Tweet
قصيدة اعجبتني - نايف صقر
نايف صقر ........صاحب القصيدة الراقية
نعم ...... لذلك هو الاقرب دائما الى الرقي
هذه المرة كتب بحزن هذه القصيدة الرثائية في جده .....
بصراحة هذه القصيدة من اجمل وارقى القصائد الرثائية ومنذ زمن بعيد .....بعيد
= = = = = = = = = = = = = = = = = = = = = = = = = = = = = = = = = = = = = = = =
كانت هذه المقدمة التي كتبها محرر ملف نوض بمجلة المختلف في احد اعدادها
لعام 1992م ..
اليكم نايف صقر واليكم القصيدة :
المساجد والصخا والصوم واسمان الجلايب
والمصاحف والحرم والهيل والطيب وسبيله
والبنادق والكرم والنوق وارسان الركايب
والليالي والحطب والنار والتمر ونخيـله
والمزاهب والسفر والخيل وظهور النجايب
والمساري والسهر وسهيل والبيد الطويله
من يعزيها ؟ بعد ما مات حلال النشايب
من يسامرها بعد ما مات كساب الجميله
يالله الوهاب غياث الثرى جزل الوهايب
يالله المنان يالرحمن يا رب النفيـله
سق لقبره من بكور الوسم هتان السحايب
ماطر تروي به القيعان والضامي يخيـله
والعيون اللي يتل دموعها حبل السبايب
لا تشح حمولها لا مات ميــزان الثقيـله
والغصون اللي طعنها البرد بسيوف الهبايب
لا تثنى في يدين البــرد لين ابرد غليـله
ميت يالدمع وجفون الزعل قبر ونصــــايب
والبكا بارد وانا روحي على جمر المليله
وسلامتكم ....
نقلها / محمد الرافعي
تعليق