Tweet
اخواني واخواتي اعضاء النداوي الشامخ اليكم هذه المتواضعة ارجو ان ترقى الى مستوى
اذواقـــــــــــــــــــكــــــــــــــــــــم ..
طلت عليّه تنظـر الميّـت الحـيّ
في ليلةً بشّر ضميـري ضميـره
يقول هذي هي ولاّ ماهـي هـيّ
والليل روّح بيـن شـكً وحيـره
واقول هذي هي وعيونهـا شـيّ
فيها تسافـر كـم ديـره وديـره
اليا التفت للخلق من ذي فـي ذيّ
يدير نـاس ونـاس بالمستديـره
عينً عليها من الحلا شي وشوي ّ
الرمش طاغي والحيا في حجيـره
نقابهـا واسـع وترخيـه للضـيّ
حتى لمع برق الخـدود المنيـره
الطول فارع والحضاره لهـا زيّ
شموخها عـزّه وقصـه وسيـره
متكبـره قالـو ويجتاحهـا الغـيّ
كذا...... خلقها الله عليهم كبيـره
عنيـدةً ماهـي بلالـك ولا لـيّ
صعبه وفي كل المواقف عسيـره
ماجا بنجد ولاسكـن ديـرة دبـيّ
عاش الترف فالمدن شرق الجزيره
ياناس لاتطرون غـادة ولا مـيّ
اموت واحيا مانتظر حـب غيـره
الياتفرّقنـا تـرا فــي مـافـيّ
واليا اجتمعنا صار عشقً وغيـره
لوفي يديني قلت ياصاحبـي عـيّ
يصبح مصيري فالليالي مصيـره
اقولها وانـا مـن الشمـس للفـيّ
حظي يقربنـي وشعـري سفيـره
تعليق