بيني وبين ابو مهنا ((محمد الصفياني))

[align=center]مساء الخير للجميع هذه ابيات موجهه لأخي الغالي محمد الصفياني ورده الثمين عليها
آمل ان ترتقي لذائقتكم [/align]


[poet font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

نبي نكمل عام وانعد في عام = وأيامنا من دون شك محسوبة

والعمر يفنى والمواعيد قدّام = وكلن يجاهد يقضي اللي ينوبه

ويبقى لنا تذكار وهموم واحلام = ونفسٍ على مر الزمان مغلوبة

نفسٍ تلاعبها مدارات الاوهام = وتلعب بها دنياً عليها كذوبة

مرٍ تزين وتكتسي لي بهندام = عروسةٍ لحلى عريس مخطوبة

ومرٍ تعقد الشر في روس الاكمام = وتصير للنفس الرهينه عقوبة

يصبر عليها اللي على الوقت جزّام = صوابها يخفيه عزمه وثوبه

يصبر ولو ضاقت مساليك الاقدام = والصبر للعاقل متاع وركوبه

ولا بد عقب الضيق هبّات الانسام = فالصبر بيبان الخلاص محجوبه

ماقلته الا عقب درهمت درهام = واصبحت من جوبه على حد جوبه

ضمى وياس وعبلةٍ كنها خام = سرابها قامت تضاحك جنوبه

وشيٍ بقلبي ماتغيره الايام = انساه نوبه واذكره بالف نوبه

غلاً ملحم فالمعاليق بلحام = على شغاف القلب بانت ندوبه

لبو مهنا ثابتٍ له بمرسام = مثل الحجر تنحت وتبقى كتوبه

لو كان عنّا صام والاّ بعد شام = وابطى علينا ماطرقنا هبوبه

يبقى الوفا لازكى الوفيين الاكرام = كدر السنين بكدرها ماتشوبه

حيثه علم عندي رفيع من الاعلام = عذوبة نطقه وفعله عذوبه

يستاهل البيضاء بنيشان ووسام = والله يسهل ماوطى من دروبه
[/poet]




[align=center]رد الغالي ابو مهنا [/align]


[poet font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
سر يا قلم بين الثنين مع الإبهام= بين الثلاثة خل خطك عجوبه
رد الجواب الله يقد يك الإلهام = عساك ما تلقى برده صعوبه
عام وثلاث أشهر وستة مع أيام = ميست أنا من صاحبي لو غدو به
حيثه عزيز ومن عزيزين وحشام = ماوالله ارخص منزله لو حكوبه
معاتب الطيب على القلب مرهام = اعاتبه واقبل عتابه واهوبه
يا صاحبي تم الليالي بالتمام = عد الفراق اللي علينا سعوبه
بنيت لك في مهجتي نزل وخيام = وأدخلتهم فالنزل لين ارثعوابه
ها لاه كيف أنلام وألا متى أنلام = لا تلحق المشطون منك الشبوبه
ويا عيني اللي كل مادالهن نام = كبت لذيذ النوم للي اهتنوا به
العين يقزيها عن النوم ملهام = يسقط على حدب الضلوع ويلوبه
دنياً تصافقنا على كل مهذام = من كل مشرق يوم حتى غروبه
ويابو سعد والحر لن ضيقبه حام = شفنا وعفنا منزلٍ دعثروبه
لياصار بني البيت ساسه على جام= ياسرع ماهدوه طوبه بطوبه
اصحابنا من كل بدٍ اليا يام = ومن نجد لطراف الحجاز وجنوبه
تخلفوا عنا بضيقات وزحام = حابوا قليل العرف لين اقنعوا به
مخرج ووضفهم يديرون الافلام = من حيث مايومي براسه عدوابه
يا عبيد ياسلطان يازيد يا دهام = كلٍ عليه قام ينفخ ذروبه
واجزلت غصبا مالنا فالخطا هام = عـّـد الخطأ ماني بفري غروبه
[/poet]



[align=center]وسلامتكم [/align]

الله الله الله









صح اللسان وسلم البنان

ابيات من ذهب وهروج عرب

من شعراء مبدعين ورااااااااائعين


لله در الجمال والعذوبه


اخوكم

عذاااب الغرااااميل

الاخ عبد الرحمن شكرا لك من القلب لكرم المرور واطرائك تاج اتزين به

تحيتي ومودتي

صوت جزل من ابن سبيل



ورد جزل من ابو مهنا





هنا للشعر الجزل مضرب مثال



هنا ابداع وامتاع لشعراء تجاربهم تثرى الساحه



لله دركم من شعار واكسجين للروح




اخوكم

الاخ الغالي خالد شكرا لتفضلك بالمرور من هنا
وجدت شذا عطرك مع كلماتك الثمينة

تحيتي ومودتي
اخوك ابونوت

الأخ الشاعر صالح السبيّل

صوت وصدى في غاية الجمال .. ومن شعراء لهم مكانتهم ..

تقبل خالص تحياتي

الاجمل مرورك يابو ثامر الله يطول بعمرك

شكرا لك اخوي الغالي

صح لسانك ياصالح ولسان ابومهنا


وشكرا لاتحافنا بهذه الرديه الجميله



أخ وك

الأخ الكريم أبو نوت يطيب لي تسجيل أعجابي بهتين الرئعتين في هذه الصفحة
ولك ولأبي مهنا كل تقدير
مشعل

صالح السبيل

والله الذي لا اله الاهو إنك عندي غالي غالي غالي


يابو سعد علي بالحرام ماعلمت بإنزالها الا في اللحظات اللي اكتب ردي فيها


أنا منقطع عن المنتدي غصب عن أنفي


إنقطعت وعدة وزدة أنقطع واعود ورحبوا بي واخذوا علي تعهد إني ماعودها مار ماش علوم لياعضبت عضبت


والله إني أسدي العذر لكل محب وعاتب

بس ماهي على الكيف يابو سعد * *

الليلة حاولة الدخول وقعدة اخبص في الرقم السري وسويت بحث عن اسمي عشان اعرف فيه مسافة مسطرة والا بدون
وطحت على موضوعك

واراد الله لي الدخول لنداوي على اسبابه


عساك بخير يا بو سعد وجميع من تحب

مبطين والبطى شين



أعذروا قصوري جميعاً ادام الله عزكم



تحياتي وفائق إحترامي للجميع




اخوكم ابو مهنا

الله الله يا شعراء

شعراء كبار وجزلين صالح السبيل وابومهنا

صح الله ألسنتكم ودام ابداعكم

سجلوا اعجابي ومتابعتي

ابوعرب