1000 خطه

[align=center]1000 خطه[/align]
[poet font="Simplified Arabic,6,limegreen,bold,normal" bkcolor="transparent" bkimage="backgrounds/12.gif" border="solid,6,gray" type=2 line=200% align=center use=ex length=0 char="" num="0,black" filter=" glow(color=darkred,strength=5)"]
ياحمود صبري من صروف الدهرباط = وانا تراني ياخويّك بشطه
ودي تساعدني ترى ضامري شاط= مضمون هرجي بالرساله تحطه
انا ادري انك ما انت للحب خطاط = لكن تكرم يالسنافي وخطه
وافطن الى جتك المهمه من نقاط = خلك وفـيّ وخافي السر غطه
البارحه يوم انت في مرقدك غاط = انا الكرى ماصح لي منه غطه
بيني وبينه هوش وخناق وشباط = ولـو ننوي الصحبه همومي تلطه
واحس كن بداخل القلب مسواط = نوبٍ يحزحز به ونوبٍ يبطه
اسباب من هو تلني تل بارباط = والقلب في قاسي عذابه يغطه
خلاّ عطيب الجرح والجرح ماخاط = ومن زود بخله ماذكرني بخطه
وانا جوابه لو وصلني به اغلاط = من فرحتي به مــآدري وين احطه
ياصاحبي فريت بي عدة اشواط = وش جاك قلبي بالبلاوي تقطه
عقب الوفاء صدقت بي حكي خراط = وطاوعت من للحسد قلبه محطه
وانا قبل كم قلت لك عنه تحتاط = خل الهوى بإسكات والصوت وطه
ياما تعرض للمحبين بافراط = لفراقهم ولـّع فتيله و شطه
راع الحسد يرميك في بحر الاوراط = لاترحمه باقدام رجلك توطه
وانا عن امثاله على راس ملعاط = مايأصله لو حاول انه ينطه
الى قلــط ليـّّه ســبقته بــــمقـــلاط = والى رسم خطه رسمت الف خطه
[/poet]

الـى قلـط ليّّـه سبقتـه بمقـلاط
والى رسم خطه رسمت الف خطـه


الله الله عليك

الشاعر محمد عطا الله الشراري


صح الله لسانك


أخــوك...

الشاعر / محمد عطا الله الشراري
اسعد الله صباحك بكل خير
صح لسانك وبيض الله وجهك
قصيده رائعه وجزله و افيه
شاعر ليس بغريب منه ان
يتمثل بابيات ابداعيه

سجل اعجابي وتقديري

هلا أخوي محمد الشراري

صح لسانك أيها الشاعر

في الحقيقة قصيدة رائعة بمعنى الكلمة ذات قافية صعبة وجميلة جداً

أمنياتي لك بالتوفيق الدائم


ولك تحياتي

[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
راع الحسد يرميك في بحر الاوراط = لاترحمه باقدام رجلك توطه

وانا عن امثاله على راس ملعاط = مايأصله لو حاول انه ينطه[/poem]



نــم قرير العيــن .... فهذه الفئــه لا تستحق منا حتى التفكير بهم .


محمد الشــراري


لحروفك نكهتها الخــاصـة ......... ودائمــا ما تعود ومعها المفاجئات .


دمت ودامت حروفك بهذا الحضور .


أصدق التحايا .


عطاالله المضياني

ياصاحبي فريت بي عـدة اشـواط
وش جاك قلبـي بالبـلاوي تقطـه

محمد

الله لا يهينك

وصح الله لسانك

تقبل احترامي

الاخوة الكرام
جابر المري
سعد السبيعي
يحيى بن عيدان
عطاالله المضياني
راشد آل سالمين
اسعدني كثيرا مروكم العذب
والمعطر بطيب كلماتكم العزيزه
اشكركم من الاعماق على هذا الكرم المتواصل
والتشجيع الاخوي المستمر
تقبلوا تحياتي واحترامي

السلام عليكم ...


الله الله



قفله ولا أروع

وابداع غير مستغرب من شاعر كبير مثلك يا محمد


صح لسانك ودمت على العز



فهد

الاخ الكريم /فهد بن محفوظ
شكرا لك من الاعماق على مرورك العذب
وكلامك الطيب الغير مستغرب من امثالك
صح بدنك لاهانت يالطيب
وحفظك الله من كل مكروره ياأخ فهد
لك تحياتي وتقديري