كل ما املك هالحروف وهالقلم في غربتي
... عيشتي بعض الهموم وعيشة الهم الورق
شلتها قصه قديمه وانشغلت بدهشتي !!
... وانسرق عمري وذنبي ماعرفت اللي سرق
جيت ابمشي هالطريق اللي تثاقل رجعتي
... لامني بعض الغياب ولامني كل الأرق
شدت افراحي .. ولا ادري وين حلت بسمتي !
... وارتمى فوق المساء همي وبعيوني شرق
في مسارح ذكريات الظلم غنـّت قصتي
... مافرق دمع الحضور من الكراسي مافرق
كيف اشبـّك يالظلام وراس مالي شمعتي ؟؟
... كيف اسوي والامل كهل ٍ توفى مابرق ؟؟
ماتغير ذا الزمان وخطوتي هي خطوتي
... لا انطحن حب السنين ولا اختلف طعم العرق
واجد اللي مر بعدي ماتذوق حسرتي !
... واجد اللي مايعـَرف ْ البحر .. طب ولاغرق !!
قمت ادوّر في شفاتي يمكن القى ضحكتي
... قبل ماتفنى الهموم وقبل مايفنى الورق
..................
الباريسي
ليتني رحتها 
تعليق