[poem=font="Simplified Arabic,5,black,bold,normal" bkcolor="transparent" bkimage="" border="inset,4,gray" type=2 line=0 align=center use=ex num="0,black"]
مل قلب ضيقت صدره وعاثت به هجوسه=بين شي وده يقوله ولا وده يقوله
كلمة منها عروق القلب والكبد محموسه=قيضت روض الفواد ولمت الاحزان حوله
ان كتمها كنها شلفا في الصدر مغروسه=ون حكاها فرحت العذال واكثرت العذوله
ياوجودي طال حبل الهم والاوضاع حوسه=والعرب كل(ن) على ماطاب له يشعب ذلوله
صار وجه الصبح شاحب لون وايامه عبوسه=وارتدا ليله عباة الهم واسترخت سدوله
اشهد ان شرهة غلاة القوم مره ومحسوسه=مايحس بمرها الا من تحاشى لاتطوله
البلا انه داخل بين العرب فالحب سوسه=والعرب تحكم على الظاهر وبالشرهة عجوله
عاذلي0لا0لا0تقوس الجرح تكفا لاتقوسه=دون جرح العام الاول واحد ماحال حوله
الزمن تقرع سنينه والجمل تصرف ضروسه=الزمن شال الخطايا والجمل شال الحموله
يازمان كلما قلنا نجحنا في دروسه=لادروسه قافيتنا جولة من عقب جوله
كل يوم والسنين جداد والدنيا عروسه=والتجارب تصقل الرجال وتزيد محصوله
التجارب علمتنا كل وقت وله لبوسه=وكل شي ولو يطول به المدى يرجع لـ اصوله
علمتنا نلبس الرجال بشته حسب قوسه=لانقلل به قياس ولانزيده فوق طوله
صاحبي ماكل راس يستحق انك تبوسه=فيه راس اعدل غلاه وفيه راس اعدل ميوله
وفيه راس لاتردد لـ استوى للدوس دوسه=لاتجيره من مزاليق الطمان ومن وحوله
والوجيه اشكال مابين التفاؤل والنحوسه=وبين وجه صعب(ن) استحماله وصعب(ن) قبوله
وبين وجه سمح الله خلقته واظهر شموسه=وجه دين ووجه طيب ووجه فزعات ورجوله
ذاك حطه للزمن ذخر وجنبه الحسوسه=تاجده لاشلهبت ليام ماضيت(ن) فعوله
ون بغيت الكلمه اللي لاغدت لرياء عموسه=تغني العراف عن لغو الكلام وعن فصوله
واحد(ن) مايستلذ الطيب ويسقي غروسه=قاصر(ن) شبره عن الطاله ويمناه امغلوله
ناصر علي الحارثي (هداج)[/poem]
مل قلب ضيقت صدره وعاثت به هجوسه=بين شي وده يقوله ولا وده يقوله
كلمة منها عروق القلب والكبد محموسه=قيضت روض الفواد ولمت الاحزان حوله
ان كتمها كنها شلفا في الصدر مغروسه=ون حكاها فرحت العذال واكثرت العذوله
ياوجودي طال حبل الهم والاوضاع حوسه=والعرب كل(ن) على ماطاب له يشعب ذلوله
صار وجه الصبح شاحب لون وايامه عبوسه=وارتدا ليله عباة الهم واسترخت سدوله
اشهد ان شرهة غلاة القوم مره ومحسوسه=مايحس بمرها الا من تحاشى لاتطوله
البلا انه داخل بين العرب فالحب سوسه=والعرب تحكم على الظاهر وبالشرهة عجوله
عاذلي0لا0لا0تقوس الجرح تكفا لاتقوسه=دون جرح العام الاول واحد ماحال حوله
الزمن تقرع سنينه والجمل تصرف ضروسه=الزمن شال الخطايا والجمل شال الحموله
يازمان كلما قلنا نجحنا في دروسه=لادروسه قافيتنا جولة من عقب جوله
كل يوم والسنين جداد والدنيا عروسه=والتجارب تصقل الرجال وتزيد محصوله
التجارب علمتنا كل وقت وله لبوسه=وكل شي ولو يطول به المدى يرجع لـ اصوله
علمتنا نلبس الرجال بشته حسب قوسه=لانقلل به قياس ولانزيده فوق طوله
صاحبي ماكل راس يستحق انك تبوسه=فيه راس اعدل غلاه وفيه راس اعدل ميوله
وفيه راس لاتردد لـ استوى للدوس دوسه=لاتجيره من مزاليق الطمان ومن وحوله
والوجيه اشكال مابين التفاؤل والنحوسه=وبين وجه صعب(ن) استحماله وصعب(ن) قبوله
وبين وجه سمح الله خلقته واظهر شموسه=وجه دين ووجه طيب ووجه فزعات ورجوله
ذاك حطه للزمن ذخر وجنبه الحسوسه=تاجده لاشلهبت ليام ماضيت(ن) فعوله
ون بغيت الكلمه اللي لاغدت لرياء عموسه=تغني العراف عن لغو الكلام وعن فصوله
واحد(ن) مايستلذ الطيب ويسقي غروسه=قاصر(ن) شبره عن الطاله ويمناه امغلوله
ناصر علي الحارثي (هداج)[/poem]
تعليق