الا يا طير يامهاجر

[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الا يا طير يا مهاجر على جنح الظلام اسراب = تدور للدفاء والاّ ديارك زاهدٍ فيها
الا ياليت لو تاخذ معك من بالحشا منصاب = يدور للدفاء بعيون من بالقلب يغليها
تفرقنا وضاع الحلم وغدينا للزمن أسلاب = يحطّم كل آمال واماني قبل نبنيها
ولا باقي سوى الذكرى تنادي واقفه بالباب = تبي من ينتشلها من عجاج صار يعميها
لك الله يازمانٍ ماصفى في يوم للأحباب = يصرفهم على كيفه ولا قدّر تواليها
حبيبي لا تظن أنساك مهما كانت الأسباب = عليك الله وامان الله دروب العشق ما امشيها
على الذكرى اعيش اليوم وبكره ما حسبت حساب = لأجمل من مشى بالأرض غيرك لا.. ولا..ابيها
على شانك اعيش بعزلتي لا أهل أو أصحاب = ادور فجر واشراقه عسى في يوم الاقيها
الا يا طير لو تهجر ديارك ما عليك عتاب = أجل وش ذنب من يبقى بها مع حر صاليها
ديارٍ ما بها من حب قلبي كلها أتعاب = ولو حاولت ما حاولت اسلّي النفس وارضيها
احس إني غريب الدار من حوله غدو أجناب= كسيرٍ ما دروا عنّه وحاله في ترديها
ظلام الكون في عيني بعد ما بدر عمري غاب = اعيش بلا أمل ينقذ عروق الروح يرويها
انا مليت من جرح لهيبه نازفٍ ماطاب = مسافات العذاب وهاجس الحرمان اخاويها
الا يا طير لو تاخذ معك يمّ الحبيب كتاب = لعله يذكر ايامٍ شربنا من مظاميها
وكيف اليوم ذا حالي بعد ما فشلت الأطباب= ولا لي غير من كان السبب يمكن يداويها
[/poet]

ابو عبدالله

صح لسااااانك ياااالذيب وعلااااا شااااانك
جزل كما عهدناك
متابع لروعتك
تقبل تحياتي

كل الشكر والتقدير لأخي الكريم/ محمد فهد العرجاني
على كريم تشريفي بالحضور والتفاعل المميز
تسلم يالغالي
تقبل أطيب تحياتي واحترامي

صح الســـانــك يالذيب


جززززله من شاعر لاعدمناه



اجدت وامتعت


تحياتي لك خااااااااالصه


أخـــوك/
فـهـد الـذبـيــانـي

[align=center]
هـلا اخووي عثمــان

صباح الرضــى

مرحبا ومسهلا بك معنـا

صح لسانك لاهــنت

قصيده رائعــه

اختك العبيه[/align]

هـلا اخووي عثمــان
اسعدالله صباحك بكل ود
مرحبا ومسهلا بك معنـا
صح لسانك لاهــنت
قصيده رائعــه

تحياتي

كل الشكر والتقدير لأخي الغالي رفيق الدرب/ ابو عرب / سعود العازمي
على تشريفي بكريم الحضور والتفاعل الرائع دوما وفي كل مكان وزمان
لاهنت يالغالي
تقبل أطيب تحياتي واحترامي