Tweet
شعراء ومتابعي النداوي
اضع بين ايديكم هذه المشاركه
وهي مساجله جرت بيني وبين الشاعر سعود فارس العتيبي
راجيا ان ترتقي لذائقتكم و تحوز علي شئ من رضاكم
.. يقول الشاعر سعود فارس منير العتيبي..في قصيدته
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
هات الفروخ اللي ورقهن مسطر=وهات القلم واقرب عليه دواته
باكتب لك اللي داخل القلب يظهر=قاف من اقصي عروق قلبي نباته
قاف على حامي الشرايين يصهر=مثل الذهب لاصهّروه بحصاته
يصهر على الحامي ويفرز ويبهر=وليا صفي كلن شبح بنظراته
وعده على حاميات الونيات عنتر=عنتر ولد شداد يحمل صفاته
بالثقل والمنطق وزين المعبر=وليا تكلم يجذبن كلّماته
هاجد حريب الضد والسيف الابتر=عوق الخصيم اللي يشوح بقناته
سمعت قيفانه وانا فيه مبهر=منطق وثقل وراكدٍ في ثباته
عبر وخلى المستمع فيه ينظر=وابدع وجاب القول من موقعاته
كنه لياغني على البحر الاحمر= ينقي من اللولو ويملا شبكاته
بحر غزيرٍ من وقع فيه ماسر= يغرق به البحار مع مركباته
لعل يفداه العفون المعثر=اللي موازنهم تخف بعباته
سمعت ابوجايد وانا فيه مستر=حيث ان عرقي صوب عرقه وذاته
وانا وابوجايد وريدين في حر=ومنشى الوريدين الفواد وحشاته
ذكرني الماضي جميعه وما مر=وجدي وجدانه وكل عصباته
ربعي وربعه يوم الارماح تشهر= يوم كلن نصرته من عزاته
الاد حوبه لاظهر يومٍ اقشر=سقم الحريب ونكبته ودحراته
لعلهم يبقون لليوم الاخر= لـــيوم صولات الدهر ونكباته
قلته وانا من صولة الوقت في حر=وكنى على صال الحطب وجمراته
مار السنين الهن تدابير وعبر= وكلن على ماقيل يقضي حياته
وقضيتها والكبد في سطحها شر= وعبرات هاك العين تعمي نظراته
واسمع يابوجايد ترى وقتنا مر=ومن لايذوق المر ماطعم حلاته
بقعا تدور وتطحن ثم تفتر= وترجع لك الماضي على اول بداته
وانتم عرب مانتم تماثيل وصور=والماض الاول مابقى الا حتاته
لابد مايصبح حلى الحاليه مر=والكل تنشب كلمته في لهاته
والجمع يبرز والمظاهير تنشر=والضد يظهر لك بكامل عداته
والسيف الابتر من جفيره يظّهر= وكلن على ماقيل يحمى خواته
اما خوات من اللبن واللبن در=ولاخوات البطن واكبر شماته
وانته لها لابان عمار وعمر=لافز خطو الضد بمصقلاته
واقبل تحياتي لذلك وتشكر=ياشاعرٍ محدٍ نسى مفرداته
الشاعر سعود فارس منير العتيبي
[/poet]
... وبعد وصولها لي ..كان هذا ردنا عليه[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله ياللي بالدجي تسمع الذر=ليا سيرت فوق الصفا عيناته
مافيه غيرك واحدٍ يكشف الضر=والعبد تعلم سيته وحسناته
ياغافر الزلات ياعالم السر=واليا دعاك العبد تسمع دعاته
تجعلنا من فضلك امرٍ ميسر= يامن بحفظه حافظٍ كايناته
يوم العباد تقوم للعرض الاكبر=الرابح اللي يقبل الله صلاته
يامرحبا ماخيل المزن وامطر=ومالاح برقٍ وماذرا ذارياته
قاف لفاني عندي اغلى من الدر=من شاعرٍ بانت لنا بيناته
سعود بن فارس رفيقٍ مقدر=يصعب علينا تركته وتخلاته
مدام غاص بغبت الشعر وابحر=واخذ من اللجنه شهادة براته
جمع فرايدها وقام يتخير=والعوب صخرهن وجن طايعاته
مثل الجواهر كل مافيه جوهر=واعد هذي من حدى طيباته
مكتوب قرمٍ بالتماثيل عبر=عن موقفه والرجل عينه مرآته
على شقى الدنيا مغار يتصبر=قلبه صواديف الدهر مدمياته
ومن طيب راسه شاش للعلم الاشهر=رجلٍ يقول علومنا معجباته
ويشكر على طيب اهتمامه ويذكر=بالطيب حي اللي يسوي سواته
جاني وانا كني بشوفه مبشر=والقلب هذي من كبار امنياته
يوم اقبلوبه مانباه يتحير=لاهنت يامندوب راعيه هاته
وساعة قريته جوهر العقل نور=وجاله على العهد القديم التفاته
والبال من معنى كلامه تكدر= والفكر نونا واسهرني بناته
والقلب من بعض الظروف يتأثر=صابه قلق والليل عيا يباته
وعن الرفيق ولازمه ماتعذر=ابوي وصاني وحافظ وصاته
اطلب وتاجد كل شيٍ محضر= مايقضي الحاجات راعي تماته
واشهر جناح العز يالحر الاشقر=روم العلا والعمر هذي طراته
وابوك فارس كاسب النعم واكثر=كل السمات الطيبه من سماته
رجلٍ تحب الناس ذكره ليا مر=وانته لاتخلف منهجه ياشفاته
واليوم شفنا النقص في الوقت الاغبر=وقتٍ يورينا الردي من رداته
ياسعود فارس كل شيٍ تغير=حتى العوايد صار فيها انفلاته
ولد الحموله فضل الدرب الايسر=ماعاد تعرف علته من صحاته
قليل دين وفالعرب مايقدر=ونقّل دين الرجل قلت حلاته
على مزامير الشياطين يسهر=وله نومةٍ قشرا تعادل مماته
ون قام ياخذ وقت.. والفكر ماقر=ولايستفيد الطيبه من ولاته
والعبد مايجريله الا المقدر=والدين للمخلوق مصدر غناته
كلن ورد ياسعود للما وصدر=قد شيبه جرح الزمان ونياته
والرزق في كل النواحي مدور=والرجل مايندم على شي فاته
والعافيه والمشي ساعه مع البر=والارض كاسيها الخضار بنواته
ومجلس مطاليقٍ ونارٍ توهجر= في وسط بيتٍ فاتحين اذرياته
وكيفٍ من الهيل المنقى يبهر=ونجرٍ ليا حرك تزيد عبراته
والبل وشوف السيل والروض الاخضر=ربيع قلبٍ مامحت ذكرياته
والرابح اللي يعبد الله على بر= ويحفظ كتابه قبل تدني وفاته
وماجاء على لسان المغيره وابي ذر=من قول هديٍ فصلت محكماته
وصلو على خير البشر قايد الغر= بعد السلام ورحمته وبركاته
هاجد بن جايد العتيبي
[/poet]
واسمحولنا على الاطاله
هاجد بن جايد
تعليق