ماني خلاوي يدور خليلة

[خالد السهلي]

السلام عليكم ورحمة الله وبركاته
الجديد للتوااااااااااااااااصل
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يامل قلبٍ مل حامي المليلة=يمسي بجوفه سارح الهم ضاوي
يلعب بجوفه مثل لعب الاصيلة=وان صال لايرحم ولاهوب ياوي
سر ياقلم دام الدعاوي طويلة=بيني وبين مطولين الدعاوي
مدّ الجزيلة للكفوف البخيلة=حتى تعلم كيف مدّ الصخاوي
ماني وصيّ ادم ولاني وكيله= لاشك لي مبدا ونهج سماوي
وكلٍّ يورّد شاهده مع دليله=ومن لايثبت حجته قيل غاوي
(ولاصرت منظورٍ بعين جليلة)=قدقيل خلك في الطريق متساوي
(وعين الرضا عن كل عيبٍ كليلة=كماان عين السخط تبدي المساوي)
واهل النفوس المصديات الغليلة=ماحدٍ لقا له في سنعها مداوي
يانجد ياجعلك بستر وفضيلة=والله يحفظك من صدوف البلاوي
يانخلة بين السيوف الصقيلة=ترد دونك كل هاوي وعاوي
اليوم تشتمنا الرخوم الهزيلة=والعام منا ياكلون الزكاوي
عساي ما اشوفك مرابي رذيلة=ولا اشوف فيك مقطرين الثناوي
وعساي ماشوف بك ولد القبيلة=تسوق عنه الموتر اخته مضاوي
ولاشوف فيك مهملين الحليلة=ولاشوف فيك مبدلين الفتاوي
وعساي ماشوف الشعر بك وسيلة=والشاعر بضاعة مجلة دناوي
كثرت مجلات الفشل والفشيلة=يالله لاتبقي للعرايا عراوي
والشعر تبقيه المعاني الثقيلة=مادام له سامع وناقد وراوي
والا خجاعيب القلوب الهبيلة=يصفق بها في الجال سيلٍ نحاوي
بالله تطرية الشعر ويش هي له=لاصار ماله في الخواطر طراوي
ياهيه مالي عن مداراك حيلة=تردني دونك سلوم العزاوي
نفسي عن المنقود تحجم ذليلة=يومك على المنقود مالك مخاوي
من ضاق منا ماجحدنا جميله=خل الهقاوي ياربيب القهاوي
ترى الغناوي ياردي الحصيلة=عن شوف مردي الحصيلة غناوي
ياذالخَيَال اللي تعرض مخيلة=ماهيب من حظ الشعيب السناوي
ماني خلاويٍّ يدور خليلة=ياذا الخليل اللي يدور خلاوي
قلب الحياوي ماغرفتي حثيلة=يا ام الحثايل عنك قلبي حياوي
[/poet]

خالد السهلي

ياسلام عليك على هذه الدره وصح الساااانك يا خالد

قصيده استمتعت بقرائتها حبك وسبك رائع


وتقبل فائق الاحترام

اخي الشاعر خالد السهلي





ياهيه مالي عن مـداراك حيلـة
تردني دونـك سلـوم العـزاوي
نفسي عن المنقود تحجـم ذليلـة
يومك على المنقود مالك مخـاوي




روعه
تمكن

قصيده وافيه من وافي
تستحق المتابعه



لك مني فائق الاحترام




اخوك خالد

ياسلام عليك يا خالد

صح السانك ولاهنت


قصيده رائعه من شاعر متمكن

لك تحياتي

نفسي عن المنقود تحجـم ذليلـة
يومك على المنقود مالك مخـاوي

الله الله ياخال

جميل ماكتبت

كل المتابعه

تركي

واهل النفوس المصديات الغليلـة
ماحدٍ لقا له في سنعهـا مـداوي
يانجد ياجعلـك بستـر وفضيلـة
والله يحفظك من صدوف البلاوي
يانخلة بيـن السيـوف الصقيلـة
ترد دونك كل هـاوي وعـاوي
اليوم تشتمنـا الرخـوم الهزيلـة
والعام منـا ياكلـون الزكـاوي
عساي ما اشوفك مرابي رذيلـة
ولا اشوف فيك مقطرين الثناوي
وعساي ماشوف بك ولد القبيلـة
تسوق عنه الموتر اخته مضاوي
ولاشوف فيك مهمليـن الحليلـة
ولاشوف فيك مبدليـن الفتـاوي
وعساي ماشوف الشعر بك وسيلة
والشاعر بضاعة مجلـة دنـاوي
كثرت مجلات الفشـل والفشيلـة
يالله لاتبقـي للعرايـا عـراوي
والشعر تبقيـه المعانـي الثقيلـة
مادام لـه سامـع وناقـد وراوي
والا خجاعيـب القلـوب الهبيلـة
يصفق بها في الجال سيلٍ نحاوي
بالله تطرية الشعر ويش هي لـه
لاصار ماله في الخواطر طراوي
ياهيه مالي عن مـداراك حيلـة
تردني دونـك سلـوم العـزاوي
نفسي عن المنقود تحجـم ذليلـة
يومك على المنقود مالك مخـاوي
من ضاق منا ماجحدنـا جميلـه
خل الهقاوي ياربيـب القهـاوي
ترى الغناوي يـاردي الحصيلـة
عن شوف مردي الحصيلة غناوي
ياذالخَيَال اللي تعـرض مخيلـة
ماهيب من حظ الشعيب السنـاوي
مانـي خـلاويٍّ يـدور خليلـة
ياذا الخليل اللي يـدور خـلاوي
قلب الحياوي ماغرفتـي حثيلـة
يا ام الحثايل عنك قلبي حيـاوي





اصييييييييييييييل ياخالد اصل وشعر




لاهنت على هذه الراائعه الحكيمه



وانشاء الله ان مضاوي بتبطي ماجودت الدركسون




صح الله السانك ولاعدمتك



اسلموسلم