السلام عليكم
والله اني ما دريت ولا نشدت من الرطينه ** غير يوم ان الدحيمي قد تفل حامض عنبها
قلت يا محمد علامك واختلط جيمه بسينه ** واخلف الارسال ثم قال الله اكبر يا شببها
قلت يا محمد تكلم والعن النفس اللعينه ** قال مجنون العرب له كلمة مااعرف سببها
قلت منهو قال شووفه والتفت وقلت وينه ** ولا لقيت الارجالٍ عرقها الطيّب جذبها
قلت تمزح قال صادق وانشد اللي سامعينه ** من ورا ايفيل يجر الصوت والنجمه رقبها
زام هاجوس القصايد وادخل القسوه بلينه ** لين خلاّ لحمة التعبير تنشب في عصبها
قلت يا هجسي ترفـّع والسّفيه امسامحينه ** خل خبلان الحكي شوّالها يسبق رجبها
قال مااجنّب يا لين اللي هدر نسمع حنينه ** والحصيله من ولد هاك الخواجه لاتحسبها
والجمايل فالرجال اللي لها قلوبٍ فطينه ** ما ذخرناها ومد الطيب عِمّه وانعصبها
والنعم من عهد جدي وارثينه وارثينه ** يوم بعض نفوس خلق الله ما يخلف تعبها
لكن الانجاس نحشم عنّها صرف الثمينه ** ومن تحاكا في قفانا هوّن النفس وغضبها
ما يذمون الشجيع الا الرخوم وحاسدينه ** يوم يمناه الطليقه تهشم الروس وجنبها
وان حكينا ما حذفنا كلمة العود الرزينه ** لاترد الراس للي كلمة الحق ايعقبهاا
وان حكينا ما حذفنا شي مبهم قاصدينه ** لا تفكر جيتك ابها جيتك ابها جيتك ابها
طمّن الله من طمع بين العرب في ذالطـّمينه ... قام يبها فالخطا والناس فالطولات تبها
عد سبع ايام واركنها على جال الدفينه ** والعوج لا ثار دخّانه نسبها في حسبها
يا سبيع ويا عتيبه يا هذيل وياجهينه ** لا يزوم ولا يزام وزمرة الدون انغلبها
الله اكبر يا زمانٍ قارن العز بهوينه *** ولو لحقت العام الاول ما قدر يطمر عتبها
جاك يلعبها القطيني من قطينه في قطينه ** يوم لفّت واستدارت بكرة افكاره شعبها
والله اني لو دريت بساعته يلعن قرينه ** لكن اشره للرفيق اللي مواثيقه قلبها
غير شرهة من يعدّون الجزيل مجاملينه ** ولو قضبها طير ابن برمان قلتو ما قضبهاا
هم على درب الظلام اللي مشاه مساعدينه ** لين حتى شهّدوه الزور والكذبه كذبها
ما دخل خرج البعيد الا محاصيل الطحينه ** والبلا فالمبتلا ضربه ترد لمن ضربها
عقبها خلك مع ضحك العذارا والسكينه ** ولا شبحنا فالنظيره يا ولد باريس جبها
السجينه ما يسلّيها ياكون اخت السجينه ** ولو تذكرها بيوم العيد باعت من ذهبها
والوعد ويّاك لامنه طفا نور المدينه ** والفوايد يا ولد باريس جيناك انحسبها
وابتري يد القصيد وهجرسي باللي تبينه ** يا هجوس الشاعر اللي للمثايل ما غصبها
وسلااامتكم
للتوضيح :
هذي قصيدتي التي كتبتها ولم اجهها لاحد ولا للباريسي نفسه في المنتدا
وهذه قصيدة الباريسي التي رد بها مباشرة كرد غير صريح للقصيده
ظافر السهلي
[تم تعديل الموضوع من قبل المتمكن بتاريخ 04-23-2001 الساعة 08:02 PM]
والله اني ما دريت ولا نشدت من الرطينه ** غير يوم ان الدحيمي قد تفل حامض عنبها
قلت يا محمد علامك واختلط جيمه بسينه ** واخلف الارسال ثم قال الله اكبر يا شببها
قلت يا محمد تكلم والعن النفس اللعينه ** قال مجنون العرب له كلمة مااعرف سببها
قلت منهو قال شووفه والتفت وقلت وينه ** ولا لقيت الارجالٍ عرقها الطيّب جذبها
قلت تمزح قال صادق وانشد اللي سامعينه ** من ورا ايفيل يجر الصوت والنجمه رقبها
زام هاجوس القصايد وادخل القسوه بلينه ** لين خلاّ لحمة التعبير تنشب في عصبها
قلت يا هجسي ترفـّع والسّفيه امسامحينه ** خل خبلان الحكي شوّالها يسبق رجبها
قال مااجنّب يا لين اللي هدر نسمع حنينه ** والحصيله من ولد هاك الخواجه لاتحسبها
والجمايل فالرجال اللي لها قلوبٍ فطينه ** ما ذخرناها ومد الطيب عِمّه وانعصبها
والنعم من عهد جدي وارثينه وارثينه ** يوم بعض نفوس خلق الله ما يخلف تعبها
لكن الانجاس نحشم عنّها صرف الثمينه ** ومن تحاكا في قفانا هوّن النفس وغضبها
ما يذمون الشجيع الا الرخوم وحاسدينه ** يوم يمناه الطليقه تهشم الروس وجنبها
وان حكينا ما حذفنا كلمة العود الرزينه ** لاترد الراس للي كلمة الحق ايعقبهاا
وان حكينا ما حذفنا شي مبهم قاصدينه ** لا تفكر جيتك ابها جيتك ابها جيتك ابها
طمّن الله من طمع بين العرب في ذالطـّمينه ... قام يبها فالخطا والناس فالطولات تبها
عد سبع ايام واركنها على جال الدفينه ** والعوج لا ثار دخّانه نسبها في حسبها
يا سبيع ويا عتيبه يا هذيل وياجهينه ** لا يزوم ولا يزام وزمرة الدون انغلبها
الله اكبر يا زمانٍ قارن العز بهوينه *** ولو لحقت العام الاول ما قدر يطمر عتبها
جاك يلعبها القطيني من قطينه في قطينه ** يوم لفّت واستدارت بكرة افكاره شعبها
والله اني لو دريت بساعته يلعن قرينه ** لكن اشره للرفيق اللي مواثيقه قلبها
غير شرهة من يعدّون الجزيل مجاملينه ** ولو قضبها طير ابن برمان قلتو ما قضبهاا
هم على درب الظلام اللي مشاه مساعدينه ** لين حتى شهّدوه الزور والكذبه كذبها
ما دخل خرج البعيد الا محاصيل الطحينه ** والبلا فالمبتلا ضربه ترد لمن ضربها
عقبها خلك مع ضحك العذارا والسكينه ** ولا شبحنا فالنظيره يا ولد باريس جبها
السجينه ما يسلّيها ياكون اخت السجينه ** ولو تذكرها بيوم العيد باعت من ذهبها
والوعد ويّاك لامنه طفا نور المدينه ** والفوايد يا ولد باريس جيناك انحسبها
وابتري يد القصيد وهجرسي باللي تبينه ** يا هجوس الشاعر اللي للمثايل ما غصبها
وسلااامتكم
للتوضيح :
هذي قصيدتي التي كتبتها ولم اجهها لاحد ولا للباريسي نفسه في المنتدا
وهذه قصيدة الباريسي التي رد بها مباشرة كرد غير صريح للقصيده
ظافر السهلي
[تم تعديل الموضوع من قبل المتمكن بتاريخ 04-23-2001 الساعة 08:02 PM]
تعليق