((( عادت الذاكره )))

يامل قلب عاد صدفه احســاسه ** وانا احسبه ماهوبالاحداث حســاس

من عقب ماقلت انكسرمن يباسه ** الجوهره خضـراء والاطراف يبــاس

عادت عليه الذاكره بانعكاسه ** وصار يتلمــس بالمعـاني تلمـاس

شيء يبين وشيء فيه التـباسه ** وأسرح مع الافكاروأجلس مع الناس

اللي بنفسي طاوي البعدياسه ** واللي بحكم الغيب مالي به أقياس

الدور يبغي له قواعد دراسه ** وانا عقبت الركب مع وقت الادمـاس

غديت مثل اللي تزايد عماسه ** تــاه الطريق وجـرة الـناس دراس

ماغير أسلي خاطري في حماسه ** هم يواجهنـي ليـا نامـوا النـاس

هم يخم القـلب خــم بشراسه ** وأفـز عـقب غـفاية العين بنعـاس

وأعس طاروق المعاني عـساسه ** واخـذ مـع الافـكار سـجه ومـرواس

سجة غضب ماهي بسجة ونــاسه **واطـب سـوق فيـه مـن كـل الاجنـاس

وأهد وأبني كل شيء بمقـاسه ** حتى يصـير البيت ثابـت علي سـاس

وأنقا جواهرها وأخلي نحاسه ** ولـو هـي قليلات بها ذوق وأحسـاس

ماهي هذاري فاقدين الوناسه ** اللـي سـوالفـهم تعـود للافـــلاس

بين النميمه والحسدوالبلاسه ** الـحقد مشـغلهم وذابـحهم اليـاس

وكل علي ماقيل يلبس قيـاسه ** ولانــي عـلي غـرات الاجـواد بـلاس



مع تحيات / بحـــــــــــر

ولانــــي علــــــــــى غرات الجــواد بـــلاس..
صح لسانك صح لسانك ..والله يكّثر امثالك.
وترجع سالمٍ غانم لأهلك وديارك.
تقبل تحيات اخوك /العاشق المحروم

__________________________________
عنز على الرجال النشاما المسمين
....................اهل البيوت النايفات المطله

[زايد القلادي]

صح السانك

صح السانك يابحر وانت بحر بشعر الحقيقة كلمات اروت افئدتنا بمعاني في غاية الابداع وكما ترجم احساك هذة المعناة بدرر من ابيات نحن ايضا ترجمنا اعجابنا بك بهذة الكلمات التي امل ان تصل اليك وانت في خير وعافية
(_(_(_بكل فخر احد معجي بحر)_)_)_)_)

يامرحبا يمطول الغيبه

اثر ماني ابحولك (يابحر

مخاوي النداوي)

بحر والله بحر

ياسلالالالالالالالالام رائع والله ابداااااع................................................... .....................لاتعليق....يعني وش تبوني اقول عن بحر
......على اسمه بحر....تحياتي لك

اخوك الصغير/عبدالله الهاجري

( يالربع علي هونكم )

اشكركم كثير الشكر ولكن الشكر الحقيقي لصاحب القصيده
لانني لااحب ان اجير نجاح الاخرين لي فهذا منقصه علي الرجل
ودمتم ...

اخوكم/ بحـــــر

بحر عيدك مبارك

تذكرنا.......اشتقنالك

الواثق

[كحيلان]

صح الله لسانك
بحر وتغرف من بحر
عزى الله انك اقديت ووفيت وكفيت
ماجمل ان يكون الشاعر صادقا
قصيده صادقه من قلب صادق

مفردات واسلوب وتسلسل اضفت مسحات من الجمال
على القصيده
لم ارى للغربه اي تشويش في شخصية يحر
لازلت بدويا ينبض بالصراحه في القول ويرى الحياه بمنظار فطري
بحت وبدون رتوش

عوده جميله بقصيده جميله
تمنياتي لك بحياه سعيده
اخوك
كحيلان

صح لسااانك يا بحر الشعر ولا هنت ,,,,

ما عندي من الكلام اللي ممكن يوفي القصيده او يوفي قايلها حقهاا الكامل ,,,

لكنا تعودنا منك كل جميل ومميز ,,,

تقبل تحيااتي ,,,,

اخوك ابو الاصاله

بسم الله الرحمن الرحيم

صح لسانك ..

معاني فعلا قويه ..