دمــت شـــامخ ياوطـــــــن

. بدون مقدّمات............







[poet font="المهند,4,seagreen,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

يـاالله المعبـود ياعالـمٍ مافـى الصـدور=ياعظيـم الشـان يامتبـع الليـل النهـار
نسألك عطفك ولطفـك وعفـوك ياغفـور=وسترك ليا قام زند الفتـن يقـدح شـرار
يـاالله احفظنـا بحفظـك وجنّبناالشـرور=وعافنا من كـل فتنـه وتخريـب ودمـار
وياوطنّا عشـت يااطهرثـرى واتـمّ نـور=عشت يامهد الرسالـه فنـارٍ فـي منـار
عشت رغم انف الحسد والضلاله والفجور=آمنٍ بامن الولـي مـن تصاريـف الغيـار
ثم بامن من عذّوا حماك من ماضى العصور=سـادة السـادات نـدّر صواريـم الحـرار
الملوك اللي لحوزة حمـى الإسـلام سـور=دونه يديـن المعاديـن لوطالـت قصـار
الملوك اللي بهم صـار لـك هيبـه ودور=واستقام الشرع فيـك وشملـك الإزدهـار
في ذرى الله ثم ذراهم لـو العالـم يمـور=إرقـد آمـن ياوطـن لاتضـام ولاتــذار
ياوطن لاترهب ارهـاب قصّـار الشبـور=العفون اللي تطـاول علـى خيبـة دبـار
غرّهـم مـن زايـد الجهـل بالله الغـرور=لين عوّد سعيهـم مـن تبـارٍ فـي تبـار
إستباحوا حرمة الأمن في خيـر الشهـور=واستحلّوا حرمة الـدمّ مـن دون اعتبـار
وش يحلّل قتل الاطفال في عمـر الزهـور=وويش عذر مزعزع الأمن في خير الديـار
غير فقدان البصـر والبصيـره والشعـور=كنّ مافـى الآخـره قدمهـم جنّـه ونـار
راعي الطغيـان والبغـي عقبـاه الثبـور=خزي فى الدنيا وفى الآخره بئـس القـرار
ياوطن ماجـور واللـي يعاديـك معثـور=دمت شامخ ياوطن فـي زمـان الإنكسـار
لك علينا عهد ربّـي ليـا يـوم النشـور=مايعـلاّ فيـك للغـدر والباطـل شـعـار
بامر مجرى الفلك فىامواج غبّات البحـور=العزيز اللـي يجيـر ويعـزّ بْـه الجـوار
ياوطنّـا والله انّــا بعـهـدك مانـبـور=ولانسامح ياوطن كـلّ مـن بالعهـد بـار
كلّنا دونك رجـال امـن وحراسـة ثغـور=بوضـع الإستعـداد والتعبئـه والإنتشـار
مايجـي مـن يمّنـا لاقصـور ولافتـور=ولانفكّر فى التسامح وفـي سبـل الحـوار
لين نقلع شجرة ابليس من ساس الجـذور=وينقطع دابـر شـراذم عصابـات البـوار
وكان وجـه ام الكبايـر تبـدّى بالظهـور=وصلّعت والشر منهـا تمـادى واستطـار
ياوطن حنّا عيالك علـى خبـرك حضـور=لازمى العايـل زمينـا وبنّـا لـه جهـار
أبشر ابشر كان ناديت بالصـوت الجهـور=بالعيـال اللـي يفـادون دونـك بالعمـار
كلّ صنديدٍ عليـك وعلـى الملّـه غيـور=ماتشـرّب قلبـه الاّ شهـاده وانتـصـار
لك علينا نصخـي الـدمّ لترابـك عطـور=ونرخص الأرواح لازادت الهيجـا استعـار
كلّنـا مـن دون حـدّك براكيـنٍ تـثـور=مالمن يطمع بـك الاّ انتحـار أو اندحـار
كلّنـا فـدوة ثوابتـك مـن كـلّ محـذور=صـفّ واحـد مايصيبـه تفكّـك وانهيـار
ماتزعزعنـا دعايـات عـبّـاد القـبـور=كـلّ زنديـقٍ تستّـر بـوجـهٍ مستـعـار
ولايلـوّث فكرنـا كـلّ خــوّانٍ كـفـور=قضّبوا فكره من اقصى اليمين اقصى اليسار
ولايشكّكنا فـاولـي العلـم وولاة الأمـور=صوت عجل السامري عقب ما جاله خـوار
السفيـه اللـي يرتّـل ترانيـم الـزبـور=فـي مواخيـر الخنـا والرذيلـه والقمـار
عيّنتـه امّ الكبايـر علـى بنـد الأجـور=وقامت تديره بريموت من خلـف الستـار
مـادرى انّـه كلمـا زاد كـذب وزاد زور=زادنـا عـزم وثبـات وتلاحـم واقتـدار
مير لابـدّ الدوايـر علـى راسـه تـدور=ويتجرّع كاسٍ انكـى وامـرّ مـن المـرار
والله انّا ياوطـن مايجـي منّـا القصـور=ولانعرّض واجبك ياوطـن ملـس العـذار
وياعيون اعداك والله لنحرمهـا السـرور=ولانعايـن فيهـم الاّ بعـيـن الإحتـقـار
وانـت تبقـى يافخرنـا بغيرتنـا فخـور=وقدرك اكبر لو دعينـا وقلنـا باختصـار:
دمت عامـر بالسعـاده وبالعـزّ معمـور=في ذرى الله ثم ذرى اهل المعزّه والوقـار
[/poet]


وسلامة الجميع.

راجح


ارحب تراحيب المطر وعز الله ابدعت واجزلت ولاهنت والوطن يستاهل


صح السانك


تحياتي

الله الله يا راجح



صح الله لسانك مليون والله لا يهينك



قصيده جزله من شاعر جزل والوطن يستاهل ندعو الله له ان يحفظ بلادنا وكل بلاد المسلمين من كيد الاعداء




دمت بخير

راجح

صح السانك ولاهنت

وبيض الله وجهك

قصيده وافيه ماعليها كلام

لك تحياتي

راجح المقاطي


نص راقي ورائع

صح لسانك ودام ابداعك

ابيات جزله استمتعت بقرائتها

تقبل التحيه والتقدير

ابوعرب

الرائع / محمد العاطفي.........


تبقى والله وتسلم........


مرورك يسعدني وإطراؤك ينومسني......



صح بدنك......




لك عميق شكري وتقديري....

راجح المقاطي

هلا والله ومرحبا

قصيدة ولا اروع منها الا حضورك وتميزك يا المتميز


دفاعا عن الوطن


يا سلام والله ماقصرت والوطن يستحق


تقبل تحياتي

يـاالله المعبـود ياعالـمٍ مافـى الصـدور
ياعظيـم الشـان يامتبـع الليـل النـهـار
نسألك عطفك ولطفـك وعفـوك ياغفـور
وسترك ليا قام زنـد الفتـن يقـدح شـرار
يـاالله احفظنـا بحفظـك وجنّبناالشـرور
وعافنا من كـل فتنـه وتخريـب ودمـار
وياوطنّا عشت يااطهرثـرى واتـمّ نـور
عشت يامهـد الرسالـه فنـارٍ فـي منـار
عشت رغم انف الحسد والضلاله والفجـور
آمنٍ بامن الولـي مـن تصاريـف الغيـار
ثم بامن من عذّوا حماك من ماضى العصور
سادة السـادات نـدّر صواريـم الحـرار
الملوك اللي لحوزة حمـى الإسـلام سـور
دونـه يديـن المعاديـن لوطالـت قصـار
الملوك اللي بهم صـار لـك هيبـه ودور
واستقام الشرع فيـك وشملـك الإزدهـار
في ذرى الله ثم ذراهم لـو العالـم يمـور
إرقـد آمـن ياوطـن لاتضـام ولاتـذار
ياوطن لاترهب ارهـاب قصّـار الشبـور
العفون اللـي تطـاول علـى خيبـة دبـار
غرّهـم مـن زايـد الجهـل بالله الغـرور
لين عوّد سعيهـم مـن تبـارٍ فـي تبـار
إستباحوا حرمة الأمن فـي خيـر الشهـور
واستحلّوا حرمـة الـدمّ مـن دون اعتبـار
وش يحلّل قتل الاطفال في عمـر الزهـور
وويش عذر مزعزع الأمن في خير الديـار
غير فقدان البصـر والبصيـره والشعـور
كنّ مافـى الآخـره قدمهـم جنّـه ونـار
راعي الطغيـان والبغـي عقبـاه الثبـور
خزي فى الدنيا وفى الآخره بئـس القـرار
ياوطن ماجـور واللـي يعاديـك معثـور
دمت شامخ ياوطن فـي زمـان الإنكسـار
لك علينا عهـد ربّـي ليـا يـوم النشـور
مايعـلاّ فيـك للغـدر والباطـل شـعـار
بامر مجرى الفلك فىامواج غبّات البحـور
العزيز اللـي يجيـر ويعـزّ بْـه الجـوار
ياوطنّـا والله انّــا بعـهـدك مانـبـور
ولانسامح ياوطن كـلّ مـن بالعهـد بـار
كلّنا دونك رجـال امـن وحراسـة ثغـور
بوضـع الإستعـداد والتعبئـه والإنتشـار
مايجـي مـن يمّنـا لاقصـور ولافتـور
ولانفكّر فى التسامح وفـي سبـل الحـوار
لين نقلع شجرة ابليس من سـاس الجـذور
وينقطع دابـر شـراذم عصابـات البـوار
وكان وجـه ام الكبايـر تبـدّى بالظهـور
وصلّعت والشر منهـا تمـادى واستطـار
ياوطن حنّا عيالك علـى خبـرك حضـور
لازمى العايـل زمينـا وبنّـا لـه جهـار
أبشر ابشر كان ناديت بالصـوت الجهـور
بالعيـال اللـي يفـادون دونـك بالعمـار
كلّ صنديدٍ عليـك وعلـى الملّـه غيـور
ماتشـرّب قلبـه الاّ شهـاده وانتـصـار
لك علينا نصخـي الـدمّ لترابـك عطـور
ونرخص الأرواح لازادت الهيجا استعـار
كلّنـا مـن دون حـدّك براكيـنٍ تـثـور
مالمن يطمع بـك الاّ انتحـار أو اندحـار
كلّنـا فـدوة ثوابتـك مـن كـلّ محـذور
صفّ واحـد مايصيبـه تفكّـك وانهيـار
ماتزعزعنـا دعايـات عـبّـاد القـبـور
كـلّ زنديـقٍ تستّـر بـوجـهٍ مستـعـار
ولايلـوّث فكرنـا كـلّ خـوّانٍ كـفـور
قضّبوا فكره من اقصى اليمين اقصى اليسار
ولايشكّكنـا فاولـي العلـم وولاة الأمـور
صوت عجل السامري عقب ما جاله خـوار
السفيـه اللـي يرتّـل ترانيـم الـزبـور
فـي مواخيـر الخنـا والرذيلـه والقمـار
عيّنتـه امّ الكبايـر علـى بنـد الأجــور
وقامت تديره بريموت من خلـف الستـار
مـادرى انّـه كلمـا زاد كـذب وزاد زور
زادنـا عـزم وثبـات وتلاحـم واقتـدار
مير لابـدّ الدوايـر علـى راسـه تـدور
ويتجرّع كاسٍ انكـى وامـرّ مـن المـرار
والله انّا ياوطـن مايجـي منّـا القصـور
ولانعرّض واجبك ياوطـن ملـس العـذار
وياعيون اعـداك والله لنحرمهـا السـرور
ولانعايـن فيهـم الاّ بعـيـن الإحتـقـار
وانـت تبقـى يافخرنـا بغيرتنـا فخـور
وقدرك اكبر لو دعينـا وقلنـا باختصـار:
دمت عامـر بالسعـاده وبالعـزّ معمـور
في ذرى الله ثم ذرى اهل المعزّه والوقـار



رائعهرائعه رائعه رائعه
دمت بهذا الوهج
ودمت بخير


لك من النرجسيه تقديرها

دمت شــــــامــــــخ ياوطــــــــــــــن

الاخ الشاعر/راجح المقاطي

صح لسانك وبيض الله وجهك

على هذه الرائعه الجميله التي

تستحق الاشاده بهاوبشاعرها

سجل اعجابي ومتابعتي.....

وتقبل تحياتي,,,,,,,,,,,,,,

راشد المري

راجح المقاطي







شهادة لله بأنك كفّيت و وّفّيت







ما شاء الله عليك





صح لسانك و علا شانك






و كلنا فداءا للوطن،،،،