Tweet
محاوله واتمنى تنال اعجابكم
ياخيوط الشمس بدّدي الليل العتيم === انتهى صبر الشبابيك من جور الظلام
وابتدت سجّادتي تشفي الجرح الاليم === ركعتينٍ تبري الجرح واتفض الزحام
وابتدا يومي بحفنة مطر وظلال غيم === وحب راس ابوي وامّي بحفوه واحترام
وبعدها يبدا الجديد المجدد للقديم === زعل ووحده وضيقه وشرهات وملام
روض قلبي عقب ما كان روض اصبح هشيم === كيف يزهر بعد ما ودّع رذاذ الغمام
ياكبر فرق البخيل وكبر فرق الكريم === ايتساوون ان بخل ذا الكريم ابن الكرام
كنت تمثال التراحيب والوصل الحميم === وصرت تمثال الجفا اللا مبالي بالغرام
ماني لا اخسرت نقّصت قدر النعيم === انت نعمه بس صارت على مثلي حرام
لانّي ارفض سكّة الاعوجاج المستقيم === وانت تعرفني حشيمه ومن ناسٍ حشام
الله اللي يزرع الحب فالقلب الغريم === والله اللي يزرع الصد من بعد الوئام
رح فمان الله رب السموات العظيم === وخل من حبتك تذكر خطاياك وتنام
اهجري يا اغلى شبابيك غاده هالعتيم === دام صار الحب عنده كلامٍ في كلام
غاده
=-=-=-=-=-=-=-==-=-=-=-=-=-=-=-=-=
نطرتك والربيع يذكر الميت ببعد الحي .*. وانا موّت كل الورد في وصلك وميعاده
ليا من جا الخريف ولبست اشجاره بياض الزي .*. على اوراق الشجر لا طاحت بتلقا اسم غـــــــــاده
تعليق