عطشـــــــــــــــــــــــان

الله يمسيكم بالخير جميعا

هذه قصيدة عسى ان تنال اعجابكم

تكفون ردوا علي لا يطيح وجهي

شريتك وبعت كل ناصح وشرّاي
ــــــــــــــــــــــــــــــــــــــــ كتبتك على كـف يمــنى حبيبــــة

هويتك يوم كل من البيض بغّـاي
ـــــــــــــــــــــــــــــــــــــــ رسمتك على كف يسرى قريبـــة

تحديت لاجلك كل عاذل ووشّــاي
ــــــــــــــــــــــــــــــــــــــــ لين صرتي لقلبي اغلى نصيبـــه

حفظتك عقب الله تحت وطأة حماي
ــــــــــــــــــــــــــــــــــــــــ حررتك من نظرات ناسٍ مريبـــة

حميتك من جور كل ظالم وغزّاي
ــــــــــــــــــــــــــــــــــــــــ خليتك لجروحٍ وسط جوفي طبيبة

الود والعز كان لك دوم مكســاي
ــــــــــــــــــــــــــــــــــــــــ هديتك من بحوري اشعارٍ عجيبة

حبيتك من اقصاي لاخر ادنـــاي
ــــــــــــــــــــــــــــــــــــــــ لو زدتي وسط قلبي حامي لهيبه

رفعتك فوق نجمه بعالي سماي
ــــــــــــــــــــــــــــــــــــــــ زرعتك بارضي وردة رهيبــــة

صرتي لي الروح وكل مدى دنياي
ــــــــــــــــــــــــــــــــــــــــ لو امرتي على راسي ابشري بـه

كنتي العطشانه وانا لك صافي الماي
ــــــــــــــــــــــــــــــــــــــــ سقيتك رويتك يومك بحاله صعيبــة

يوم اشتد عودك وصار لك راي
ــــــــــــــــــــــــــــــــــــــــ بدلــتي دياري بديـــارٍ غريبــــــــة

ويوم صرت انا العطشان وانتي الماي
ــــــــــــــــــــــــــــــــــــــــ تركتي القلب يشرب فايض نحيبـــه

اصلاً من عشقتك وانا لزمتي آآي
ــــــــــــــــــــــــــــــــــــــــ ومن هجرتيني وانا بحالة كئيبــــة

لي الله يوم هدمتي عالي بنــــاي
ــــــــــــــــــــــــــــــــــــــــ وكسرتي قلبٍ يدفع فرحه ضريبة

وسلامتكم

اخوكم/ شارب الحب

هلا

حياك الله يا شارب الحب

قصيدة لا اقدر الا ان اقول صح لسانك وتسلم

وانا شاعر محاوره لا يمكنني تقييم النظم


انشاء الله انها طيبه

حبيتك من اقصاي لاخر ادنـــاي



الله عليك

لو ماقريت الا هالشطر

يكفي

لاحساسي بجمالك

جميل ياشارب الحب



تحياتي