سر الرفاقه في منزالنا الاول

الطعون اتلفني مثنى ورباع
.....والصديق يخون ميثاق الصداقه

صاحبي مازادك الكذب اتساع
.....غير حقر وغير سفه وغير فاقه

والرجال اتعز دمثين الطباع
.....والوجيه اتشع تزهاها اشراقه

والنشامي في رجا الصادق جياع
.....حراً اشقر له على الطيب اصطفاقه

ما نفع غيرك ترى لبس القناع
.....يوم وجهه يشتهي كفي عناقه

خلها في وجهها فل الشراع
.....الستر عندي ترى سر الرفاقه

لك علي بالطيب ذكرك كل ساع
.....ولي عليك الرفق في وقت الطفاقه

نجمتي جيتك انا الشهم الشجاع
.....شاعراً قاده بدرب الطيب ساقه

لو عروقي بالثرى راسي برفاع
.....والمواجه علم الوجه الطلاقه

يالجميل العذب ابو سودً وساع
.....صاحبك ظرفه عن الميعاد عاقه

صاحبك ضاري لتسخير السباع
.....لين تعطيه الزهر سله وباقه

استمع لي لو تجيد الاستماع
.....كيف ردي لمن يدعي حسن اللباقه

لو يجازى الطيب في بتر الذراع
.....ياهلا ويامرحبا بأحلى اعاقه

وانت ياللي تجتنب كلمة وداع
.....قول جدي :من كذب عجل فراقه




اخوكم/عبدالله بن فلاح بن ذويبان

مرحبا مليون يابو فلاح

جيتك شرف للنداويه وانظمامك مكسب لنا جميعا هلابك يالغالي ومشكور على هالابيات صح الله لسانك وسلمت يمينك


تحياتي

هلا والله ومرحباااااااااااااااااااا

يامرحبا بالنداوي الشاعر/ عبدالله بن فلاح بن ذويبان


صح الله لسانك


وين اهل الذوق
عن هالروعة



انشهد ان هالمنتدى فيه من الابداع مالله به اعلم



اقول يالغالي


ابيها تطلع فوق هالرائعة


فوق

فوق

فوق



ولااااااااااا فيها منه





سجل الحضور والمتابعة
والاعجاب



ويازين توقيع ياابو فلاح

القلب صندوق الوفاء والميانه
.....والرمش مفتاح القلوب المغاليق
احد يجيك وكن قلبه لسانه
.....واحدً يرد العلم كذبً وتلفيق
قلبي وانا له والزعل والميانه
.....مثل الطيور مهاجره بالمعاليق
معراجها اعلى الضلوع وكيانه
.....ومنزالها بين الحنايا طواريق
زنديق من يحيا بليا ديانه
.....واللي يخون العيش والملح زنديق

يامرحبا يابن ذويبان
والله يحييك تحية المطر
وهذا اللي نتوقعه منك والابداع انت صاحبه
والعلوم الغانمه انت راعيها وهلا ومرحبا

بسم الله الرحمن الرحيم

الله حييه الله حييه ..

قصيده قويه ..

مخاوي الليل...ماجد بن محمد....سرحان الوذيناني.....هيفاء

ياهلابكم والله وغلا.....حياكم الله وبيض الله وجيهكم

اشكركم على الكلمات الرائعه....ولا خلا ولا عدم انشاء الله
وجعلكم ذخر


ابن ذويبان

اخوى.......ابن ذويبان

شهم.....شجاع.......شاعر...........سار على درب الطيب ساقه

هذا انت.........ابن ذويبان .......صح لسانك.


التحيه.

مطر الروقي...
الله يسعد ايامك بكل خير
وبيض الله وجهك على هالكلام الكبير
اللي مايطلع الا من كبير
وتسلم وماعليك زود ياغااااااالي


ابن ذويبان

صــــــــــــح لســـــــــــانـــك ولاهنـــت على هالجمـــال





لك علي بالطيب ذكرك كل ساع
.....ولي عليك الرفق في وقت الطفاقه



بكل صراحة هالبيت شدّنى جدا

ويــاسلالام عليك



وبإنتظار المزيد الافضل


وتقبل تحيات أخوك

هلالالا وغلالالالا بالمحنك
صح بدنك....وتسلم على هالكلام الحلو
الله يعطيك العافيه

للرفع

لو عروقي بالثرى راسي برفاع
.....والمواجه علم الوجه الطلاقه




يا سلام عليك يا مبدع والله قصيده رائعه...





قلب الذيب

صح لسانك وما قصرت يابو فلاح .......... رهيييييييييييبة
وش اقول بعد الظاهر بعدكم يا النداوية وما نقول الشعر ...

استاذي .... لا تتركني ... اخوك

......................... البدراني ...................

[تم تعديل الموضوع من قبل البدراني بتاريخ 06-25-2001 الساعة 01:04 PM]

======== الغالي ابو فلاح =============


مانفع غيرك ترى لبس القناع...يوم وجهه يشتهي كفي عناقه


خلها في وجهها فل الشراع... الستر عندي ترى سر الفاقه


عبدالله......... الشاعر الجزل


الشاعر ..... ذرب اللسان


سلمت وصح لسانك قصيده تعانق علوووووووووووووووم الرجال


تحياااااااااااااااااتي واعجابي

قلب الذيب,,,,,




هلالا وغلالا,,,



صح بدنك,,,,



دائماً تحرجني بكلامك الجميل


مدري وش اقولك لكن الله لايخليني من هالزول ياغالي



















اخوك وتلميذك/
عبدالله بن فلاح