قصيده مهداه الى مقام سيدي صاحب السمو الامير نايف بن عبدالعزيز
رمز الامن والامان في مملكتنا الغاليه
هي اقل مااقدمه في حق سموه
سقت القوافي سوق وضح اترعوى
خملا تفوع شدوقها بالنواوير
عيس على دقاق الربايع تخطوى
نشوى تهزع بالخطى تدرج السير
نجب ارتعت طلع تحذواه حوى
في خايع قبت جنوبه مزاهير
روض عقب غرق السحايب مروى
كظت هذاليله طشوش النوافير
وش عاد ياعين شبحت وين تقوى
عنها تلد لفجة الشوف تسكير
حدرتها وانا ابن ابو فهد ماالوى
عن سوق عذبات القوافي ولااحير
قصايدي وان شبو السوم عنوى
رزت وانا ابخص بيرق الشعر تقدير
وش لي ولي بالحرف لى كان يسوى
لى ماغدى له في ذرى الجاش تثوير
طاب النشيد وفزز الحرف وادوى
صوت يمسي (نايف) الخير بالخير
ماجور ياحر رقى راس علوى
مثلك يشوم الا بعالي المواكير
انت الوفا وانت الصخى والمروى
وانت الغثى للي غثته الدواوير
ياطيب نبت الطيب غرس تلوى
في سحنتك ياطيب الفال تبشير
ريف المريف وظل الادنين شروى
شلقة قروم تروم قدم الطوابير
كريم سبلا جود الاجواد جدوى
جوده على جود الاجاويد تجدير
ماقول قيل وعلم الاخيار يروى
لا والله الا شوف عيني تدابير
لك عزوة ياسيدي وان تعزوى
شيخ تناخو وضج الاطراف تكبير
في ديرة باسم (المعزي) تزهوى
من خلقة الدنيا وحنا مظافير
هي كلها صيحة عجوز اتنخوى
وتطمر على روس العداء فوهة البير
ان قلت او ماقلت للحق مثوى
امنت بالله والليالي مقادير
فالح بن صقر الودعاني الدوسري
كحيلان
رمز الامن والامان في مملكتنا الغاليه
هي اقل مااقدمه في حق سموه
سقت القوافي سوق وضح اترعوى
خملا تفوع شدوقها بالنواوير
عيس على دقاق الربايع تخطوى
نشوى تهزع بالخطى تدرج السير
نجب ارتعت طلع تحذواه حوى
في خايع قبت جنوبه مزاهير
روض عقب غرق السحايب مروى
كظت هذاليله طشوش النوافير
وش عاد ياعين شبحت وين تقوى
عنها تلد لفجة الشوف تسكير
حدرتها وانا ابن ابو فهد ماالوى
عن سوق عذبات القوافي ولااحير
قصايدي وان شبو السوم عنوى
رزت وانا ابخص بيرق الشعر تقدير
وش لي ولي بالحرف لى كان يسوى
لى ماغدى له في ذرى الجاش تثوير
طاب النشيد وفزز الحرف وادوى
صوت يمسي (نايف) الخير بالخير
ماجور ياحر رقى راس علوى
مثلك يشوم الا بعالي المواكير
انت الوفا وانت الصخى والمروى
وانت الغثى للي غثته الدواوير
ياطيب نبت الطيب غرس تلوى
في سحنتك ياطيب الفال تبشير
ريف المريف وظل الادنين شروى
شلقة قروم تروم قدم الطوابير
كريم سبلا جود الاجواد جدوى
جوده على جود الاجاويد تجدير
ماقول قيل وعلم الاخيار يروى
لا والله الا شوف عيني تدابير
لك عزوة ياسيدي وان تعزوى
شيخ تناخو وضج الاطراف تكبير
في ديرة باسم (المعزي) تزهوى
من خلقة الدنيا وحنا مظافير
هي كلها صيحة عجوز اتنخوى
وتطمر على روس العداء فوهة البير
ان قلت او ماقلت للحق مثوى
امنت بالله والليالي مقادير
فالح بن صقر الودعاني الدوسري
كحيلان
تعليق