مسعود الغليسي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ايه ياقلب والدنيا ام الاهوال= مثل حال الرحاه المستديره


كل يوم لها وجهه ومنوال=وكسرها ماتفيد به الجبيره


امس سو القضاء قفا برجال=في عيوني يعادل له عشيره


ابيض الوجه سمح وطيب الفال=ليته معوّض بعشرين غيره


راح مسعود يالله ترحم الحال=يالله انك من اهوالك تجيره


ما شكا منه ابن عم وابن خال=وطايل كل خلق الله خيره


ابلج مثل حق يفلج الضال=وصادق في نباه وفي ضميره


وان لقيته كريم وطيب سبال=يضحك حجاجه ويوضي نضيره


ماينقص حقوق الناس مثقال=وان عطى يغني النفس الفقيره


ابن شيخ لربعه كنز وظلال=في ليالي المقادير العسيره


والليالي لها في الخلق موال=كل يوم تصبح عند ديره


ولا تخيّر سوى اللي ماله امثال=نادر كل ربعه تستشيره


والله اني ما الوم الدمع لوسال=وجعل من لامني يلقى مصيره


طحت في بير حزن مالها جال=واظلّّم الكون يالله بالستيره


وش بقى ياقصيدي فيك ينقال=وانت ذخري بالأيام المثيره


صرت تبكي معي وتضيّق البال=وانت عن وجهي ترد المغيره


ياقصيدي سمعت الحق وش قال؟؟=كل نفس لها حد ومسيره


والله منّزل الزخرف والانفال=ان حزني مثل نار السعيره


لكن ايماني بتقدير الاجال=اكبر من الجروح المستطيره


وان درب القضاء ماشي ولا زال=لين تفنى الحياه بكل سيره


واحسن الله عزا ذربين الأفعال=السيوف البواتيع الشطيره


واحسن الله عزاي بكل الاحوال =وجعل فـ ...امر الولي خير وخيره
[/poet]

صح لسانك



والله يجزاك خير


والله انه خساره على الجميع الله يرحمه



وانت يامسعود ماقصرت

الله يرحم والديك يامسعود

عزالله انك ابدعت واحزنت

رحم الله زميلنا مسعود الغليسي رحمة واسعه

وصح لسانك يامسعود

اخي جابر المري



جزاك الله خير




ومشكور على مرورك




لاهنت

ابراهيم الشمراني



من الأسماء التي افرح لتواجدها في متصفحي



متابعتك فخر وحضورك يسعدني





لاهنت وتقبل تقديري

اخي عبدالله بن شبنان



اتشرف بتواجدك المستمر في متصفحي




لاهنت يالغالي



وتقبل الله منك

فهد الوايلي




صدقت الجرح اكبر من التعبير



والحمد لله على كل حال





لاهنت يابوصالح

والله منّزل الزخـرف والانفـال 0000ان حزنـي مثـل نـار السعيـره

اخوي مسعود اليامي

الله يفكك حزنك يااااااااارب والبقيه برأسك
ويرحم مسعــــــود ويسكنه فسيح جنااااااااااااااااااته

يامرحبا ومسهلا يامسعود




والله يرحم ابو جابر بوافر رحمته وجميع موتانا وموتى المسلمين





وصح الله السانك يالوافي



ودعتك الله