.
[poet font="Simplified Arabic,4,darkred,normal,normal" bkcolor="white" bkimage="" border="solid,1,darkred" type=0 line=200% align=center use=ex length=0 char="" num="0,black" filter=""]
.
إذا حصّلت صاحبك متغيّر=وورّاك الجفا من بعد غيبه
ولاجاء بينكم علمٍ يغيّر=موازين الوفا قبل المغيبه
فلاتقعد من الوضع متحيّر=تظن اللي حصل حاجه غريبه
ترى صاحبك يابوقلب خيّر=أكيد إنه تسمّع فيك غِيبه
وعنده خبث في عقلٍ صغيّر=وعندك نقص عرف وزود طيبه
نصيحه لاتسال ولاتسيّر=عليه وقد بدالك منه ريبه
وخلّك كنك الذيب متذيّر=رماه بواردي واخطى الضريبه
يبان العلم في وقتٍ قصيّر=تسدك فيه الأيام القريبه
إذا له قلب لابده ينيّر=وينشد عنك والخطوه تجيبه
وإذا شفته مخيّر فانت خيّر=ولاتذكر لأحد خبثه وطيبه
وخلّك في الرجاجيل متخيّر=ويعقلها على ماقيل شيبه
معه خبرة سنين وعقل نيّر=وله في المجتمع حشمه وهيبه
وترى به رجل حُر وبه حريّر=شبيه الحرُ لايخدعك عيبه
غنى مظهر وفي المخبر فقيّر=عليه الموجبات اكبر مصيبه
هدير بعير في ممشى حويّر=ومثله مايسرك وش تبي به
نصيحه وانت سال الناس ديّر=تراها مخطيه؟ وإلامصيبه؟
.
.
عبدالله الطلحي
.
[/poet]
[poet font="Simplified Arabic,4,darkred,normal,normal" bkcolor="white" bkimage="" border="solid,1,darkred" type=0 line=200% align=center use=ex length=0 char="" num="0,black" filter=""]
.
إذا حصّلت صاحبك متغيّر=وورّاك الجفا من بعد غيبه
ولاجاء بينكم علمٍ يغيّر=موازين الوفا قبل المغيبه
فلاتقعد من الوضع متحيّر=تظن اللي حصل حاجه غريبه
ترى صاحبك يابوقلب خيّر=أكيد إنه تسمّع فيك غِيبه
وعنده خبث في عقلٍ صغيّر=وعندك نقص عرف وزود طيبه
نصيحه لاتسال ولاتسيّر=عليه وقد بدالك منه ريبه
وخلّك كنك الذيب متذيّر=رماه بواردي واخطى الضريبه
يبان العلم في وقتٍ قصيّر=تسدك فيه الأيام القريبه
إذا له قلب لابده ينيّر=وينشد عنك والخطوه تجيبه
وإذا شفته مخيّر فانت خيّر=ولاتذكر لأحد خبثه وطيبه
وخلّك في الرجاجيل متخيّر=ويعقلها على ماقيل شيبه
معه خبرة سنين وعقل نيّر=وله في المجتمع حشمه وهيبه
وترى به رجل حُر وبه حريّر=شبيه الحرُ لايخدعك عيبه
غنى مظهر وفي المخبر فقيّر=عليه الموجبات اكبر مصيبه
هدير بعير في ممشى حويّر=ومثله مايسرك وش تبي به
نصيحه وانت سال الناس ديّر=تراها مخطيه؟ وإلامصيبه؟
.
.
عبدالله الطلحي
.
[/poet]
[/align]
تعليق