شكوى بدر

[poet font="Simplified Arabic,4,black,normal,normal" bkcolor="skyblue" bkimage="backgrounds/2.gif" border="none,4,gray" type=1 line=200% align=center use=ex length=0 char="" num="0,black" filter=""]
صلوا على النبي


يابدر نقّضت الجروح القديمه= جرح الغرام اللي رمتني سهامه
وشبّيت نارٍ في هقايش هشيمه= ياوين أبلقى من لهبها سلامه
ما يعرف دواها بليّا هضيمه= الا الغرير الترف راعي اللثامه
الغاده اللي عنقها عنق ريمه= وعيونها دعجٍ وفيها زعامه
ان سجّدت بالرمش شفت الهزيمه= وان فرّقت الأرماش شفت الملامه
وان جمّلت بالضحك صوت الحشيمه= عاتب جمال الخد غمزه وشامه
والمبسم اللي شقّته مستقيمه =تصعب عليه مفاوهت الابتسامه
الدم لونه والنفل من نسيمه=والشهد من ريقه وكاس المدامه
لو الحلا دوله ترشَح زعيمه=جيشه مشاعر والقصايد نظامه
كان الربيع اللي سقى الأرض ديمه= واليوم محلت ديرتي من غرامه
تفارقت الأضعان فرقاً مديمه=فرقا الحجاز اللي ربا عن تهامه
يشوفها دونه وهي مستهيمه=ويغافل عيونه بشوف الغمامه
الحب من لا ذاق صلوى جحيمه=ما ميّز الوكري وفرخ الحمامه
يشوف ود القلب مثل الجريمه= ومباريٍ راسه براس النعامه
وأستغفرالله كان فيها ظليمه= لكن زمنّا خاضلٍ في حزامه
من صد شاف اللي تنسّيه ظيمه=ومن لد ماردّ الخطا بالندامه
يابدر حالي مثل حالك سقيمه=وانا هقيت اني بخير وسلامه



وسلامتكم
[/poet]

صح لسانك


قصيده فيها من الابداع الكثير






دمت بخير

ياسلام عليك يا عبد الله



اشهد بالله انك شاعر جزل




وان لشعرك طراة وروح




صح لسانك حتى ترضي




اخوووك

الشاعر

حمد الحبابي

شكرا على هذا المرور الرائع


اتشرف بأمثالك دائما


تقبل تحياتي

خالد الذيابي

يا عساني ما افقد هالطله


صح بدنك


وزان علمك ولا هنت على هذا المرور العطر


تقبل تحياتي