ثــــــلاث أيــــــام !!

مرحبا الف يابو عيد .. وصح الله بدنك

مرحبا الف يابو عيد .. وصح الله بدنك

مشاري المري

شاعر لا يكتب الا الرائع و الجزل

صح الله لسانك و بيض الله وجهك

وافيه من وافي

لا خلا و لا عدم

اخوك فيصل

مرحبا يافيصل .. وماعليك زود .. وصح الله بدنك يالسنافي

مشاري صح لسانك

والله لايهيك على القصيده

الجزله من راس جزل

يعطيك العافيه يامشاري

سعيد ابن راشد ..مرحبا 1000 والله يعافيك

[طراد آل مشرف اليامي]

السلام عليكم ورحمه الله ..


إخواني أخواتي النداويه .. كلي عذر لأنقطاعي عن المنتدى بالفتره الماضيه ..





أهديكم آخر ما كتبت وكلي أمل أن يحوز على رضاكم ..






[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ثلاث أيام كن بين الظلوع وخافقي زلزال = لعب في قلبي المستوجع وقطع عراويّه
ثلاث أيام .. ما عرف الرقاد وعايف المقيال = وكن كبدي على ضو لاهي ميته ولا حيه
ثلاث أيام .. وهجوسي على الماضي .. عرااااض طواااال = كبر روعة عزيز جاه علم فموت غاليّيه
ثلاث أيام .. وآنا أنعت على دمع العيون الشال = مدام عيوني فساعة ممات الحب .. طائيّه
أنا مالوم نفسي .. لو أشوف الهيّنات هوال = ولو تطغى على وجهي الهموم شويّه .. شويّه
ولو آآصير وجبه دسمه لجوّاعة العذال = مدام إني سنافي وآآبكي بنت سنافيه
سنافيه لها وسط الحشا مرباعٍ ومنزال = مثل منزال بدوٍ جوه عقب عساسه ونيه
فروضٍ زاد زين الوان عشبه صمله الهمال = ومن فقعانه .. أصغر واحد مليٍّ مخابيه
لها في عيني بحور وغيومٍ داكنه وجبال = ولها من حصة التفكير !! خمس الآف بالميه
ولها عندي معزه من كبرها ماهي إب تنقال = لأني لو بغيت آقولها بآقول ألفيه
وأنا ؟! مافيّ حيل .. ولو يزيد الحزن بي مثقال = ذره يمكن أكتب فيّ قبل آآموت مرثيه
ولها حشمة كبيرٍ قزّر سنينه بدون عيال = ربوعه تحشمه .. وتجامله بأتفه حزاويه
ولها قيمه مهي سلعه .. عشان آبيعها للمال = ولها قلبي وأنا قلبي غني .. طيبه .. وحنيه
ولها قدر . ولها عشق مهوب حكا ولعب عيال = ولها شعرٍ يبيّض وجهها ثم وجه راعيه
ولها وجهٍ لو يشوفه رزين العقل جاه هبال = مهوب هبال مره وحده !! بيخلف هقاويه
وجهها .. طاهر .. وبه خال . لكن كن مابه خال = يلين تقول وش رايك بخالي ؟! وأحسن النيه
وجهها به جمالٍ باذخ .. يسمى جمال أطفال = ولها نابٍ صغير .. وشفتين .. صغار ورديه
ولها عنقٍ أحنه كل ما قلّدته السلسال = أخاف يجرّحه .. ويحط تحت العنق ماريه
ولها قد .. ماكن وسطه عظام ومترف وميال = يشد ألانتباه .. من الخصال الى مواطيه
الى شافتني .. وشفت الجمال .. ودبرت تختال = غدت كنها .. كنوز من ذهب .. وآنا حراميه
ولها صوت صغير يجيب كلماتٍ كبااار ثقااال = كأنها لاحكت تلقي قصيدٍ ما أنكتب زيه
وحكيها لا إزعلت .. كنّه قصيده من خلف هذال = الى قدهو أمام كبار حكّام السعوديه
إذا به بنت !! في بعض المواقف عن مية رجّال = فهي هيّ .. وجمل مدحي على أفعال مبنيه
ظحوك .. وما تعبّر حد .. ولا تسمع حكي جهال = وثلاث أرباعها عطف .. وتودّاد .. ورومانسيه
(( ولكنها )) (( كذوب )) وتبني فقلب اليتيم آمال = وتلعب في مشاعر رجل له قدره .. وأنانيه
شكوك .. وتدّعي إنها تغار ولا تطيل جدال = ولا تظحك معي واجد وأنا أحسبها سحاويه
قسم بالله إن حن قد تقاسمنا شوي زلال = فدارٍ جعل تطبق كل أسقافه زواليه
تقول .. أنا أكره الشخص الكذوب بساير الأشكال = وتدس السم فالصدر البهيّ .. وهي لها نيه
يلين أقفا بنا ركب الزمان وشانت ألاحوال = وقدّر ربي إنها تظهر السم الردي ليه
أنا مدري شلون أصبحت خاتم بيد عشق أنذال = وأنا خاف الحبل !! لأني لقصت العام من حيه
جعل يسقى .. نهارٍ قلت (( أنتي في صدر جال )) = وقالت صدق تعشقني ؟؟ وقلت بطيبتي ( إيّه)
قبل لاعرف إن حب التي حبيت .. لعب عيال = وقبل لا أحس إن في كبدي إمن أفعالها كيه
وعسى الله .. مايصغر قيمتي في نظرة العقال = ويرحم كل شخص يعامل الناس بصفى نيه




وسلامتكم .. وسامحوني على القصور






[/poet]

ارحب ارحب اررحب


يا جعل تسلم يا ذيب

وصح لسانك من الف باءه الي يائه

وجبت الغنايم يا مشاري بعد غيابك

القصيده وافيه من وافي وكافيه بطوله بال قايلها

سبك وحبك وجرس وترابط

ماشاء الله عليك

سجل عجابي ومتابعتي


وما جور


اخوك / طراد اليامي

مرررحبا الف ياطراد .. وماعليك زود يالذيب ..





صح الله بدنك .. واشكرك على المرور الذرب يالسنافي

مرررحبا الف ياطراد .. وماعليك زود يالذيب ..





صح الله بدنك .. واشكرك على المرور الذرب يالسنافي

............................................................ ...................
للرفع

للرفع .....................

ياسلام يامشاري

شاعر وقصيدك جزل

صح لسانك ودمت بخير يالمري

تحياتي

الاخ مشاري المري

صح السانك على هذه المطولّه


تقبل تحياتي

هلا يبو راشد



وصح الله بدنك




ولاهنت على مرورك اللي اعتز به دايم

متعب سعيد اليامي





مرحبا مليووون




وصح الله بدنك