(( عـصــــر الامــــــــــــاء )) !!

..



مجرد .... رأي

..


[poet font="Simplified Arabic,6,crimson,normal,normal" bkcolor="transparent" bkimage="" border="none,4,gray" type=3 line=350% align=center use=ex length=0 char="" num="0,black" filter=""]

لو كاتب التاريـخ بالمصـدر ذكـر والا نسـى
.... يغرق جفاف الذاكره سيل (الهيام) وجمتـه


ولو نذبح النخاس يبقى بالبلـد بعـض انخسـا
.... بعصر الاما جات الاما يـم الامـام وأمتـه


ياقاري (المباهلـه) حقـق باحاديـث (الكسـا)
.... يمم خفوقك للسما خـل (الغديـر) ويمتـه


لاترفع المنصوب بعد الحـرف بالعطـف اكتسـا
.... ولاتكسر المرفوع بالضمه وتكسـر ضمتـه


واذا لبست البشت لاتلبس من بشـوت الحسـا
.... الزهد عن بعض المظاهر (تنتخيبك) عِمتـه


اقرا معي واسمع تفاسيـر الكثيـر مـن الاسـى
.... واحفظ معي خير الكلام اخير من هذرمتـه


صدر السما ضايق ومس الارض مسٍ من مسـا
.... الليل طال وراحـت انـوار النهـار بذمتـه


راجت بضايع عجزنا الممزوج من عـل وعسـا
.... وانهك هقاوينا الهتاف اللي تهاوت همتـه


يشرب صديد احساسنا من كاسنـا كـم احتسـا
.... ماهمتـه آمالـنـا وآلامـنـا ماهمـتـه


يضحك طرب وجه الغدر في صفحة اطراس القسا
.... ذكرى بتوقيـع الغبـا وعقولنـا المتزمتـه


ضاعت سوالفنا وضعنـا بيـن قتـلا واحبسـا
.... ماعاد نعرف دمة المعـروف مـن دردمتـه


ياكبرها في شارب (النمرود) لـو كـان يخسـا
.... شامة سواده كممت صوت البياض وغمتـه


يرسي قواعد نهجه المرسـوم وشعـاره رسـى
.... بين التعري والجهل والخوف تسمو قمتـه
[/poet]

..




وشكرا لكل من قرأ

صح الله لسانك ودام ابداعك

قصيده رائعه وجزله من شاعر جزل

دمت بخير ودام ابداعك

هلا وغلا ياجمعان



صح بدنك



وتسلم ولايسلم ردي المبادي




تقبل تحياتي



.

ياسلام ياحماد
قصيده كايفه ومعناها قوي وجريء
صح لسانك ولاهنت

دمت

قصيده قويه

وجزله

صح الســـانــك يالقرم

دمت وسلمت

أخــوك/
فـهـد الـذبـيــانـي