من ارشيفي الخاص ...
.
.
.
تجمّل الحلم فيني جابك لعيني
... جمايل الحلم مدري وين اوديها
هو شاف تقصير والا انه يواسيني
...وش قولتك وانت تدري في خوافيها
ومن وين مارحت لك طيف ٍ يباريني
.. يرسم لي دروب وامشي في محاريها
ماني لمسك السراب معوّد يديني
... ولاني علوم الخيال مسولف ٍ فيها
بس انت تدري وش اللي بينك وبيني
... الراي رايك وكيفك وش تسميها
باخر لقا كان سلّمتك براهيني
... ملامح الحب ماتكذب مواريها
بعيونك احلام وآمال ٍ تناديني
... بعيونك الحب يافرحة لياليها
لاتخليّ الحلم يتجمل ويعطيني
... لوكان جزل العطايا قلت مابيها
تعال قرّب تفضّل مسكنك عيني
... لاجت جمايلك تدري وين أوديها
.
.
.
تعليق