلها مشتاقه إلى سماع صوتك فما بالك بي

[كحيلان]

اخي الكريم
الشاعر الفذ
الدحيمي
زدت حسرتي على عدم التواجد في امسيتكم الجميله حسرات
ولكن يجبر خاطري ماتجود به من حروف لايكتبها سوى الدحيمي
لن اوفيك قدرك مهما قلت
فانت اكبر من الكلمات
اخوك
كحيلان

صح السااان الشااعر الكبير الدحيمي



وهذي عواايده


ما يجيب الا السمين



صح الساانك الف ولاهنت

اذا ابدع الدحيمي لااحد يستغرب

محمد...اتمنى لك التوفيق من صميم القلب والى الامام وترى اهل بيشه يسلمون عليك ..



الاخ ابو ثامر

ماشاء الله عليك بدت تبرز المواهب وبدت تطلع الجواهر

والله تستاهل كل خير



اخوكم /عبدالله

الله علييييييييييييييييييييك بابو بدر انت وابو ثامر تبون تقهروني يوم ماحضرت الامسيه لظروف سفري.


الابداع والروعه تعرف محمد الدحيمي وتمشي له بكل خضوع وتذلل

وتطاوعه القوافي وتذوب في شعره نسجا خياليا..

الله لا يخلينا منكم ..

اخوكم الصغير /// حكيم الجامعه

ابو بدر مساك الله بالخير
















انا في وجه الدفاع المدني















ولا تنسى تقولي عن اخبار الشايب

صح الله لسانك يالدحيمي



وصح لسان النداوي

"

"

"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"
"

وان شاء الله تتكرر امسيات النداوي وعسى انا نشوفها عندنا في جده
"
"
"
"
"
"
"
مع التحيه للجميع ..

شاعر تدمر...

رائعه جديده من روائعك التي لن تنتهي..


تبقى في المقدمه .. و تبقى الاكثر تميز..


تحياتي


ميثاق