قصيدة حجرف الذويبي ( كامله )

هذه هي قصيدة حجرف الذويبي المشهوره والتي اورد الاخ الاحمدي بعضها وكذلك وقع فيما وقعت به جريدة عكاظ وصحة الاسم حجرف وليس حجروف والقصيده مشهوره


مما قال حجرف الذويبي بعد ماتركوه ربعه بالمراح مرتين واخر مره على عِدّ يقال له ( طلال )وبعد ماتركوه ارقب على غار ولقى ( داب ) اعمى فاتح فمه والطيور بقدرة المولى تطيح في فمه وتمثّل بالابيات التاليه:-

يقول بن عيّاد وان بات ليله
رزقي على اللي ماتحاصى فعايله
قال الذويبي والذويبي حجرف
مثايلٍ من لبّة القلب قايله
ماني بولد هدلاٍ ليا قلّ كيله
جرف باهل بيته وضاقت محايله
انا ليا ضاقت عليّه تفرجت
ماني بهلباجٍ همومه تكايله
يرزقني رزاق الهوايش بجحرها
لاخايلت برقٍ ولاهي بحايله
يارزق غيري ياملا مايجيني
لاجم هيافا معتلينٍ رحايله
ولاني على رزقي بخبلٍ لغيري
ورزقي يجي لو كل حيٍ يحايله
تشب نارٍ يجذب الضيف ضوها
وان خبتت زدنا حطبها سقايله
والله مانكره ضيوفٍ ليا لفوا
صعلوك والا من معالي حمايله
وحلّيت في داري خلاوي لحالي
وترى الفرج مضمون والرب قايله
وذبحت انا سبع الركايب لاهلها
في حزةٍ عيّا على الزاد كايله
ربعي قبايل حرب ياقل مالي
لاركبت غبر السنين وشحايله
اللي وقد بمراح تسعين عاقر
وشكرت انا منها جزايل فعايله
وربعي قبايل حرب حرابة الدول
كم دولةٍ راحت فخرها فشايله
طهمان ياشه يوم شاف الحرايب
رماح وسيوف تلظى فتايله
وياشة طيره قام تسعين ليله
ثم انهزم للترك يشكي بلايله
وهذي قبايل حرب ياجاهلٍ بها
كم دولةٍ راحت توقّد غلايله
وفضنا على نجدٍ وناسٍ ونيسه
الى انتحى جنوب والا شمايله
يشهد لنا وادي الرمه مع جوانبه
هذي عدوده باقياتٍ مثايله
نوبٍ نحدّ الغير ونوبٍ يحدّنا
واللي خذوا منّا خذينا بدايله
تسعين قريه ماخذيناه بالثمن
كسبٍ بالايدي يوم الايدين طايله
لي لابةٍ فرسان تدري بها العدا
ندبها قومٍ على الدرب عايله
ويومٍ بوادي الدوم لاعاد ماجرى
اليوم يجري من معالي مسايله
وعينيك يازادي الرمه علك الحيا
حوراً ترّزم شربها من ثمايله
ترعى بامان وكنّ ابازيد قدمها
السيف باليمنى وبها الغيض شايله

الى الاخ العزيزي ابو سجود ............

تحيه طيبه .

اولاً : احب ارحب فيك ضيف عزيز وغالي في هذا المنتدى الجميل
واقول الله يحيك وتسعدنا بمشاركاته الجميله مثل هذه القصيده الرائعه لحجرف .
واقولك ( يمرحبا حييت....... ياصقراً لفا )

ثانياً : عزيزيز ابو سجود عند قراتي للموضوع في الجريده طابقته مع كتاب الادب الشعبي في الحجاز للمؤلف للبلادي
وصححته ولم اتي بشيء من عندي . وهو اجتهاد لتوضيح النص والقصيده .


ثالثاً : اشكرك على تعقيبك هذا وهذا يدل على اصلك الطيب ومحافظتك على تصحيح وتكملةاي موضوع نص كان اوبيت من الشعر .

مرة اخرى شكراً لك ياابو سجود والله يحفظك

لك اطيب تحياتي