عجوزن تمد ايدينها

[poet font="Simplified Arabic,6,black,normal,normal" bkcolor="skyblue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ا نا مابكيت بدنيتى مثـل ذاك اليـوم
سبب منظرا بالسوق شفتـه وبكانـى

عجوزن تمد ايدينها ا تدور المقسـوم
قبل لاتصير الحادثـه جـت تنخانـى

وخذت ماقسمه الله من بوكى المعلـوم
وراحت تمشا ترتجى مـد الاحسانـى


تعكز على عصاتها بشارع(ن) مزحوم
ضعيفة نظر ماتبخص الزول ياخوانى

ولكن عرضها حضها السيء المشئـوم
بلاهـا بـلاه الله بالمجـرم الجانـى

على سيكلن مثل الرعد صوته المذموم
حذفها بدون بريـك للشـارع الثانـى

كسر خاطري مضرابها وصوتها لغلوم
تبي فزعته وغلـوم بالبيـع بلشانـى

وقفت اتطلع منبهـر كنـى المنجـوم
اهل الدموع الحارقه فـوق الاوجانـى

تصيح وتلوى والعجم كلبوها ارخـوم
عدا واحدن جاها من الضيم حمقانـى

نسفها على متنه شجاع (ن) عداه اللوم
خذته الحميه شالها شيلـت احصانـى

هذا حد علمى يـوم قفابهـا الشغمـوم
على اقرب مصح الفزعة الخير شفقانى

حقيقه تكدر خاطري من هذاك اليـوم
الى اليوم هذا عايش بهـم واحزانـى

تعكرمزاجى من بعدها وعفـت النـوم
حاولت اتسـلا لكـن النـوم ماجانـى

[/poet]

قصيدة تشرح قصه تحز بالنفس
اخي الشاعر مرزوق الصواغ
طابت اوقاتك وصح لسانك على هذا البوح الانساني
لاهنت
تقبل اجمل تحياتي

الاخ نايف


حياك الله ولاهنت على الحظور

للرفع وشكرا للجميع

ابو طلال

صح السانك ولاهنت


قصيده رائعه ومعبره

لك تحياتي

الاخ العزيز الشاعلر / مرزوق الصواغ
صح السانك ولاهنت
قصيده رائعه ومعبره

لك تحياتي

حسن الوطري


لاهنت على الحظور

[سعد بن شليه السبيعي]

قصيدة تشرح قصه تحز بالنفس
اخي الشاعر مرزوق الصواغ
طابت اوقاتك وصح لسانك على هذا البوح الانساني
لاهنت
تقبل اجمل تحياتي

سعد السبيعي


حياك الله ولاهنت على الحظور

سعد السبيعي


شكرا لك على مرورك