Tweet
[poet font="Simplified Arabic,4,darkblue,normal,normal" bkcolor="transparent" bkimage="backgrounds/11.gif" border="double,5,darkblue" type=0 line=200% align=center use=ex length=0 char="" num="0,black" filter=""]
يا صاحبي خل الغزل و التغزّال=ما فالغزل نفعة و لا به شكاله
شف لك من الحكمة و جزلات الامثال=شيٍّ يفيد القلب لامن صخا له
لفتت نظر تفطن لها قلوب عقّال=مجنون ليلى وش كسب من خباله
عقب السعادة والفرح و التبهلال=ومسامر الترفات فتلت حباله
من روس قوم و عاش مربوط بحبال=مفتون و المفتون وا عزّتاله
وراع الغزل لو قال ثم قال ثم قال=نلقا العجايب في ثنايا مقاله
متذبذب المسكين في كل الاحوال=و الوضع يكشف ما سمعنا و قاله
يحكي لنا قصة عذابٍ و غربال=وينخى على بلواه عمه و خاله
يقول جتني و سط الاسواق تختال=قلبه خضر والزين يمشي قباله
وقّف و قلبه للمزايين ميّال=واشّر بكفّه ثمّ ميّل عقاله
واظهر من المخبى زقاره و جوال=وان ما نفع يكتب جواب و رساله
وسلم لها المظروف و يقول فـالحال=هاتي جواب الخط يا راس ماله
ويبني لها في قلبه الصبّ منزال=واقفى يهوجس سابحٍ في خياله
ويقلب الحانه على كل موال=ويقول يا وجده ويا بري حاله
إيروح ليله بين دانه و يا لال=والصبح يشكي فالسهر وش جراله
وليا خذا له يوم قال الجفا طال=وقام ايتعبّر ما تحقق مناله
نوبٍ عطيب و نوب قال الوجع زال=ونوبٍ من الفرقى تزايد هباله
ونوبٍ يقول الصد يا ناس قتّال=ونوبٍ يقول الغض محلا دلاله
ونوبٍ يدوّج في مراحيين و اطلال=وتصفق من الحسره يمينه شماله
ونوبٍ يهيم بوادي الحب رحّال=لو قيل خلّه فالخضيرا عناله
ونوبٍ بنى رجمه على قمّة جبال=وكل ما طراله زول خلّه رقاله
ونوبٍ يلوم اللي دله عن هوى البال=ونوبٍ يهنّي كل من كان داله
ما عاد ندري حبّه الوان و اشكال=مرٍّ شكى حظة و مرٍّ صفاله
ما عمّهم بالقول ذربين الافعال=يكرم نظيف العرض من كل قاله
وختامها صلوا عدد بدع الامثال=على النبي المرسول بالحق وآله
[/poet]
يا صاحبي خل الغزل و التغزّال=ما فالغزل نفعة و لا به شكاله
شف لك من الحكمة و جزلات الامثال=شيٍّ يفيد القلب لامن صخا له
لفتت نظر تفطن لها قلوب عقّال=مجنون ليلى وش كسب من خباله
عقب السعادة والفرح و التبهلال=ومسامر الترفات فتلت حباله
من روس قوم و عاش مربوط بحبال=مفتون و المفتون وا عزّتاله
وراع الغزل لو قال ثم قال ثم قال=نلقا العجايب في ثنايا مقاله
متذبذب المسكين في كل الاحوال=و الوضع يكشف ما سمعنا و قاله
يحكي لنا قصة عذابٍ و غربال=وينخى على بلواه عمه و خاله
يقول جتني و سط الاسواق تختال=قلبه خضر والزين يمشي قباله
وقّف و قلبه للمزايين ميّال=واشّر بكفّه ثمّ ميّل عقاله
واظهر من المخبى زقاره و جوال=وان ما نفع يكتب جواب و رساله
وسلم لها المظروف و يقول فـالحال=هاتي جواب الخط يا راس ماله
ويبني لها في قلبه الصبّ منزال=واقفى يهوجس سابحٍ في خياله
ويقلب الحانه على كل موال=ويقول يا وجده ويا بري حاله
إيروح ليله بين دانه و يا لال=والصبح يشكي فالسهر وش جراله
وليا خذا له يوم قال الجفا طال=وقام ايتعبّر ما تحقق مناله
نوبٍ عطيب و نوب قال الوجع زال=ونوبٍ من الفرقى تزايد هباله
ونوبٍ يقول الصد يا ناس قتّال=ونوبٍ يقول الغض محلا دلاله
ونوبٍ يدوّج في مراحيين و اطلال=وتصفق من الحسره يمينه شماله
ونوبٍ يهيم بوادي الحب رحّال=لو قيل خلّه فالخضيرا عناله
ونوبٍ بنى رجمه على قمّة جبال=وكل ما طراله زول خلّه رقاله
ونوبٍ يلوم اللي دله عن هوى البال=ونوبٍ يهنّي كل من كان داله
ما عاد ندري حبّه الوان و اشكال=مرٍّ شكى حظة و مرٍّ صفاله
ما عمّهم بالقول ذربين الافعال=يكرم نظيف العرض من كل قاله
وختامها صلوا عدد بدع الامثال=على النبي المرسول بالحق وآله
[/poet]
تعليق