Tweet
اسعد الله اوقاتكم بكل خير .. جديده ارجو ان تنال اعجابكم ..
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يوم اقبلت .. تمشي .. وانا ارقبها..على جمر ٍ صقيل = مابين نشوات الغرام .. وبين لهفات الوداد
وانا على الله .. مابغيت الاّ قليل ٍ من قليل = لان القناعه مكسبي .. يوم القناعه خير زاد
وقامت تكلمني .. وانا مابين حط وبين شيل = ذهني مشتت .. والفكر طافح .. ونظراتي احداد
لين احتوتني في كلام ٍ عذب .. واسلوب ٍ جميل = في ساعة ٍ ماعاد افرّق في البياض وفي السواد
وحطت يديني في يديها ..لين ضيّعت الدليل = يالمزنة الغرا .. أبرقي فوقي .. وذعذع يابراد
وقالت يامسفر ..؟.. لو تسمّعني من القاف الجزيل = امووت فيك .. وفي قصايدك القديمات الجداد
قلت اسمعي .. من آخر ابداعات .. عمرو بن طفيل = واحلى قصيد ابن الملوّح .. في روائع بن زياد
وارخت مسامعها .. وقام الخدّ في يدها يميل = تقول حاكم دولة ٍ .. اعلن على ابيه الحداد
ويووم انتهيت .. وناظرتني نظرة الشهم النبيل = لمحت في نظراتها .. راي ٍ يقال ولا يعاد
قالت .. عز الله .. شاعر محسوب في الوزن الثقيل = اسلووبك اسلوب .. وبيوتك غير .. وابعادك ابعاد
ماهو اعجاب ٍ فيك .. ولاشي من هذا القبيل = رايي بنيته من قناعه .. مابنيته بعتقاد
قلت الصراحه ماكتبت الشعر .. لاجل اجني حصيل = طمووحي اكبر من مصافيط العباد الى العباد
لاوالله .. الا ّ .. شاعر ٍ يسهج احدود المستحيل = لاهاض فكره .. مايردّه غير تحقيق المراد
غير احتريني .. ثامن السبّع .. ورى نجمة اسهيل = اما كذا .. ولا هجرت الشاذليّه والقناد
قالت كذا ..؟ .. قلت الوعد قدام لو طال الطويل = الايام تثبت لك .. نصيب المجتهد من الاجتهاد
وقامت تمخطر في مقام ٍ عالي .. وقدر ٍ جليل = وتعذّرت عذرا .. مثل عذر الخوارج في الجهاد
واقفت ولي معها .. مثل مال الفقير .. من البخيل = مازاد فيني غير .. شوق .. وبعد .. واهيام .. ونكاد
وراحت ورحت ... وشوقها فيني .. مثل دم القتيل = وابطت بها الايام .. وابطا الحب .. لكن ّ الوكاد
ان حبها .. ثابت مع الاجيال .. جيل ٍ بعد جيل = ماهوب مثل .. أسهم على الشاشات في بنك البلاد
ياليلة ٍ مرت عليّ .. ماكنّها الاّ حلم ليل = بقت بعيني .. بين حاء .. وبين فاء .. وبين ظاد
مااقول غير الله يعين الزين .. في ردّ الجميل = والله يقدّر .. ( راعي الشرفا ) .. على جني الحصاد
وسلامتكم ..
[/poet]
( مسفر بن جارالله المري )
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يوم اقبلت .. تمشي .. وانا ارقبها..على جمر ٍ صقيل = مابين نشوات الغرام .. وبين لهفات الوداد
وانا على الله .. مابغيت الاّ قليل ٍ من قليل = لان القناعه مكسبي .. يوم القناعه خير زاد
وقامت تكلمني .. وانا مابين حط وبين شيل = ذهني مشتت .. والفكر طافح .. ونظراتي احداد
لين احتوتني في كلام ٍ عذب .. واسلوب ٍ جميل = في ساعة ٍ ماعاد افرّق في البياض وفي السواد
وحطت يديني في يديها ..لين ضيّعت الدليل = يالمزنة الغرا .. أبرقي فوقي .. وذعذع يابراد
وقالت يامسفر ..؟.. لو تسمّعني من القاف الجزيل = امووت فيك .. وفي قصايدك القديمات الجداد
قلت اسمعي .. من آخر ابداعات .. عمرو بن طفيل = واحلى قصيد ابن الملوّح .. في روائع بن زياد
وارخت مسامعها .. وقام الخدّ في يدها يميل = تقول حاكم دولة ٍ .. اعلن على ابيه الحداد
ويووم انتهيت .. وناظرتني نظرة الشهم النبيل = لمحت في نظراتها .. راي ٍ يقال ولا يعاد
قالت .. عز الله .. شاعر محسوب في الوزن الثقيل = اسلووبك اسلوب .. وبيوتك غير .. وابعادك ابعاد
ماهو اعجاب ٍ فيك .. ولاشي من هذا القبيل = رايي بنيته من قناعه .. مابنيته بعتقاد
قلت الصراحه ماكتبت الشعر .. لاجل اجني حصيل = طمووحي اكبر من مصافيط العباد الى العباد
لاوالله .. الا ّ .. شاعر ٍ يسهج احدود المستحيل = لاهاض فكره .. مايردّه غير تحقيق المراد
غير احتريني .. ثامن السبّع .. ورى نجمة اسهيل = اما كذا .. ولا هجرت الشاذليّه والقناد
قالت كذا ..؟ .. قلت الوعد قدام لو طال الطويل = الايام تثبت لك .. نصيب المجتهد من الاجتهاد
وقامت تمخطر في مقام ٍ عالي .. وقدر ٍ جليل = وتعذّرت عذرا .. مثل عذر الخوارج في الجهاد
واقفت ولي معها .. مثل مال الفقير .. من البخيل = مازاد فيني غير .. شوق .. وبعد .. واهيام .. ونكاد
وراحت ورحت ... وشوقها فيني .. مثل دم القتيل = وابطت بها الايام .. وابطا الحب .. لكن ّ الوكاد
ان حبها .. ثابت مع الاجيال .. جيل ٍ بعد جيل = ماهوب مثل .. أسهم على الشاشات في بنك البلاد
ياليلة ٍ مرت عليّ .. ماكنّها الاّ حلم ليل = بقت بعيني .. بين حاء .. وبين فاء .. وبين ظاد
مااقول غير الله يعين الزين .. في ردّ الجميل = والله يقدّر .. ( راعي الشرفا ) .. على جني الحصاد
وسلامتكم ..
[/poet]
( مسفر بن جارالله المري )
تعليق