الددسن

تحية معطره بالورد والكادي
سبقوني الشعار في وصف المواتر كلها ...ماخلّو لي شي ...قلت اوصف البك آب ..او مايعرف بمصطلحنا العامي الددسن (يوم همّلوه كلهم) ... وهي قصيده تميل للفكاهه اكثر ....امنياتي تعجيكم .
[poet font="Simplified Arabic,5black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
وصفوا قبلي شواعير القصيد=مرسدس ،فكسار ، رنج ، ودوج ، هاف
بس انا بوصف الشي الزهيد=حشمة ٍ للي مخابيهم خفاف
لا عماير لا قصور ولا رصيد=ولانعيم بحضرة الدنيا يشاف
مايشيل اقدامهم غير البليد=لو تدّفه قدّم يرجع بك خلاف
سرعته مشية صعيدي فالصعيد=لامشى توميّ يدينه بلتفاف
لون واحد ماطلع غيره جديد=صاحبه يّغلط (بخيّه) فالمصاف
صوت شكمانه مثل كحة مريد=لآحقه من زاده المخزيّ جفاف
زيك لستك والبدي كنه حديد=مخطر ٍ تقلّبه لاهبت شعاف
كن وجهه لا نطحته من بعيد =وجهه فاطر عاشت السبع العجاف
شكل صندوقه عسى فرقاه عيد=مثل تابوت النصارى له حواف
ميزته في حر والاّ في جليد=(زيتّه) اللي فيه ماجاه اختلاف
وراد النيسان مازبنّ طريد=مركب عيال الطفارا والضعاف
اسمه (البيك اب) في طبعه فريد=ضد شمس وبرد يجحد مايعاف
ماتمنى طارته ممسي وحيد =موعده مع شيخة الزينات طاف
الفقر والوقت والحظ العنيد=سببوا زحمة وجوده بالألآف
مالكه لامات من (ظيمه) شهيد=(مدّ رجلينه على قد اللّحاف)
وسلامتكم
[/poet]

كـن وجهـه لا نطحتـه مـن بعـيـد
وجهه فاطر عاشـت السبـع العجـاف

شكـل صندوقـه عسـى فرقـاه عيـد
مثل تابـوت النصـارى لـه حـواف


اخي الفاضل

فالح بن راشد

صباح الفل ودهن العود

الحين انته تمدح ولاّ تذم

صح لسانك ،، وجميل ان الواحد

(يمـدّ رجلينـه علـى قـد اللـحـاف)

تحياتي لك

اختك

مشاعردبي

[align=center] ... عراوي ... [/align]

[poet font="Times New Roman,6,blue,normal,normal" bkcolor="transparent" bkimage="" border="none,4,gray" type=2 line=200% align=center use=sp length=0 char="" num="0,black" filter=""]
ميزتـه فـي حـر والا فـي جلـيـد=(زيتّـه) اللـي فيـه ماجـاه اختـلاف
اسمه (البيـك اب) فـي طبعـه فريـد=ضد شمـس وبـرد يجحـد مايعـاف
[/poet]
[poet font="Traditional Arabic,6,green,bold,normal" bkcolor="transparent" bkimage="" border="none,4,gray" type=3 line=200% align=center use=sp length=0 char="" num="0,black" filter=""]
فالح ... صح الله لسانك يا الغالي
قصيده فكاهيه فيها من الحقيقه
الشيء الكثير .... دمت سالم.
[/poet]

[align=center] ... لكم مني التحيه ... [/align]

الاخت مشاعر دبي

صباحك ورد شرفني حضورك

تبين الجد انا لا امدحه ولا اذمه ..كل مافي الامر قلت اللي تشوفه عيوني فيه .. صناعته كذا خليط بين الزين والشين مانيب اقوى له من الله

صح بدنك ...واجمل تحياتي

الاخ محمد بن جديد

ماعاد به عرواي ذاك منوّل ....صح بدنك تشرفت بحضورك

اجمل تحياتي

ههههههه

صح لسانك يافالح


لفته كريمه تشكر عليها


بعدين ترا الددسن يعوضك في مواترٍ واجد


سرعتـه مشيتـه صعيـدي فالصعيـد

تبغى تقول : مشية



تحياتي

الاستاذ فالح بن راشد آل حثلان

صح لسانك على هـ القصيدة الجميلة

التي أجبرتني على الأبتسام منذ قراءة أول بيت فيها حتى نهايتها

موضوع جديد تضيفه إلى سلسلة مواضيع قصائدك التي تناولت أغلب أمور الحياة

إحتراماتي وتقديري لشخصك الكريم

فالح بيض الله وجهك بياض تعده الرجال للرجال ..
يامال العافية وصفت موتري وصف دقيق ..
من حقنا يا أهل الدداسن نستانس لبدء الشعار بوصف سياراتنا ..
وراد النيـسـان مـازبـنّ طـريــد
مركـب عيـال الطفـارا والضعـاف

ياخوك طفارا وش تبينا نسوي .. راس المال كله أربعة أسهم في البلاد
عارضها للبيع .. وش رايك تشتريها ..

تحاياي

فالح

صح لساااانك طال عمرك

مدح فاق الوصف

وشلون ما تستاهل كل هالمدح وهي ما لها كبد على الرمل

تحيااااااااتي يا مبدع

أخوك

مالكـه لامـات مـن (ظيمـه) شهيـد
(مـدّ رجلينـه علـى قـد اللّـحـاف)







صح لسانك تقبل تحياتي

ارحب يابو راشد


صح لسانك


حتى فالقصيد الفكاهي مبدع
كـن وجهـه لا نطحتـه مـن بعـيـد
وجهه فاطر عاشـت السبـع العجـاف


اخوك

خالد

الاخ عبدالله بن عقاب

صح بدنك تشرفت بحضورك
واسعدني هذا التواجد الجميل
والف شكرا على تصحيح الخطأ المطبعي

دمت يالغالي

الشاعره المتمكنه جاذبيه
سعدت بحضورك الجميل
وسعادتي اكثر انّ القصيده رسمت الابتسامه على محياك .... وكل الددسن بركه
عساها دوم
تحياتي

الاخ الغالي والشاعر عريمان السبيعي
وجهك ابيض وصح بدنك ...انا وينّي وين الاسهم الله يرحم الحال
اقول الا مادام عندك اربعة اسهم في بنك البلاد ......ماودك تسجلنّي من ضمنّ الخويّا ..ترى الأقربون اولى بالمعروف

كـن وجهـه لا نطحتـه مـن بعـيـد
وجهه فاطر عاشـت السبـع العجـاف

هههههههههههه

ابو راشد يازين العراوي

شاعر بمعنى الكلمه

ولا جديد سوى الابداع

حضرت للاعجاب

كل الشكر

محبك

تركي